ਤਲਵੰਡੀ ਭਾਈ ਵਿਖੇ ਵਾਪਰਿਆਂ ਭਿਆਨਕ ਹਾਦਸਾ, ਟਰੱਕ-ਟਰਾਲੀ ਦੀ ਟੱਕਰ ‘ਚ ਇਕ ਦੀ ਮੌਤ
- 107 Views
- kakkar.news
- October 16, 2022
- Punjab
ਤਲਵੰਡੀ ਭਾਈ ਵਿਖੇ ਵਾਪਰਿਆਂ ਭਿਆਨਕ ਹਾਦਸਾ, ਟਰੱਕ-ਟਰਾਲੀ ਦੀ ਟੱਕਰ ‘ਚ ਇਕ ਦੀ ਮੌਤ
ਤਲਵੰਡੀ ਭਾਈ 16 ਅਕਤੂਬਰ 2022 ਸਿਟੀਜ਼ਨਜ਼ ਵੋਇਸ
ਅੱਜ ਸਵੇਰੇ ਬਠਿੰਡਾ- ਸ੍ਰੀ ਅੰਮ੍ਰਿਤਸਰ ਸਾਹਿਬ ਕੌਮੀਸ਼ਾਹ ਮਾਰਗ ‘ਤੇ ਪਰਾਲੀ ਨਾਲ ਲੱਦੀ ਟਰੈਕਟਰ-ਟਰਾਲੀ ਅਤੇ ਸੇਬਾਂ ਨਾਲ ਭਰੇ ਟਰੱਕ ਦੀ ਜ਼ਬਰਦਸਤ ਟੱਕਰ ਹੋ ਜਾਣ ਕਾਰਨ ਟਰੱਕ ਸਵਾਰ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਇਸ ਹਾਦਸੇ ‘ਚ ਟਰੱਕ ਪਲਟਣ ਨਾਲ ਕਾਫ਼ੀ ਸਮਾਂ ਇਸ ਮਾਰਗ ‘ਤੇ ਚੱਲਣ ਵਾਲਾ ਟ੍ਰੈਫਿਕ ਰੁਕ ਗਿਆ।ਟੱਕਰ ਇੰਨੀ ਭਿਆਨਕ ਸੀ ਕਿ ਟਰਾਲੀ ਨਾਲ ਲੱਗਦੇ ਖੇਤ ਵਿੱਚ ਜਾ ਵੜੀ।
ਟਰੱਕ ਮਾਲਕ ਪਲਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਸ੍ਰੀਨਗਰ ਤੋਂ ਸੇਬ ਲੈ ਕੇ ਨਾਂਦੇੜ ਸਾਹਿਬ ਮਹਾਰਾਸ਼ਟਰ ਨੂੰ ਜਾ ਰਿਹਾ ਸੀ। ਜਦੋਂ ਸਵੇਰੇ ਕਰੀਬ 7 ਵਜੇ ਉਹ ਤਲਵੰਡੀ ਭਾਈ ਨੇੜੇ ਨਿਰੰਕਾਰੀ ਭਵਨ ਕੋਲ ਪੁੱਜੇ ਤਾਂ ਟਰੱਕ ਅੱਗੇ ਚੱਲ ਰਹੇ ਟਰੈਕਟਰ ਚਾਲਕ ਨੇ ਇੱਕ ਦਮ ਕੱਟ ਮਾਰ ਦਿੱਤਾ। ਜਿਸ ਨਾਲ ਟਰੱਕ ਅਤੇ ਟਰੈਕਟਰ- ਟਰਾਲੀ ਦੀ ਟੱਕਰ ਹੋ ਗਈ। ਇਸ ਹਾਦਸੇ ਵਿੱਚ ਟਰੱਕ ਸਵਾਰ ਮੁਲਖ ਰਾਜ ਉਮਰ 52 ਸਾਲ ਵਾਸੀ ਜੰਮੂ ਦੀ ਮੌਕੇ ‘ਤੇ ਮੌਤ ਹੋ ਗਈ। ਪੂਰੀ ਸੜਕ ‘ਤੇ ਸੇਬ ਦੇ ਡੱਬੇ ਅਤੇ ਪਰਾਲੀ ਖੱਲਰਣ ਨਾਲ ਸ੍ਰੀ ਅੰਮ੍ਰਿਤਸਰ ਸਾਹਿਬ ਵਾਲੀ ਸਾਈਡ ਤੋਂ ਵਾਹਨਾਂ ਦੀਆ ਲੰਮੀਆਂ ਲਾਈਨਾਂ ਲੱਗ ਗਈਆਂ। ਜਿਨ੍ਹਾਂ ਨੂੰ ਵੱਡੀ ਗਿਣਤੀ ‘ਚ ਪੁੱਜ ਲੋਕਾਂ ਨੇ ਸਾਈਡ ਤੇ ਕਰਕੇ ਟਰੈਫਿਕ ਚਾਲੂ ਕੀਤਾ। ਪੁਲਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਅਗਲੀ ਕਾਰਵਾਈ ਕਰ ਦਿੱਤੀ ਹੈ।