ਬੀਐਸਐਫ ਨੇ ਪੰਜਾਬ ਸਰਹੱਦ ‘ਤੇ 3 ਦਿਨਾਂ ਵਿੱਚ ਦੂਜਾ ਪਾਕਿਸਤਾਨੀ ਡਰੋਨ ਡੇਗਿਆ

ਬੀਐਸਐਫ ਨੇ ਪੰਜਾਬ ਸਰਹੱਦ ‘ਤੇ 3 ਦਿਨਾਂ ਵਿੱਚ ਦੂਜਾ ਪਾਕਿਸਤਾਨੀ ਡਰੋਨ ਡੇਗਿਆ
ਅੰਮ੍ਰਿਤਸਰ 17 ਅਕਤੂਬਰ 2022(ਸਿਟੀਜ਼ਨਜ਼ ਵੋਇਸ)
ਅੰਮ੍ਰਿਤਸਰ ਵਿੱਚ ਇੱਕ ਵਾਰ ਫਿਰ ਤੋਂ ਸੀਮਾ ਸੁਰੱਖਿਆ ਬਲ (ਬੀਐਸਐਫ) ਦੇ ਜਵਾਨਾਂ ਵੱਲੋਂ ਇੱਕ ਡਰੋਨ ਨੂੰ ਡੇਗਿਆ ਗਿਆ। ਬੀਐਸਐਫ ਨੇ ਪੰਜਾਬ ਸਰਹੱਦ ‘ਤੇ 3 ਦਿਨਾਂ ਵਿੱਚ ਇਹ ਦੂਜਾ ਪਾਕਿਸਤਾਨੀ ਡਰੋਨ ਡੇਗ ਦਿੱਤਾ ਹੈ
ਬੀਐਸਐਫ ਨੇ ਰਾਨੀਆ ਇਲਾਕੇ ਵਿੱਚ ਇਸ ਆਕਟਾ-ਕਾਪਟਰ ਨੂੰ ਗੋਲੀ ਮਾਰ ਦਿੱਤੀ ਹੈ। ਰਾਤ ਕਰੀਬ 9.15 ਵਜੇ ਭਾਰਤੀ ਸਰਹੱਦ ‘ਚ ਦਾਖ਼ਲ ਹੋਏ। ਡਰੋਨ ਦਾ ਭਾਰ ਕਰੀਬ 12 ਕਿਲੋ ਹੈ। ਤਲਾਸ਼ੀ ਮੁਹਿੰਮ ਵਿੱਚ ਬੀਐਸਐਫ ਵੱਲੋਂ ਇੱਕ ਖੇਪ ਵੀ ਬਰਾਮਦ ਕੀਤੀ ਗਈ ਹੈ। ਇਸ ਤੋਂ ਪਹਿਲਾਂ 14 ਅਕਤੂਬਰ ਨੂੰ ਅੰਮ੍ਰਿਤਸਰ ਸੈਕਟਰ ‘ਚ ਹੀ ਭਾਰਤ-ਪਾਕਿਸਤਾਨ ਸਰਹੱਦ ‘ਤੇ ਸਥਿਤ ਰਾਮਦਾਸ ਇਲਾਕੇ ‘ਚ ਬੀ.ਐੱਸ.ਐੱਫ ਦੇ ਜਵਾਨਾਂ ਨੇ ਪਾਕਿਸਤਾਨ ਤੋਂ ਭਾਰਤੀ ਖੇਤਰ ‘ਚ ਦਾਖਲ ਹੋਏ ਡਰੋਨ ਨੂੰ ਡੇਗ ਦਿੱਤਾ ਸੀ।