ਜੇਲ ਦੇ ਅੰਦਰੋਂ ਮਿਲੇ 08 ਮੋਬਾਈਲ ਫੋਨ ਅਤੇ ਜ਼ਰਦੇ ਦੇ ਪੈਕੇਟ
- 107 Views
- kakkar.news
- June 6, 2024
- Crime Punjab
ਜੇਲ ਦੇ ਅੰਦਰੋਂ ਮਿਲੇ 08 ਮੋਬਾਈਲ ਫੋਨ ਅਤੇ ਜ਼ਰਦੇ ਦੇ ਪੈਕੇਟ
ਫਿਰੋਜ਼ਪੁਰ 6 ਜੂਨ 2024 (ਅਨੁਜ ਕੱਕੜ ਟੀਨੂੰ )
ਪਿਛਲੇ ਕਾਫੀ ਸਮੇਂ ਤੋਂ ਫਿਰੋਜ਼ਪੁਰ ਜੇਲ ਦੇ ਅੰਦਰ ਲਗਾਤਾਰ ਮੋਬਾਇਲ ਫੋਨ ਅਤੇ ਨਸ਼ੀਲੇ ਪਦਾਰਥ ਬਰਾਮਦ ਹੋ ਰਹੇ ਹਨ ਅਤੇ ਦੂਜੇ ਪਾਸੇ ਅਜਿਹੀਆਂ ਘਟਨਾਵਾਂ ਨੂੰ ਦੇਖਦੇ ਹੋਏ ਜੇਲ ਪ੍ਰਸ਼ਾਸਨ ਨੇ ਵੀ ਸੁਰੱਖਿਆ ਦੇ ਪੁਖਤਾ ਪ੍ਰਬੰਧ ਕੀਤੇ ਹਨ ਅਤੇ ਸਮਾਜ ਵਿਰੋਧੀ ਅਨਸਰਾਂ ਦੇ ਮਨਸੂਬਿਆਂ ਨੂੰ ਨਾਕਾਮ ਕੀਤਾ ਜਾ ਰਿਹਾ ਹੈ। ਸੁਰੱਖਿਆ ਪ੍ਰਬੰਧਾਂ ਨੂੰ ਦੇਖਦਿਆਂ ਜੇਲ੍ਹ ਦੇ ਅੰਦਰ ਅਤੇ ਬਾਹਰ 200 ਦੇ ਕਰੀਬ ਅਧਿਕਾਰੀਆਂ ਦੀ ਤਾਇਨਾਤੀ ਦੇ ਬਾਵਜੂਦ ਜੇਲ੍ਹ ਅੰਦਰ ਪਾਬੰਦੀਸ਼ੁਦਾ ਵਸਤੂਆਂ ਦੀ ਆਮਦ ਜਾਰੀ ਹੈ , ਅਤੇ ਜੇਲ੍ਹ ਸਟਾਫ਼ ਵੱਲੋਂ ਜਾਂ ਤਾ ਮੁਖਬਰੀ ਤੋਂ ਜਾਂ ਸਮੇ -ਸਮੇ ਤੇ ਸਰਪ੍ਰਾਈਜ਼ ਚੈਕਿੰਗ ਦੌਰਾਨ ਚੌਕਸ ਹੋ ਕੇ ਇਨ੍ਹਾਂ ਨੂੰ ਕਾਬੂ ਵੀ ਕੀਤਾ ਜਾ ਰਿਹਾ ਹੈ।
ਪ੍ਰਾਪਤ ਹੋਈ ਜਾਣਕਾਰੀ ਤਹਿਤ ਮਿਤੀ 04-06-2024 ਨੂੰ ਸਵੇਰੇ ਕ੍ਰੀਬ 06:20 ਪਰ ਜੇਲ੍ਹ ਦੀ ਖੁਲਾਈ ਸਮੇਂ ਜਦੋਂ ਚੱਕਰ ਹੈਡੱਵਾਰਡਰ ਜੇਲ੍ਹ ਰੁਟੀਨ ਦਾ ਚੱਕਰ ਲਗਾ ਰਿਹਾ ਸੀ ਤਾਂ ਬਲਾਕ ਨੰਬਰ 03 ਦੀ ਬੈਰਕ ਨੰਬਰ 03 ਦੇ ਪਿਛਲੇ ਪਾਸਿਉਂ ਕਿਸੇ ਅਣਪਛਾਤੇ ਵਿਅਕਤੀ ਦੁਆਰਾ ਥਰੋਂ ਕੀਤੇ 7 ਪੈਕਟ (ਫੈਂਕੇ) ਬਰਾਮਦ ਹੋਏ, ਜਿੰਨਾ ਨੂੰ ਖੋਹਲ ਕੇ ਚੈਕੱ ਕਰਨ ਤੇ ਓਹਨਾ ਵਿੱਚੋ 88 ਪੁੜੀਆਂ ਜਰਦਾ (ਤੰਬਾਕੂ) 04 ਮੋਬਾਇਲ ਫੋਨ ਕੀ-ਪੈਡ ਮਾਰਕਾ ਹੀਰੋ ਸਮੇਤ ਬੈਟਰੀ ਤੇ ਬਿਨਾ ਸਿੰਮ ਕਾਰਡ ਅਤੇ 04 ਮੋਬਾਇਲ ਫੋਨ ਕੀ-ਪੈਡ ਮਾਰਕਾ ਨੋਕੀਆ ਸਮੇਤ ਬੈਟਰੀ ਤੇ ਬਿਨਾ ਸਿੰਮ ਕਾਰਡ ਬਰਾਮਦ ਹੋਏ । ਇਸ ਦੌਰਾਨ ਤਫਤੀਸ਼ ਅਫ਼ਸਰ ਸਬ ਇੰਸਪੈਕਟਰ ਬਲਵਿੰਦਰ ਸਿੰਘ ਨੇ ਰਿਸ਼ਵਪਾਲ ਗੋਇਲ ਸਹਾਇਕ ਸੁਪਰਡੈਂਟ ਕੇਂਦਰੀ ਜੇਲ ਵਲੋਂ ਪ੍ਰਾਪਤ ਹੋਈ ਸ਼ਿਕਾਇਤ ਤੇ ਅਣਪਛਾਤੇ ਵਿਅਕਤੀਆਂ ਖਿਲਾਫ ਪਰੀਸੰਨਜ਼ ਐਕਟ ਦੇ ਤਹਿਤ ਮਾਮਲਾ ਦਰਜ ਕਰ ਕਾਰਵਾਈ ਕੀਤੀ ਜਾ ਰਹੀ ਹੈ ।
ਮੌਜੂਦਾ ਸਾਲ ਦੌਰਾਨ ਜੇਲ ਅੰਦਰ ਤਕਰੀਬਨ 100 ਤੋਂ ਵੱਧ ਪੈਕੇਟ ਥਰੋ ਕੀਤੇ ਜਾ ਚੁਕੇ ਹਨ ਜਿਸ ਵਿਚ ਪਾਬੰਦੀਸ਼ੁਦਾ ਵਸਤੂਆਂ ਦੀ ਬਰਾਮਦਗੀ ਹੋਈ ਹੈ ਜਿਵੇਂ ਕਿ ਤੰਬਾਕੂ, ਜ਼ਰਦਾ, ਅਤੇ ਸਿਗਰਟ ਦੇ ਪੈਕੇਟ ਅਤੇ ਇਲੈਕਟ੍ਰਾਨਿਕ ਯੰਤਰਾਂ – ਡਾਟਾ ਕੇਬਲ, ਅਡਪਟਰ, ਪੈੱਨ ਡਰਾਈਵ ਆਦਿ ਹੈ ਅਤੇ ਜੇ ਕਰ ਮੋਬਾਈਲਾਂ ਦੀ ਬਰਾਮਦਗੀ ਦੀ ਗੱਲ ਕਰੀਏ ਤਾਂ ਮੌਜੂਦਾ ਸਾਲ ਦੌਰਾਨ ਅਜੇ ਤਕ 6 ਮਹੀਨੇ ਵਿਚ 200 ਤੋਂ ਵੱਧ ਮੋਬਾਈਲ ਬਰਾਮਦ ਕੀਤੇ ਗਏ ਹਨ । ਪਿਛਲੇ ਸਮੇ ਦੌਰਾਨ ਚੰਗੀ ਸੰਖਿਆ ਚ ਤੰਬਾਕੂ ਅਤੇ ਜਰਦੇ ਦੀਆਂ ਪੁੜੀਆਂ ਦੀ ਬਰਾਮਦਗੀ ਤੋਂ ਇਹ ਜਾਪਦਾ ਹੈ ਕਿ ਜਿਆਦਾਤਰ ਕੈਦੀ ਇਸ ਦੇ ਆਦਿ ਹਨ ਅਤੇ ਜੇਲ ਵਿਚ ਇਸਦੀ ਪਹੁੰਚ ਨੂੰ ਉਹ ਗੈਰਕਾਨੂੰਨੀ ਤਰੀਕੇ ਨਾਲ ਮੈਨੇਜ ਕਰਦੇ ਹਨ ।
ਜੇ ਕਹੀਏ ਤਾ ਪੈਕੇਟ ਸੁੱਟਣ ਦੀ ਸੰਭਾਵਨਾ 3 ਸਾਈਡ ਤੋਂ ਕੀਤੀ ਜਾ ਸਕਦੀ ਹੈ ।ਜੇਲ ਦੀਆਂ ਦੀਵਾਰਾਂ ਦੇ ਇਕ ਪਾਸੇ ਉੱਚੀਆਂ ਉੱਚੀਆਂ ਇਮਾਰਤ ਬਣਿਆ ਹਨ । ਅਤੇ ਦੋ ਪਾਸਿਆਂ ਤੋਂ ਪੁੱਡਾ ਦੀ ਜ਼ਮੀਨ ਅਤੇ ਸਾਈਡ ਲੇਨ ਸੜਕ ਲਈ ਖੁੱਲ੍ਹੀ ਥਾਂ ਹੈ। ਜੇਲ ਕਰਮਚਾਰੀਆਂ ਦੀ ਮਿਲੀਭੁਗਤ ਅਤੇ ਜੇਲ ਦੀਆਂ ਉੱਚੀਆਂ ਕੰਧਾਂ ਦੇ ਨਾਲ ਲੱਗਦੀਆਂ ਰਿਹਾਇਸ਼ੀ ਇਮਾਰਤਾ ਜੋ ਕਿ ਜੇਲ ਦੀ ਚਾਰਦੀਵਾਰੀ ਤੋਂ ਵੀ ਉੱਚੀਆਂ ਹਨ ,ਜਿਥੋਂ ਕਿਸੇ ਵੀ ਤਰ੍ਹਾਂ ਦੇ ਸ਼ਰਾਰਤੀ ਅਨਸਰਾਂ ਵਲੋਂ ਜੇਲ ਅੰਦਰ ਪਾਬੰਦੀਸ਼ੁਦਾ ਸਮਾਨ ਦਾ ਸੁੱਟਣਾ ਆਸਾਨ ਹੋ ਸਕਦਾ ਹੈ, ਜਿਸਨੂੰ ਨਕਾਰਿਆ ਵੀ ਨਹੀਂ ਜਾ ਸਕਦਾ । ਅਜਿਹੀਆਂ ਘਟਨਾਵਾਂ ਨੂੰ ਰੋਕਣ ਲਈ ਜੇਲ ਦੇ ਬਾਹਰ ਗਸ਼ਤ ਤੇਜ਼ ਕਰਨ ਦੀ ਲੋੜ ਹੈ ਤਾ ਜੋ ਥਰੋ ਕਰਨ ਵਾਲੀਆਂ ਨੂੰ ਠੱਲ ਪਾਈ ਜਾ ਸਕੇ ।