ਹਰੀ ਕੇ ਨਹਿਰ ਚੋ 25-30 ਸਾਲਾ ਅਣਪਛਾਤੀ ਔਰਤ ਦੀ ਮਿਲੀ ਲਾਸ਼
ਹਰੀ ਕੇ ਨਹਿਰ ਚੋ 25-30 ਸਾਲਾ ਅਣਪਛਾਤੀ ਔਰਤ ਦੀ ਮਿਲੀ ਲਾਸ਼
ਫਿਰੋਜ਼ਪੁਰ 11 ਅਪ੍ਰੈਲ 2024 (ਅਨੁਜ ਕੱਕੜ ਟੀਨੂੰ)
ਬੀਤੇ ਦਿਨੀ ਭੰਗਾਲੀ ਵਾਲੇ ਪੁੱਲ ਹਰੀ ਕੇ ਤੋਂ ਕਰੀਬ ਅੱਧਾ ਕਿਲੋਮੀਟਰ ਪਿੱਛੇ ਨਹਿਰ ਚੋ ਇਕ ਅਣਪਛਾਤੀ ਔਰਤ ਦੀ ਲਾਸ਼ ਮਿਲੀ ਹੈ । ਜਿਸਦੀ ਉਮਰ ਤਕਰੀਬਨ 25 – 30 ਸਾਲ ਹੈ ।
ਵੀਰ ਸਿੰਘ ਪੁੱਤਰ ਸੁਖਦੇਵ ਸਿੰਘ ਵਾਸੀ ਪਿੰਡ ਨਿਜ਼ਾਮੁਦੀਨ ਵਾਲਾ ਨੇ ਪੁਲਿਸ ਨੂੰ ਦਿੱਤੀ ਸੂਚਨਾ ਚ ਕਿਹਾ ਹੈ ।ਕਿ ਉਹ ਆਪਣੇ ਪਿੰਡ ਤੋਂ ਨਿੱਜੀ ਕੰਮ ਕਾਰ ਲਈ ਆਪਣੇ ਮੋਟਰਸਾਇਕਲ ਤੇ ਸਵੇਰੇ 08.30 ਜੀਰਾ ਨੂੰ ਜਾ ਰਿਹਾ ਸੀ । ਜਦੋ ਉਹ ਬੰਗਾਲੀ ਵਾਲਾ ਪੁੱਲ ਮੱਖੂ ਹਰੀ ਕੇ ਤੋਂ ਕ੍ਰੀਬ 1/2 ਕਿਲੋਮੀਟਰ ਪਿੱਛੇ ਬੂਟੇ ਵਾ ਨਹਿਰ ਦੇ ਪੁਲ ਪਾਸ ਪੁੱਜਾ ਤਾਂ ਕੁੱਝ ਵਿਅਕਤੀਆਂ ਦਾ ਇੱਕਠ ਦੇਖ ਕੇ ਉਹ ਰੁਕ ਗਿਆ ਤੇ ਪੁਲ ਦੇ ਖੱਬੇ ਹੱਥ ਪਿੰਡ ਨਿਜ਼ਾਮੁਦੀਨ ਵਾਲੇ ਪਾਸੇ ਨਹਿਰ ਵਿੱਚ ਇੱਕ ਔਰਤ ਦੀ ਅਣਪਛਾਤੀ ਲਾਸ਼ ਪਈ ਸੀ। ਜਿਸ ਦੀ ਉਮਰ ਕ੍ਰੀਬ 25 -30 ਸਾਲ ਹੈ ।ਓਹਨੇ ਦਸਿਆ ਕਿ ਜਿਸ ਦੇ ਪੀਲੇ ਰੰਗ ਦੀ ਟੀ-ਸ਼ਰਟ ਅਤੇ ਭੂਰੇ ਰੰਗ ਦੀ ਲੋਅਰ ਪਹਿਨੀ ਹੋਈ ਸੀ ਅਤੇ ਕੱਦ 5_3/4 ਇੰਚ ਰੰਗ ਗੋਰਾ ਹੈ ਅਤੇ ਧੋਣ ਪਰ ਗਲਾ ਘੁੱਟਣ ਦਾ ਨਿਸ਼ਾਨ ਹੈ ਅਤੇ ਲਾਸ਼ ਦੇ ਸਿਰ ਪਰ ਵੀ ਕਾਫੀ ਸਖਤ ਸੱਟ ਹੈ । ਕਿਸੇ ਅਣਪਛਾਤੇ ਵਿਅਕਤੀ/ਵਿਅਕਤੀਆਂ ਨੇ ਇਸ ਔਰਤ ਦਾ ਗਲਾ ਘੁੱਟ ਕੇ ਤੇ ਸਿਰ ਵਿੱਚ ਸੱਟ ਮਾਰ ਕੇ ਕਤਲ ਕਰਕੇ ਲਾਸ਼ ਨੂੰ ਨਹਿਰ ਦੇ ਵਿੱਚ ਬੀਤੀ ਰਾਤ ਨੂੰ ਸੁੱਟਿਆ ਹੈ ।
ਮੁੱਖ ਅਫਸਰ ਗੁਰਪ੍ਰੀਤ ਸਿੰਘ ਥਾਣਾ ਮੱਖੂ ਵਲੋਂ ਅਣਪਛਾਤੇ ਵਿਅਕਤੀ/ਵਿਅਕਤੀਆਂ ਖਿਲਾਫ ਅਧੀਨ ਧਾਰਾ 302 ਦੇ ਤਹਿਤ ਮੁੱਕਦਮਾ ਦਰਜ ਰਜਿਸਟਰ ਕਰਕੇ ਅਗਲੀ ਕਾਰਵਾਈ ਅਮਲ ਵਿੱਚ ਲਿਆਦੀਂ ਜਾ ਰਹੀ ਹੈ ।
