ਫਿਰੋਜ਼ਪੁਰ ਚ ਵੱਖ ਵੱਖ ਥਾਈਂ ਗੋਲੀ ਚੱਲਣ ਦੀਆਂ ਘਟਨਾਵਾਂ ਚ ਦੋ ਵਿਅਕਤੀ ਜਖਮੀ

ਫਿਰੋਜ਼ਪੁਰ ਚ ਵੱਖ ਵੱਖ ਥਾਈਂ ਗੋਲੀ ਚੱਲਣ ਦੀਆਂ ਘਟਨਾਵਾਂ ਚ ਦੋ ਵਿਅਕਤੀ ਜਖਮੀ

ਫਿਰੋਜ਼ਪੁਰ 16 ਜੁਲਾਈ 2024 (ਅਨੁਜ ਕੱਕੜ ਟੀਨੂੰ )

ਲੋਕਾਂ ਚ ਅੱਜ ਕਲ ਸਬਰ ਅਤੇ ਹੌਸਲਾ ਖਤਮ ਹੁੰਦਾ ਨਜ਼ਰ ਆ ਰਿਹਾ ਹੈ , ਛੋਟੀ ਮੋਟੀ ਗੱਲ ਪਿੱਛੇ ਇੱਕ ਦੂੱਜੇ ਦੀ ਜਾਣ ਲੈਣ
ਤੋਂ ਵੀ ਨਹੀਂ ਝਿਜਕਦੇ , ਚਾਹੇ ਉਹ ਰਾਹ ਜਾਂਦੇ ਕਿਸੇ ਨਾਲ ਕੋਈ ਤਕਰਾਰ ਹੋਵੇ ਜਾਂ ਫਿਰ ਜ਼ਮੀਨੀ ਲੜਾਈ ,ਬਸ ਇਹ ਲੋਗ ਅਸਲੇ ਜਾਂ ਹਥਿਆਰਾਂ ਦੀ ਵਰਤੋਂ ਕਰਨ ਤੋਂ ਗੁਰੇਜ ਨਹੀਂ ਕਰਦੇ ,ਚਾਹੇ ਉਸਦਾ ਨਤੀਜਾ ਜਾਨਲੇਵਾ ਹੀ ਕਿਉਂ ਨਾ ਹੋਵੇ, ਪੁਲਿਸ ਤੋਂ ਬਿਨਾ ਡਰੇ ਸ਼ਰੇਆਮ ਅਸਲੇ ਦੀ ਨੁਮਾਈਸ਼ ਕਰਨਾ ਇਹਨਾਂ ਦੀ ਆਦਤ ਬਣ ਚੁੱਕਿਆ ਹੈ ।ਇੱਦਾ ਹੀ ਫਿਰੋਜ਼ਪੁਰ ਚ ਵੱਖ ਵੱਖ ਥਾਈਂ ਹੋਏ ਲੜਾਈ ਝਗੜੇ ਦੇ ਮਾਮਲਿਆਂ ਵਿਚ ਗੋਲੀਆਂ ਚੱਲਣ ਦੀ ਖ਼ਬਰ ਸਾਮਣੇ ਆਈ ਹੈ। ਜਿਸ ਨਾਲ ਲੋਕਾਂ ਚ ਦਹਿਸ਼ਤ ਦਾ ਮਾਹੋਲ ਬਣਿਆ ਪਿਆ ਹੈ ।ਇਸ ਤਹਿਤ ਥਾਣਾ ਸਿਟੀ ਅਤੇ ਥਾਣਾ ਸਦਰ ਵਲੋਂ ਕੁੱਝ ਆਰੋਪੀਆਂ ਖਿਲਾਫ ਮਾਮਲਾ ਦਰਜ ਕਿੱਤਾ ਗਿਆ ਹੈ ।
ਮਿਲੀ ਜਾਣਕਾਰੀ ਅਨੁਸਾਰ ਰਾਜਬੀਰ ਸਿੰਘ ਪੁੱਤਰ ਜਸਵਿੰਦਰ ਸਿੰਘ ਵਾਸੀ ਪਿੰਡ ਮੂਸੇ ਵਾਲਾ ਥਾਣਾ ਆਰਿਫ਼ ਕੇ ਜਿਲ੍ਹਾ ਫਿਰੋਜ਼ਪੁਰ ਨੇ ਦਿਤੇ ਬਿਆਨ ਚ ਦੱਸਿਆ ਉਹ ਆਪਣੇ ਦੋਸਤਾਂ ਨਾਲ ਕਾਰ ਵਰਨਾ ਪਰ ਸਵਾਰ ਹੋ ਕੇ ਸੈਲੀਬਰੇਸ਼ਨ ਪੈਲਸ ਵਿੱਚ ਪ੍ਰੋਗਰਾਮ ਤੇ ਗਏ ਸੀ ਤੇ ਪ੍ਰੋਗਰਾਮ ਤੋਂ ਬਾਅਦ ਉਹ ਵਾਪਿਸ ਆ ਰਹੇ ਸੀ ਤਾਂ ਰੇਲਵੇ ਪੁਲ ਪਾਸ ਇੱਕ ਚਿੱਟੇ ਰੰਗ ਦੀ ਆਲਟੋ ਕਾਰ ਦੇ ਡਰਾਇਵਰ ਦੁਆਰਾ ਕਾਰ ਗਲਤ ਸਾਇਡ ਤੇ ਕਰਨ ਸਮੇਂ ਉਹਨਾਂ ਦੀ ਕਾਰ ਨਾਲ ਟਕਰਾ ਗਈ ਤੇ ਕਾਰ ਭਜਾ ਕੇ ਸ਼ਹਿਰ ਵੱਲ ਲੈ ਗਏ । ਜਦ ਉਹਨਾਂ ਨੇ ਕਾਰ ਦਾ ਪਿੱਛਾ ਕਰਕੇ ਕਾਰ ਰੋਕ ਲਈ ਤੇ ਕਾਰ ਚਾਲਕ ਵਿਮਲਪ੍ਰੀਤ ਸਿੰਘ ਨੂੰ ਕਾਰ ਨਾਲ ਟੱਕਰ ਮਾਰਨ ਬਾਰੇ ਪੁੱਛਿਆ ਤਾਂ ਇੰਨੇ ਚਿਰ ਨੂੰ ਹਰਮਨ ਸਾਮਾ ਤੇ ਇੰਕ ਨਾਮਲੂਮ ਵਿਅਕਤੀ ਮੋਟਰਸਾਇਕਲ ਪਰ ਆ ਗਿਆ ਜਿਸ ਦੇ ਹੱਥ ਵਿੱਚ ਬੇਸਬਾਲ ਬੈਟ ਸੀ, ਤੇ ਬਹਿਸਬਾਜੀ ਦੋਰਾਨ ਨਾਮਲੂਮ ਨੋਜ਼ਵਾਨ ਨੇ ਤਹਿਸ਼ ਵਿੱਚ ਆ ਕੇ ਆਪਣੀ ਡੱਬ ਵਿੱਚੋਂ ਪਿਸਤੋਲ ਕੱਢ ਲਿਆ ਤੇ ਇੱਕ ਉਪਰ ਨੂੰ ਫਾਇਰ ਕੀਤਾ ਤੇ ਤਿੰਨ ਫਾਇਰ ਹੇਠਾ ਸੜਕ ਪਰ ਮਾਰੇ ਜਿਨਾਂ ਵਿੱਚੋਂ ਇੱਕ ਫਾਇਰ ਉਸ ਦੀ ਖੱਬੀ ਲੱਤ ਪਰ ਗਿੱਟੇ ਉਪਰ ਲੱਗ ਗਿਆ ।
.
ਅਤੇ ਦੂਜੇ ਮਾਮਲੇ ਚ ਬਲਜਿੰਦਰ ਸਿੰਘ ਪੁੱਤਰ ਬਗੀਚਾ ਸਿੰਘ ਵਾਸੀ ਬਸਤੀ ਕੰਬੋਜ ਨਗਰ ਹਬੀਬ ਕੇ ਰੋਡ ਨੇੜੇ ਗੁਰੂਦੁਆਰਾ ਅਕਾਲਗੜ ਫਿਰੋਜ਼ਪੁਰ ਦੇ ਦਿਤੇ ਬਿਆਨਾਂ ਵਿਚ ਦੱਸਿਆ ਕਿ ਉਹ ਆਪਣੇ ਪਿਤਾ ਤੇ ਭਰਾਵਾਂ ਦੇ ਨਾਲ ਆਪਣੇ ਖੇਤ ਝੋਨੇ ਨੂੰ ਗੇੜਾ ਮਾਰਨ ਤੇ ਪੱਠੇ ਵੱਢਣ ਲਈ ਗਏ ਸੀ । 4/5 ਦਿਨ ਪਹਿਲਾਂ ਦੋਸ਼ੀ ਮਲਕੀਤ ਸਿੰਘ ਤੇ ਆਸਾ ਸਿੰਘ ਨੇ ਉਹਨਾਂ ਦੇ ਬੀਜੇ ਪੱਠਿਆਂ ਪਰ ਸਪਰੇਅ ਕਰ ਦਿੱਤੀ ਸੀ, ਜਿਸ ਨਾਲ ਪੱਠੇ ਸੁੱਕ ਗਏ ਸਨ ਤੇ ਬਾਅਦ ਵਿੱਚ ਇਹਨਾਂ ਨੇ ਸੁਕੇ ਪੱਠਿਆ ਨੂੰ ਅੱਗ ਲਗਾ ਦਿੱਤੀ , ਜਿਸ ਦਾ ਉਹਨਾਂ ਨੇ ਉਲਾਭਾ ਦਿੱਤਾ ਸੀ, ਇਸ ਰੰਜਿਸ਼ ਕਰਕੇ ਆਰੋਪੀਆਂ ਨੇ ਉਹਨਾਂ ਨਾਲ ਗਾਲੀ ਗਲੋਚ ਕੀਤਾ ਤੇ ਜਦ ਉਹਨਾਂ ਨੇ ਆਸਾ ਸਿੰਘ ਤੇ ਉਸਦੇ ਦੇ ਲੜਕੇ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਮਲਕੀਤ ਸਿੰਘ ਨੇ ਆਪਣੇ ਦਸਤੀ ਪਿਸਤੌਲ ਦਾ ਫਾਇਰ ਮਾਰ ਦੇਣ ਦੀ ਨੀਅਤ ਨਾਲ ਕੀਤਾ ਜੋ ਉਸ ਦੀ ਖੱਬੀ ਲੱਤ ਤੇ ਲੱਗਾ। ਜਿਸ ਤੇ ਲੋਕਾਂ ਦਾ ਇੱਕਠ ਹੁੰਦਾ ਦੇਖ ਆਰੋਪੀਆਂਨ ਮੋਕਾ ਤੋਂ ਭੱਜ ਗਏ ।