ਫਿਰੋਜ਼ਪੁਰ ਪੁਲਿਸ ਵੱਲੋ ਮਹਿਲਾ ਸਮੇਤ ਦੋ ਨਸ਼ਾ ਤਸਕਰਾਂ ਨੂੰ ਕੀਤਾ ਗ੍ਰਿਫਤਾਰ, ਭਾਰੀ ਮਾਤਰਾ ਚ ਹੇਰੋਇਨ ਅਤੇ ਡਰੱਗ ਮਨੀ ਬਰਾਮਦ

– ਫਿਰੋਜ਼ਪੁਰ ਪੁਲਿਸ ਵੱਲੋ ਮਹਿਲਾ ਸਮੇਤ ਦੋ ਨਸ਼ਾ ਤਸਕਰਾਂ ਨੂੰ ਕੀਤਾ ਗ੍ਰਿਫਤਾਰ, ਭਾਰੀ ਮਾਤਰਾ ਚ ਹੇਰੋਇਨ ਅਤੇ ਡਰੱਗ ਮਨੀ ਬਰਾਮਦ
-ਗਿਰਫ਼ਤਾਰ ਨਸ਼ਾ ਤਸਕਰ ਮਹਿਲਾ ਤੇ ਪਹਿਲਾ ਵੀ ਹਨ 15 ਮੁਕਦਮੇ ਦਰਜ

ਫਿਰੋਜ਼ਪੁਰ, 8 ਅਗਸਤ 2024 ਅਨੁਜ ਕੱਕੜ ਟੀਨੂੰ

ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੇ ਹੁਕਮਾਂ ਅਨੁਸਾਰ ਨਸ਼ੇ ਦੇ ਖਿਲਾਫ਼ ਚੱਲ ਰਹੀ ਮੁਹਿੰਮ ਤਹਿਤ ਪੰਜਾਬ ਪੁਲੀਸ ਨੂੰ ਇੱਕ ਵੱਡੀ ਸਫਲਤਾ ਹਾਸਿਲ ਹੋਈ ਹੈ ।ਜਿਸ ਵਿੱਚ ਫਿਰੋਜ਼ਪੁਰ ਪੁਲਿਸ ਨੇ ਦੋ ਨਸ਼ਾ ਤਸਕਰਾਂ ਨੂੰ ਭਾਰੀ ਮਾਤਰਾ ਚ ਹੈਰੋਇਨ ਅਤੇ ਡਰੱਗ ਮਨੀ ਸਮੇਤ ਗ੍ਰਿਫਤਾਰ ਕੀਤਾ ਗਿਆ ਹੈ।ਗਿਰਫ਼ਤਾਰ ਕੀਤੇ ਗਏ ਵਿਅਕਤੀਆਂ ਵਿੱਚੋ ਇੱਕ ਮਹਿਲਾ ਵੀ ਸ਼ਾਮਲ ਹੈ।ਫੜੇ ਗਏ ਦੋਵੇ ਜਾਣੇ ਆਪਸ ਚ ਰਿਸ਼ਤੇਦਾਰ ਹਨ।
ਪ੍ਰੈਸ ਕਾੰਫ਼੍ਰੇੰਸ ਕਰਦਿਆਂ ਐਸ ਐਸ ਪੀ ਸੋਮਿਆਂ ਮਿਸ਼ਰਾ ਜੀ ਨੇ ਪ੍ਰੈਸ ਨੂੰ ਜਾਣਕਾਰੀ ਦੇਂਦਿਆਂ ਦੱਸਿਆ ਕਿ ਪੁਲਿਸ ਨੂੰ ਇਤੇਲਾਹ ਮਿਲੀ ਸੀ ਕਿ ਦੋ ਆਰੋਪੀਆ ਵੱਲੋ ਸਰਹਦੀ ਖੇਤਰ ਤੋਂ ਡ੍ਰੋਨ ਰਾਹੀਂ ਇੱਕ ਵੱਡਾ ਨਸ਼ੇ ਦਾ ਸਮਾਨ ਪ੍ਰਾਪਤ ਕੀਤਾ ਸੀ ਅਤੇ ਉਹ ਆਪਣੇ ਟੋਯੋਟਾ ਇਨੋਵਾ ਕਾਰ ਨੰਬਰ DL12CC6003 ਵਿੱਚ ਕਿਸੇ ਨੂੰ ਡਿਲੀਵਰ ਕਰਨ ਜਾ ਰਹੇ ਸਨ।ਪੁਲਿਸ ਵੱਲੋ ਤੁਰੰਤ ਕਾਰਵਾਈ ਕਰਦੇ ਹੋਏ, ਸੀ.ਆਈ.ਏ ਸਟਾਫ ਫਿਰੋਜ਼ਪੁਰ ਦੇ ਪੁਲਿਸ ਟੀਮਾਂ ਨੇ ਮੁੱਦਕੀ ਰੋਡ ‘ਤੇ ਨਾਕਾ ਲਾਇਆ ਅਤੇ ਦੋਹਾਂ ਆਰੋਪੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਇਨੋਵਾ ਕਾਰ ਦੀ ਚੈਕਿੰਗ ਦੌਰਾਨ ਕਾਰ ਵਿੱਚੋ 6.65 ਕਿਲੋਗ੍ਰਾਮ ਹੇਰੋਇਨ ਅਤੇ ₹6 ਲੱਖ ਡਰੱਗ ਮਨੀ ਬਰਾਮਦ ਕੀਤੀ, ਅਤੇ ਉਨ੍ਹਾਂ ਦੀ ਕਾਰ ਨੂੰ ਵੀ ਜ਼ਬਤ ਕਰ ਲਿਆ।
ਪੁੱਛ – ਗਿੱਛ ਦੌਰਾਨ ਗ੍ਰਿਫਤਾਰ ਕੀਤੇ ਗਏ ਵਿਅਕਤੀਆਂ ਵਿੱਚੋ ਇਕ ਨੇ ਆਪਣਾ ਨਾਮ ਸਿਮਰਨ ਕੌਰ ਉਰਫ ਇੰਦਰ ਜਿਸਦੀ ਉਮਰ 38 ਸਾਲ ਹੈ ਅਤੇ ਮੋਗਾ ਜਿਲ੍ਹੇ ਦੀ ਰਹਿਣ ਵਾਲੀ ਦੱਸਿਆ ਹੈ ਅਤੇ ਦੂਸਰੇ ਨੇ ਆਪਣਾ ਨਾਮ ਗੁਰਜੋਤ ਸਿੰਘ ਉਰਫ ਜੋਤ ਸਿੰਘ ਪੁੱਤਰ ਜਸਵਿੰਦਰ ਸਿੰਘ ਜਿਸਦੀ ਉਮਰ 28 ਸਾਲ ਅਤੇ ਮੋਗਾ ਦੇ ਜੈਮਲ ਵਾਲਾ ਦਾ ਰਹਾਇਸ਼ੀ ਹੈ। ਦੋਵੇ ਆਰੋਪੀ ਰਿਸ਼ਤੇ ਚ ਮਾਸੀ ਅਤੇ ਭਾਣਜਾ ਹਨ ਅਤੇ ਦੋਵੇਂ ਆਰੋਪੀ ਪਹਿਲਾਂ ਵੀ ਨਸ਼ੇ ਦੇ ਮਾਮਲੇ ਵਿੱਚ ਦੋਸ਼ੀ ਰਹਿ ਚੁੱਕੇ ਹਨ, ਜਿਨ੍ਹਾਂ ਵਿੱਚ ਸਿਮਰਨ ਕੌਰ ਉੱਤੇ 11 ਤੋਂ ਵੱਧ NDPS ਐਕਟ ਅਤੇ 4 ਹੋਰ ਵੀ ਅਪਰਾਧਿਕ ਮਾਮਲੇ ਦਰਜ ਹਨ ।

ਹੋਰ ਜਾਣਕਾਰੀ ਸਾਂਝੀ ਕਰਦਿਆਂ, ਸੀਨੀਅਰ ਸੁਪਰਿੰਟੈਂਡੈਂਟ ਆਫ ਪੁਲਿਸ (ਐੱਸਐੱਸਪੀ) ਫਿਰੋਜ਼ੇਪੁਰ ਸੋਮਿਆਂ ਮਿਸ਼ਰਾ ਨੇ ਕਿਹਾ ਕਿ ਟੈਕਨੀਕਲ ਸੂਚਨਾ ‘ਤੇ ਕੰਮ ਕਰਦੇ ਹੋਏ ਸੀ.ਆਈ.ਏ ਪੁਲਿਸ ਟੀਮ ਨੇ ਸਫਲਤਾਪੂਰਵਕ ਕਾਰਵਾਈ ਕੀਤੀ ਅਤੇ ਬਰਾਮਦੀ ਨੂੰ ਬੁਧਵਾਰ ਰਾਤ ਵਿੱਚ ਅੰਜਾਮ ਦਿੱਤਾ। ਜਾਂਚ ਜਾਰੀ ਹੈ ਤਾਂ ਕਿ ਪਾਕਿਸਤਾਨ ਅਧਾਰਤ ਨਸ਼ੇ ਦੇ ਸਮਗਲਰ ਅਤੇ ਉਹਨਾਂ ਲੋਕਾਂ ਦੀ ਪਛਾਣ ਕੀਤੀ ਜਾ ਸਕੇ ਜਿਨ੍ਹਾਂ ਨੂੰ ਗ੍ਰਿਫਤਾਰ ਕੀਤੇ ਗਏ ਵਿਅਕਤੀਆਂ ਨੂੰ ਨਸ਼ੇ ਦਾ ਸਮਾਨ ਸੌਂਪਣਾ ਸੀ,

ਐਸ ਐਸ ਪੀ ਨੇ ਕਿਹਾ ਕਿ ਪੁਲਿਸ ਟੀਮਾਂ ਗ੍ਰਿਫਤਾਰ ਕੀਤੇ ਗਏ ਨਸ਼ੇ ਦੇ ਆਰੋਪੀਆਂ ਦੇ ਗੈਰਕਾਨੂੰਨੀ ਤੌਰ ‘ਤੇ ਬਣਾਈ ਗਈ ਜਾਇਦਾਦ ਦੀ ਜਾਂਚ ਪੜਤਾਲ ਕਾਰਨ ਉਪ੍ਰੰਤ ਨਿਯਮ ਸੈਕਸ਼ਨ 68F ਦੇ ਤਹਿਤ ਜ਼ਬਤ ਕਰਨ ਦੀ ਕਾਰਵਾਈ ਵੀ ਸ਼ੁਰੂ ਕਰਨਗੀਆਂ।

ਗਿਰਫ਼ਤਾਰ ਕੀਤੇ ਗਏ ਆਰੋਪੀਆਂ ਖਿਲਾਫ ਪੁਲਿਸ ਸਟੇਸ਼ਨ ਘੱਲ ਖੁਰਦ, ਫਿਰੋਜ਼ਪੁਰ ਵਿੱਚ ਧਾਰਾ 21 ਅੰਦਰ ਐਨਡੀਪੀਐਸ ਐਕਟ ਦੇ ਤਹਿਤ ਐਫਆਈਆਰ ਨੰਬਰ 59 ਮਿਤੀ 7-8-2024 ਦਰਜ ਕੀਤੀ ਗਈ ਹੈ। ਪੁਲਿਸ ਵੱਲੋ ਇਹਨਾਂ ਦਾ ਰਿਮਾਂਡ ਲੈ ਕੇ ਇਹਨਾਂ ਤੋਂ ਹੋਰ ਵੀ ਜਾਣਕਾਰੀ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ ।

ਐਸ ਐਸ ਪੀ ਵੱਲੋ ਪ੍ਰੈਸ ਨੂੰ ਇਹ ਵੀ ਜਾਣਕਾਰੀ ਸਾਂਝੀ ਕੀਤੀ ਗਈ ਕਿ ਇਸ ਸਾਲ2024 ਵਿੱਚ ਅੱਜ ਤੱਕ ਮਿਤੀ 7 -8 -2024 ਤੱਕ 50 ਕਿੱਲੋ 748 ਗ੍ਰਾਮ ਹੈਰੋਇਨ ਅਤੇ 5386020 ਰੁਪਏ ਦੀ ਡਰੱਗ ਮਨੀ ਬਰਾਮਦ ਕੀਤੀ ਜਾ ਚੁਕੀ ਹੈ ।