ਨਾਬਾਰਡ ਸਮਰਥਿਤ ਐਮ.ਈ.ਡੀ.ਪੀ. ਦਾ ਉਦਘਾਟਨ- ਮਹਿਲਾ ਐਸ.ਐਚ.ਜੀ. ਮੈਂਬਰਾਂ ਲਈ ਸਕੂਲ ਯੂਨੀਫਾਰਮ ਸਿਲਾਈ ਪ੍ਰੋਗਰਾਮ, ਪਿੰਡ ਬੇਤੂ ਕਦੀਮ, ਮਮਦੋਟ, ਫ਼ਿਰੋਜ਼ਪੁਰ
ਨਾਬਾਰਡ ਸਮਰਥਿਤ ਐਮ.ਈ.ਡੀ.ਪੀ. ਦਾ ਉਦਘਾਟਨ- ਮਹਿਲਾ ਐਸ.ਐਚ.ਜੀ. ਮੈਂਬਰਾਂ ਲਈ ਸਕੂਲ ਯੂਨੀਫਾਰਮ ਸਿਲਾਈ ਪ੍ਰੋਗਰਾਮ, ਪਿੰਡ ਬੇਤੂ ਕਦੀਮ, ਮਮਦੋਟ, ਫ਼ਿਰੋਜ਼ਪੁਰ
ਫ਼ਿਰੋਜ਼ਪੁਰ, 13 ਅਕਤੂਬਰ 2025 (ਸਿਟੀਜਨਜ਼ ਵੋਇਸ)
ਨਾਬਾਰਡ ਦੁਆਰਾ ਸਮਰਥਿਤ ਮਾਇਕ੍ਰੋ ਐਨਟਰਪਰਾਈਜ਼ ਡਿਵੈਲਪਮੈਂਟ ਪ੍ਰੋਗਰਾਮ (MEDP) ਦਾ ਉਦਘਾਟਨ ਅੱਜ ਪਿੰਡ ਬੇਤੂ ਕਦੀਮ, ਬਲਾਕ ਮਮਦੋਟ, ਜ਼ਿਲ੍ਹਾ ਫ਼ਿਰੋਜ਼ਪੁਰ ਵਿੱਚ ਕੀਤਾ ਗਿਆ। ਇਸ ਪ੍ਰੋਗਰਾਮ ਦਾ ਉਦੇਸ਼ ਪਿੰਡ ਦੀਆਂ ਮਹਿਲਾ ਸਵੈ ਸਹਾਇਤਾ ਸਮੂਹ (SHG) ਮੈਂਬਰਾਂ ਨੂੰ ਸਕੂਲ ਯੂਨੀਫਾਰਮ ਸਿਲਾਈ ਦਾ ਪ੍ਰਸ਼ਿਕਸ਼ਣ ਦੇ ਕੇ ਉਨ੍ਹਾਂ ਨੂੰ ਆਮਦਨੀ ਉਤਪੱਤੀ ਦੇ ਸਥਾਈ ਸਰੋਤ ਨਾਲ ਜੋੜਨਾ ਹੈ।
ਇਹ ਪ੍ਰੋਗਰਾਮ ਨਾਬਾਰਡ ਵੱਲੋਂ ਬੇਤੂ ਕਦੀਮ ਅਤੇ ਮਮਦੋਟ ਪਿੰਡਾਂ ਦੀਆਂ ਮਹਿਲਾ ਸਮੂਹਾਂ ਲਈ ਮਨਜ਼ੂਰ ਕੀਤਾ ਗਿਆ ਹੈ ਅਤੇ ਇਸਦਾ ਕਾਰਜਾਨਵੈਨ ਸ਼ਰਨ ਫਾਊਡੇਸ਼ਨ ਦੁਆਰਾ ਕੀਤਾ ਜਾ ਰਿਹਾ ਹੈ ਜੋ ਪਿੰਡ ਪੱਧਰ ‘ਤੇ ਮਹਿਲਾ ਸਸ਼ਕਤੀਕਰਨ ਅਤੇ ਕੌਸ਼ਲ ਵਿਕਾਸ ਵਿੱਚ ਸਰਗਰਮ ਹੈ।
ਉਦਘਾਟਨੀ ਸਮਾਰੋਹ ਦੌਰਾਨ ਨਾਬਾਰਡ ਫ਼ਿਰੋਜ਼ਪੁਰ ਦੇ ਜ਼ਿਲ੍ਹਾ ਵਿਕਾਸ ਪ੍ਰਬੰਧਕ ਸ਼੍ਰੀ ਰੋਹਿਤ ਕਸ਼ਯਪ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਕੌਸ਼ਲ ਪ੍ਰਸ਼ਿਕਸ਼ਣ ਪ੍ਰੋਗਰਾਮ ਮਹਿਲਾਵਾਂ ਨੂੰ ਆਤਮਨਿਰਭਰ ਬਣਾਉਣ ਵੱਲ ਪ੍ਰੇਰਿਤ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਕੌਸ਼ਲ ਵਿਕਾਸ ਨਾਲ ਮਹਿਲਾਵਾਂ ਦੀ ਆਮਦਨੀ ਸਮਰੱਥਾ ਵਧਦੀ ਹੈ ਅਤੇ ਉਹ ਪਿੰਡ ਦੀ ਆਰਥਿਕਤਾ ਵਿੱਚ ਵੱਧੀ ਭੂਮਿਕਾ ਨਿਭਾ ਸਕਦੀਆਂ ਹਨ।
ਉਨ੍ਹਾਂ ਦੱਸਿਆ ਕਿ ਪ੍ਰਸ਼ਿਕਸ਼ਿਤ ਮਹਿਲਾਵਾਂ ਨੂੰ ਪੰਜਾਬ ਸਟੇਟ ਰੂਰਲ ਲਿਵਲੀਹੁਡ ਮਿਸ਼ਨ (PSRLM) ਦੀ “ਪਹਿਲ” ਯੋਜਨਾ ਹੇਠ ਸਰਕਾਰੀ ਸਕੂਲਾਂ ਦੀਆਂ ਯੂਨੀਫਾਰਮਾਂ ਦੀ ਸਿਲਾਈ ਨਾਲ ਜੋੜਿਆ ਗਿਆ ਹੈ, ਜਿਸ ਨਾਲ ਉਨ੍ਹਾਂ ਨੂੰ ਟ੍ਰੇਨਿੰਗ ਤੋਂ ਬਾਅਦ ਵੀ ਨਿਰੰਤਰ ਰੋਜ਼ਗਾਰ ਮਿਲੇਗਾ। ਉਨ੍ਹਾਂ ਕਿਹਾ, “ਨਾਬਾਰਡ ਦੀ ਕੌਸ਼ਲ ਵਿਕਾਸ ਪਹਿਲ ਅਤੇ PSRLM ਦੇ ਆਜੀਵਿਕਾ ਮਿਸ਼ਨ ਦਾ ਇਹ ਮਿਲਾਪ ਮਹਿਲਾਵਾਂ ਨੂੰ ਸਥਿਰ ਆਮਦਨੀ, ਵਿਸ਼ਵਾਸ ਅਤੇ ਆਰਥਿਕ ਸਸ਼ਕਤੀਕਰਨ ਪ੍ਰਦਾਨ ਕਰੇਗਾ।”
ਇਸ ਮੌਕੇ ਤੇ ਸ੍ਰੀ ਮਨਿੰਦਰ ਸਿੰਘ, ਜ਼ਿਲ੍ਹਾ ਪ੍ਰੋਗਰਾਮ ਮੈਨੇਜਰ PSRLM ਨੇ ਨਾਬਾਰਡ ਅਤੇ ਸ਼ਰਨ ਫਾਊਡੇਸ਼ਨ ਦੇ ਯਤਨਾਂ ਦੀ ਸਰਾਹਨਾ ਕੀਤੀ ਅਤੇ ਕਿਹਾ ਕਿ ਇਹ ਮਿਲਾਪ ਆਗਾਮੀ ਸਮੇਂ ਵਿੱਚ ਪੁਲਿਸ ਵਿਭਾਗ ਅਤੇ ਨਾਗਰਿਕ ਪ੍ਰਸ਼ਾਸਨ ਲਈ ਵੀ ਯੂਨੀਫਾਰਮ ਸਿਲਾਈ ਦੇ ਆਰਡਰਾਂ ਤੱਕ ਵਧਾਇਆ ਜਾ ਸਕਦਾ ਹੈ।
ਪ੍ਰੋਗਰਾਮ ਦਾ ਸੰਜੋਅ ਸ੍ਰੀ ਅਮ੍ਰਿਤਪਾਲ ਸਿੰਘ, ਪ੍ਰਧਾਨ ਸ਼ਰਨ ਫਾਊਡੇਸ਼ਨ ਨੇ ਕੀਤਾ। ਮਮਦੋਟ ਐਫ.ਪੀ.ਓ. (ਨਾਬਾਰਡ ਸਮਰਥਿਤ ਕਿਸਾਨ ਉਤਪਾਦਕ ਸੰਸਥਾ) ਦੇ ਸੀ.ਈ.ਓ. ਸ੍ਰੀ ਗੁਰਬਚਨ ਸਿੰਘ ਨੇ ਆਪਣੇ ਵਿਸ਼ੇਸ਼ ਸੰਬੋਧਨ ਵਿੱਚ ਨਾਬਾਰਡ ਦੀ ਕਿਸਾਨਾਂ ਨੂੰ ਸਸ਼ਕਤ ਕਰਨ ਵਿੱਚ ਭੂਮਿਕਾ ‘ਤੇ ਰੋਸ਼ਨੀ ਪਾਈ ਅਤੇ ਐਫ.ਪੀ.ਓ. ਦੁਆਰਾ ਬਣਾਏ ਉਤਪਾਦ ਵਿਖਾਏ।
ਪ੍ਰੋਗਰਾਮ ਵਿੱਚ ਪਿੰਡ ਬੇਤੂ ਕਦੀਮ ਦੇ ਸਰਪੰਚ, ਸਥਾਨਕ ਮਾਣਯੋਗ ਵਿਅਕਤੀਆਂ ਅਤੇ ਕਰੀਬ 30-40 ਮਹਿਲਾ ਸਮੂਹ ਮੈਂਬਰਾਂ ਨੇ ਭਾਗ ਲਿਆ।
“ਸਾਵਧਾਨੀ ਜਾਗਰੂਕਤਾ ਮਹੀਨਾ 2025” ਦੇ ਤਹਿਤ “ਸਾਵਧਾਨੀ – ਸਾਡੀ ਸਾਂਝੀ ਜ਼ਿੰਮੇਵਾਰੀ” ਵਿਸ਼ੇ ‘ਤੇ ਸਾਰੇ ਭਾਗੀਦਾਰਾਂ ਵੱਲੋਂ ਸਾਵਧਾਨੀ ਸ਼ਪਥ ਵੀ ਲਈ ਗਈ।
ਇਹ ਪਹਿਲ ਨਾਬਾਰਡ ਦੀ ਮਹਿਲਾ ਸਸ਼ਕਤੀਕਰਨ, ਆਜੀਵਿਕਾ ਸਿਰਜਣ ਅਤੇ ਪਿੰਡ ਪੱਧਰ ‘ਤੇ ਟਿਕਾਊ ਵਿਕਾਸ ਪ੍ਰਤੀ ਸਮਰਪਣ ਨੂੰ ਦਰਸਾਉਂਦੀ ਹੈ।
