ਜਲੰਧਰ ‘ਚ ਇਕ ਸਿਆਸੀ ਨੇਤਾ ਦੀ ਇਮਾਰਤ ‘ਚ ਚੱਲ ਰਹੇ ਹੁੱਕਾ ਬਾਰ ‘ਤੇ ਮਾਰਿਆ ਛਾਪਾ
ਜਲੰਧਰ 'ਚ ਇਕ ਸਿਆਸੀ ਨੇਤਾ ਦੀ ਇਮਾਰਤ 'ਚ ਚੱਲ ਰਹੇ ਹੁੱਕਾ ਬਾਰ 'ਤੇ ਮਾਰਿਆ ਛਾਪਾ
ਜਲੰਧਰ 21 ਅਕਤੂਬਰ((ਸਿਟੀਜ਼ਨਜ਼ ਵੋਇਸ))
ਇਸ ਸਮੇਂ ਦੀ ਵੱਡੀ ਖ਼ਬਰ ਜਲੰਧਰ ਤੋਂ ਆ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪੁਲਿਸ ਨੇ ਮਹਾਨਗਰ ‘ਚ ਇਕ ਸਿਆਸੀ ਨੇਤਾ ਦੀ ਇਮਾਰਤ ‘ਚ ਚੱਲ ਰਹੇ ਹੁੱਕਾ ਬਾਰ ‘ਤੇ ਛਾਪਾ (Raid) ਮਾਰਿਆ ਹੈ।ਦੱਸਿਆ ਗਿਆ ਹੈ ਕਿ ਪੁਲਿਸ ਨੇ ਮਾਡਲ ਟਾਊਨ ਸਥਿਤ ਜਾਰਜ ਆਇਰਿਸ਼ ਪੱਬ ‘ਤੇ ਛਾਪੇਮਾਰੀ ਕਰਦੇ ਹੋਏ ਉਥੋਂ 11 ਹੁੱਕੇ ਬਰਾਮਦ ਕੀਤੇ ਹਨ ਅਤੇ ਅੰਦਰੋਂ ਹੁੱਕਾ ਪੀਂਦੇ ਕਈ ਨੌਜਵਾਨਾਂ ਨੂੰ ਵੀ ਫੜਿਆ ਹੈ।
ਇਸ ਦੇ ਨਾਲ ਹੀ ਬਾਰ ਦੇ ਮੈਨੇਜਰ ਸ਼ੰਕਰ ਨੂੰ ਵੀ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪੁਲਿਸ ਨੇ ਮਾਡਲ ਟਾਊਨ ਸਥਿਤ ਚਿਨਮੁਨ ਮਾਲ ਦੀ ਬੇਸਮੈਂਟ ‘ਚ ਚੱਲ ਰਹੇ ਉਪਰੋਕਤ ਹੁੱਕਾ ਬਾਰ ‘ਤੇ ਛਾਪਾ ਮਾਰਿਆ ਹੈ, ਜਿੱਥੋਂ ਕਈ ਨੌਜਵਾਨ ਹੁੱਕਾ ਪੀਂਦੇ ਫੜੇ ਗਏ ਹਨ।
ਦੱਸ ਦਈਏ ਕਿ ਤਿਉਹਾਰਾਂ ਦੇ ਸੀਜ਼ਨ ਦੇ ਚੱਲਦਿਆਂ ਮਹਾਨਗਰ ‘ਚ ਪੁਲਿਸ ਵਲੋਂ ਕਾਫੀ ਚੌਕਸੀ ਵਰਤੀ ਜਾ ਰਹੀ ਹੈ, ਉਥੇ ਹੀ ਸ਼ਹਿਰ ‘ਚ ਚੱਲ ਰਹੇ ਜੂਏ ਦੇ ਕਾਰੋਬਾਰੀਆਂ ‘ਤੇ ਸ਼ਿਕੰਜਾ ਕੱਸਿਆ ਜਾ ਰਿਹਾ ਹੈ, ਉਥੇ ਹੀ ਅੱਜ ਹੁੱਕਾ ਬਾਰ ‘ਤੇ ਛਾਪੇਮਾਰੀ ਕਰਕੇ ਵੱਡੀ ਮਾਤਰਾ ‘ਚ ਹੁੱਕਾ ਬਰਾਮਦ ਕੀਤਾ ਗਿਆ ਹੈ।
