31 ਦਸੰਬਰ ਤਕ ਫਿਰੋਜ਼ਪੁਰ – ਲੁਧਿਆਣਾ ਰੇਲ ਗੱਡੀਆਂ ਰਹਿਣ ਗਿਆ ਬੰਦ

31 ਦਸੰਬਰ ਤਕ ਫਿਰੋਜ਼ਪੁਰ – ਲੁਧਿਆਣਾ ਰੇਲ ਗੱਡੀਆਂ ਰਹਿਣ ਗਿਆ ਬੰਦ

ਫਿਰੋਜ਼ਪੁਰ 07 ਦਸੰਬਰ 2022 (ਸਿਟੀਜ਼ਨਜ਼ ਵੋਇਸ)

ਰੇਲਵੇ ਵਿਭਾਗ ਵੱਲੋਂ ਫਿਰੋਜ਼ਪੁਰ-ਮੋਗਾ ਰੇਲ ਸੈਕਸ਼ਨ ‘ਤੇ ਕੀਤੇ ਜਾਣ ਵਾਲੇ ਜ਼ਰੂਰੀ ਕੰਮਾਂ ਕਾਰਨ ਇਸ ਟਰੈਕ ‘ਤੇ 8 ਤੋਂ 31 ਦਸੰਬਰ ਤੱਕ ਰੇਲ ਆਵਾਜਾਈ ਆਰਜ਼ੀ ਰੂਪ ਵਿਚ ਬੰਦ ਰਹੇਗੀ। ਉਤਰ ਰੇਲਵੇ ਹੈੱਡਕੁਆਟਰ ਵੱਲੋਂ ਜਾਰੀ ਸੂਚਨਾ ਦੇ ਅਨੁਸਾਰ ਲੁਧਿਆਣਾ-ਫਿਰੋਜ਼ਪੁਰ ਵਿਚਾਲੇ ਚੱਲਣ ਵਾਲੀ ਸਪੈਸ਼ਲ ਗੱਡੀ ਨੰਬਰ 04997 ਅਤੇ ਫਿਰੋਜ਼ਪੁਰ-ਲੁਧਿਆਣਾ ਵਿਚਾਲੇ ਚੱਲਣ ਵਾਲੀ ਸਪੈਸ਼ਲ ਗੱਡੀ ਨੰਬਰ 04464 ਨੂੰ 8, 10, 13, 15, 17, 20, 22, 24, 27, 29 ਅਤੇ 31 ਦਸੰਬਰ ਨੂੰ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ ਗਿਆ ਹੈ।ਇਸ ਤੋਂ ਇਲਾਵਾ ਫਿਰੋਜ਼ਪੁਰ ਤੋਂ ਲੁਧਿਆਣਾ ਵਿਚਾਲੇ ਚੱਲਣ ਵਾਲੀ ਸਪੈਸ਼ਲ ਗੱਡੀ ਨੰਬਰ 04998 ਨੂੰ ਉਕਤ ਦਿਨਾਂ ਦੌਰਾਨ 70 ਮਿੰਟ ਦੇਰੀ ਨਾਲ ਚਲਾਇਆ ਜਾਵੇਗਾ। ਇਹ ਗੱਡੀ ਉਕਤ ਦਿਨਾਂ ਦੌਰਾਨ ਫਿਰੋਜ਼ਪੁਰ ਤੋਂ ਬਾਅਦ ਦੁਪਹਿਰ 3 ਵਜੇ ਚੱਲਿਆ ਕਰੇਗੀ।