ਘਰ -ਘਰ ਅੰਦਰ ਵੋਟਰ ਚੇਤਨਾ ਲਹਿਰ ਪਹੁੰਚਾਉਣ ਦੀਆਂ ਸਰਗਰਮੀਆਂ ਜ਼ੋਰਾਂ ਤੇ

ਘਰ -ਘਰ ਅੰਦਰ ਵੋਟਰ ਚੇਤਨਾ ਲਹਿਰ ਪਹੁੰਚਾਉਣ ਦੀਆਂ ਸਰਗਰਮੀਆਂ ਜ਼ੋਰਾਂ ਤੇ

ਫਿਰੋਜਪੁਰ 7 ਮਈ 2024 (ਅਨੁਜ ਕੱਕੜ ਟੀਨੂੰ)

ਮੁੱਖ ਚੋਣ ਦਫਤਰ ਪੰਜਾਬ ਵੱਲੋਂ ਮਿੱਥੇ ਗਏ ਨਿਸ਼ਾਨਿਆਂ ਤਹਿਤ ਘੱਟ ਵੋਟਿੰਗ ਖੇਤਰ ਦੇ ਵਿੱਚ ਸਵੀਪ ਗਤੀਵਿਧੀਆਂ ਰਾਹੀਂ ਵੋਟ ਉਤਸ਼ਾਹ ਅਤੇ ਚਾਅ ਪੈਦਾ ਕਰਨ ਲਈ ਵਿਸ਼ੇਸ਼ ਪ੍ਰੋਗਰਾਮ ਉਲੀਕੇ ਗਏ ਹਨ। ਇਹਨਾਂ ਘੱਟ ਪੋਲਿੰਗ ਖੇਤਰ ਤੇ ਫੋਕਸ ਰੱਖਦਿਆਂ ਜਿਲ੍ਹਾ ਫਿਰੋਜਪੁਰ ਦੇ ਹਲਕਾ ਗੁਰੂਹਰਸਹਾਏ ਵਿੱਚ ਤਾਇਨਾਤ ਸਵੀਪ ਟੀਮ ਦੁਆਰਾ ਜਿਲ੍ਹਾ ਚੋਣ ਅਫਸਰ ਕਮ ਡਿਪਟੀ ਕਮਿਸ਼ਨਰ ਸ਼੍ਰੀ ਰਾਜੇਸ਼ ਧੀਮਾਨ ਅਤੇ ਸਹਾਇਕ ਰਿਟਰਨਿੰਗ ਅਫਸਰ ਸ੍ਰੀ ਗਗਨਦੀਪ ਸਿੰਘ ਦੁਆਰਾ ਜਾਰੀ ਦਿਸ਼ਾ ਨਿਰਦੇਸ਼ਾਂ ਦੇ ਅੰਤਰਗਤ ਚੋਣ ਤਹਿਸੀਲਦਾਰ, ਚਾਂਦ ਪ੍ਰਕਾਸ਼, ਡਾ: ਸਤਿੰਦਰ ਸਿੰਘ, ਮੈਡਮ ਗਗਨਦੀਪ, ਸੁਪਰਡੈਂਟ ਕੇਵਲ ਕ੍ਰਿਸ਼ਨ ਦੇ ਸਹਿਯੋਗ ਨਾਲ ਲੱਖੋ ਕੇ ਬਹਿਰਾਮ ਦੇ ਘੱਟ ਪੋਲਿੰਗ ਖੇਤਰ ਵਿੱਚ ਨੌਜਵਾਨ ਜਾਗਰੂਕਤਾ ਰੈਲੀਆਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਉੱਦਮ ਵਿੱਚ ਪਹਿਲਕਦਮੀ ਕਰਦਿਆਂ ਉਤਸ਼ਾਹੀ ਸੈਕਟਰ ਅਫਸਰ ਪ੍ਰਦੀਪ ਸਿੰਘ ਦੁਆਰਾ ਸਰਕਾਰੀ ਸੀਨੀਅਰ ਸੈਕੈਂਡਰੀ ਸਕੂਲ ,ਲੱਖੋ ਕੇ ਬਹਿਰਾਮ ਦੇ ਕਾਰਜਕਾਰੀ ਪ੍ਰਿੰਸੀਪਲ ਮੈਡਮ ਸੋਨਮ ਗਰੋਵਰ ਅਤੇ ਬਾਬਾ ਇੰਦਰ ਦਾਸ ਸਕੂਲ ਦੇ ਸਹਿਯੋਗ ਨਾਲ 200 ਤੋਂ ਵਧੇਰੇ ਸੀਨੀਅਰ ਵਿਦਿਆਰਥੀ ਵੱਲੋਂ ਘਰ-ਘਰ ਜਾ ਕੇ ਅਕਾਸ਼ ਗੁੰਜਾਊ ਵੋਟਰ ਚੇਤਨਾਂ ਨਾਹਰਿਆਂ ਨਾਲ ਲੋਕ ਸਭਾ ਚੋਣਾਂ ਵਾਸਤੇ ਉਤਸ਼ਾਹੀ ਰੰਗ ਸਿਰਜਿਆ ਹੈ। ਇਸ ਮੌਕੇ ਬੋਲਦਿਆਂ ਸਵੀਪ ਟੀਮ ਦੇ ਕੋਆਰਡੀਨੇਟਰ ਪਰਵਿੰਦਰ ਸਿੰਘ ਲਾਲਚੀਆਂ, ਵੋਟਰ ਰਜਿਸਟ੍ਰੇਸ਼ਨ ਮਾਹਰ ,ਸੁਸ਼ੀਲ ਕੁਮਾਰ, ਕਰਨਵੀਰ ਸਿੰਘ ਸੋਢੀ ਦੁਆਰਾ ਨੌਜਵਾਨਾਂ ਨੂੰ ਦੇਸ਼ ਦੀ 18ਵੀਂ ਲੋਕ ਸਭਾ ਦੀ ਚੋਣ ਵਕਤ ਨਗਰ ਦੇ ਹਰੇਕ ਹਰ ਇੱਕ ਵੋਟਰ ਤੱਕ ਪਹੁੰਚ ਕਰਕੇ ਪ੍ਰੇਰਨਾਮਈ ਨਿਵੇਕਲੇ ਕਦਮ ਚੁੱਕਣ ਲਈ ਅਪੀਲ ਕੀਤੀ। ਉਹਨਾਂ ਦੁਆਰਾ 1 ਜੂਨ ਨੂੰ ਪੰਜਾਬ ਭਰ ਵਿੱਚ ਕਰਵਾਏ ਜਾ ਰਹੇ ਮਤਦਾਨ ਵਾਸਤੇ ਵੱਧ ਤੋਂ ਵੱਧ ਵੋਟਰਾਂ ਨੂੰ ਪੋਲਿੰਗ ਬੂਥਾਂ ਤੱਕ ਲਿਆਉਣ ਲਈ ਵਿਸ਼ੇਸ਼ ਪ੍ਰੋਗਰਾਮ ਉਲੀਕਣ ਲਈ ਕਿਹਾ। ਐਸ.ਡੀ.ਐਮ ਗਗਨਦੀਪ ਸਿੰਘ ਦੁਆਰਾ ਆਪਣੇ ਸੰਦੇਸ਼ ਰਾਹੀ ਹਲਕੇ ਦੇ ਸੈਕਟਰ ਅਫਸਰਾਂ ਨੂੰ ਵੋਟਰ ਉਤਸਾਹ ਵਧਾਉਣ ਲਈ ਜਾਗਰੂਕਤਾ ਪ੍ਰੋਗਰਾਮ ਕਰਵਾ ਕੇ ਵੱਧ ਤੋਂ ਵੱਧ ਪੋਲਿੰਗ ਕਰਵਾਉਣ ਲਈ ਅਗਾਊ ਕਦਮ ਚੁੱਕਣ ਲਈ ਕਿਹਾ ਹੈ। ਇਸ ਮੌਕੇ ਮੈਡਮ ਰੇਖਾ, ਪਵਨਦੀਪ ਕੌਰ ,ਰਵੀ ਕੁਮਾਰ ,ਕੈਂਪਸ ਮੈਨੇਜਰ ਨਿਸ਼ਾਨ ਸਿੰਘ ,ਚਰਨਜੀਤ ਕੌਰ, ਮੈਥ ਮਾਸਟਰ ,ਡਾਇਮੰਡ, ਗੁਰਮੀਤ ਕੌਰ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ