ਫਿਰੋਜ਼ਪੁਰ ਜੰਗਲਾਤ ਵਿਭਾਗ ਦੀ ਮਹਿਲਾ ਕਰਮਚਾਰੀ ਨੇ ਪ੍ਰਬੰਧਕੀ ਅਧਿਕਾਰੀ ‘ਤੇ ਦੁਰਵਿਵਹਾਰ ਦੇ ਲਗਾਏ ਦੋਸ਼
- 117 Views
- kakkar.news
- November 27, 2022
- Crime Punjab
ਜੰਗਲਾਤ ਵਿਭਾਗ ਦੀ ਮਹਿਲਾ ਕਰਮਚਾਰੀ ਨੇ ਪ੍ਰਸ਼ਾਸਨਿਕ ਅਧਿਕਾਰੀ 'ਤੇ ਦੁਰਵਿਵਹਾਰ ਦੇ ਲਗਾਏ ਦੋਸ਼
ਫਿਰੋਜ਼ਪੁਰ 27 ਨਵੰਬਰ 2022- (ਸੁਭਾਸ਼ ਕੱਕੜ)
ਅੱਜ ਫਿਰੋਜ਼ਪੁਰ ਵਿੱਚ ਪ੍ਰੈੱਸ ਕਾਨਫਰੰਸ ਕਰ ਇੱਕ ਮਹਿਲਾ ਮੁਲਾਜ਼ਮ ਵੱਲੋਂ ਵਣ ਵਿਭਾਗ ਦੇ ਪ੍ਰਬੰਧਕੀ ਅਫਸਰ ਤੇ ਕੁੱਟਮਾਰ ਅਤੇ ਹਰਾਸਮੈਂਟ ਕਰ ਦੇ ਗੰਭੀਰ ਆਰੋਪ ਲਗਾਏ ਗਏ ਜਾਣਕਾਰੀ ਦਿੰਦਿਆਂ ਪੀੜਤ ਮਹਿਲਾ ਨੇ ਦੱਸਿਆ ਕਿ ਉਹ ਵਣ ਵਿਭਾਗ ਵਿੱਚ ਕੰਮ ਕਰਦੀ ਹੈ। ਅਤੇ ਉਥੋਂ ਦਾ ਹੀ ਇੱਕ ਅਫਸਰ ਬਲਦੇਵ ਸਿੰਘ ਜੋ ਪਿਛਲੇ ਲੰਮੇ ਸਮੇਂ ਤੋਂ ਉਸਨੂੰ ਤੰਗ ਪ੍ਰੇਸ਼ਾਨ ਕਰ ਰਿਹਾ ਹੈ। ਕਿਉਂਕਿ ਉਸਨੇ ਇਸ ਅਫਸਰ ਦੇ ਖਿਲਾਫ਼ ਕੁੱਝ ਸਮਾਂ ਪਹਿਲਾਂ ਇੱਕ ਕੰਪਲੇਟ ਦਿੱਤੀ ਸੀ ਉਸੇ ਰੰਜਿਸ਼ ਨੂੰ ਲੈਕੇ ਅਕਸਰ ਹੀ ਬਲਦੇਵ ਸਿੰਘ ਉਸ ਨਾਲ ਖਾਰ ਰੱਖਦਾ ਆ ਰਿਹਾ ਸੀ ਅਤੇ ਬੀਤੇ ਦਿਨੀ ਵੀ ਜਦ ਉਹ ਕਿਸੇ ਕੰਮ ਲਈ ਬਲਦੇਵ ਸਿੰਘ ਦੇ ਕਮਰੇ ਵਿੱਚ ਗਈ ਤਾਂ ਬਲਦੇਵ ਸਿੰਘ ਨੇ ਉਸ ਨਾਲ ਬਦਸਲੂਕੀ ਕਰਨੀ ਸ਼ੁਰੂ ਕਰ ਦਿੱਤੀ ਅਤੇ ਉਸ ਨਾਲ ਹੱਥੋਪਾਈ ਕੀਤੀ ਗਈ ਇਥੋਂ ਤੱਕ ਕਿ ਉਸ ਦੀਆਂ ਬਾਹਾਂ ਤੇ ਚੱਕ ਤੱਕ ਮਾਰੇ ਗਏ ਜਿਸਦੀ ਕੰਪਲੇਟ ਉਸ ਵੱਲੋਂ ਵਿਭਾਗ ਨੂੰ ਵੀ ਦਿੱਤੀ ਗਈ ਹੈ। ਪਰ ਹਾਲੇ ਤੱਕ ਉਸਨੂੰ ਕੋਈ ਇਨਸਾਫ਼ ਨਹੀਂ ਮਿਲਿਆ ਜਿਸ ਤੋਂ ਬਾਅਦ ਅਖੀਰ ਮੀਡੀਆ ਦਾ ਸਹਾਰਾ ਲੈਣਾ ਪਿਆ ਪੀੜਤ ਮਹਿਲਾ ਨੇ ਮੰਗ ਕੀਤੀ ਹੈ। ਕਿ ਉਸਨੂੰ ਇੰਨਸਾਫ਼ ਦਿੱਤਾ ਜਾਵੇ ਅਤੇ ਪ੍ਰਬੰਧਕੀ ਅਫਸਰ ਤੇ ਸਖਤ ਤੋਂ ਸਖਤ ਕਾਰਵਾਈ ਕੀਤੀ ਜਾਵੇ।
ਦੂਸਰੇ ਪਾਸੇ ਜਦੋਂ ਇਹਨਾਂ ਆਰੋਪਾਂ ਨੂੰ ਲੈਕੇ ਜਦੋਂ ਪ੍ਰਬੰਧਕੀ ਅਫਸਰ ਬਲਦੇਵ ਸਿੰਘ ਦਾ ਪੱਖ ਜਾਨਣ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਬਲਦੇਵ ਸਿੰਘ ਆਪਣੇ ਉਪਰ ਲੱਗੇ ਸਾਰੇ ਆਰੋਪਾਂ ਨੂੰ ਬੇਬੁਨਿਆਦ ਦੱਸਿਆ ਉਨ੍ਹਾਂ ਕਿਹਾ ਕਿ ਉਸਨੂੰ ਨਜਾਇਜ਼ ਫਸਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।