ਫਿਰੋਜ਼ਪੁਰ ਕੇਂਦਰੀ ਜੇਲ ਚੋ 7 ਮੋਬਾਇਲ ਫੋਨ ਅਤੇ ਬਾਹਰੋਂ ਸੁਟੇ ਗਏ ਪੈਕਟ ‘ਚੋਂ 61 ਤੰਬਾਕੂ ਦੀਆਂ ਪੁੜੀਆਂ ਹੋਈਆਂ ਬਰਾਮਦ
ਫਿਰੋਜ਼ਪੁਰ ਕੇਂਦਰੀ ਜੇਲ ਚੋ 7 ਮੋਬਾਇਲ ਫੋਨ ਅਤੇ ਬਾਹਰੋਂ ਸੁਟੇ ਗਏ ਪੈਕਟ ‘ਚੋਂ 61 ਤੰਬਾਕੂ ਦੀਆਂ ਪੁੜੀਆਂ ਹੋਈਆਂ ਬਰਾਮਦ
ਫਿਰੋਜ਼ਪੁਰ 3 ਫਰਵਰੀ 2023 (ਸੁਭਾਸ਼ ਕੱਕੜ)
ਪਿਛਲੇ ਕੁਝ ਸਮੇਂ ਤੋਂ ਮੋਬਾਈਲ ਫੋਨਾਂ ਅਤੇ ਨਸ਼ੀਲੇ ਪਦਾਰਥਾਂ ਦੀ ਬਰਾਮਦਗੀ ਨੂੰ ਲੈ ਕੇ ਚਰਚਾ ‘ਚ ਰਹੀ ਫਿਰੋਜ਼ਪੁਰ ਜੇਲ ‘ਚੋਂ ਜੇਲ ਸੁਪਰਡੈਂਟ ਗੁਰਨਾਮ ਲਾਲ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਚਲਾਈ ਗਈ ਵਿਸ਼ੇਸ਼ ਤਲਾਸ਼ੀ ਮੁਹਿੰਮ ਦੌਰਾਨ 7 ਹੋਰ ਮੋਬਾਇਲ ਫੋਨ ਅਤੇ ਬਾਹਰੋਂ ਸੁਟੇ ਗਏ ਪੈਕਟ ‘ਚੋਂ 61 ਤੰਬਾਕੂ ਦੀਆਂ ਪੁੜੀਆਂ ਬਰਾਮਦ ਹੋਈਆਂ ਹਨ, ਜਿਸ ਸਬੰਧੀ ਥਾਣਾ ਸਿਟੀ ਫਿਰੋਜ਼ਪੁਰ ਦੀ ਪੁਲਸ ਨੇ ਜੇਲ ਦੇ ਸਹਾਇਕ ਸੁਪਰਡੈਂਟ ਗੁਰਤੇਜ ਸਿੰਘ ਅਤੇ ਨਿਰਮਲ ਸਿੰਘ ਵੱਲੋਂ ਭੇਜੇ ਲਿਖਤੀ ਪੱਤਰ ਦੇ ਆਧਾਰ ‘ਤੇ ਅਣਪਛਾਤੇ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਸਿਟੀ ਦੇ ਐਸ.ਐਚ.ਓ. ਇੰਸਪੈਕਟਰ ਮੋਹਿਤ ਧਵਨ ਨੇ ਦੱਸਿਆ ਕਿ ਫਿਰੋਜ਼ਪੁਰ ਜੇਲ੍ਹ ਦੇ ਅਧਿਕਾਰੀਆਂ ਵੱਲੋਂ ਭੇਜੇ ਲਿਖਤੀ ਪੱਤਰ ਵਿੱਚ ਦੱਸਿਆ ਗਿਆ ਹੈ ਕਿ ਬਲਾਕ ਨੰਬਰ 2 ਅਤੇ ਬਲਾਕ ਨੰਬਰ 3 ਦੀ ਪਰੇਡ ਦੌਰਾਨ ਸਾਰਾ ਸਾਮਾਨ ਅਹਾਤੇ ਵਿੱਚੋਂ ਬਾਹਰ ਕੱਢ ਲਿਆ ਗਿਆ ਅਤੇ ਜਦੋਂ ਸਮਾਨ ਦੀ ਤਲਾਸ਼ੀ ਲਈ ਗਈ ਤਾਂ 5 ਮੋਬਾਈਲ ਫੋਨ ਸੈਮਸੰਗ ਕੀਪੈਡ ਬਿਨਾਂ ਬੈਟਰੀ ਅਤੇ ਬਿਨਾਂ ਸਿਮ ਕਾਰਡ ਅਤੇ ਤਿੰਨ ਮੋਬਾਈਲ ਫੋਨ ਵੀਵੋ ਟੱਚ ਸਕਰੀਨ ਬਿਨਾਂ ਸਿਮ ਕਾਰਡ ਲਾਵਾਰਿਸ ਹਾਲਤ ਵਿੱਚ ਬਰਾਮਦ ਹੋਏ। ਉਨ੍ਹਾਂ ਦੱਸਿਆ ਕਿ ਲੰਗਰ ਦੀ ਬੈਰਕ ਨੰਬਰ 3 ਨੇੜੇ ਬਾਹਰੋਂ ਸੁੱਟਿਆ ਗਿਆ ਇੱਕ ਪੈਕਟ ਮਿਲਿਆ, ਜਿਸ ਵਿੱਚੋਂ 61 ਤੰਬਾਕੂ ਜ਼ਰਦਾ ਪੁੜੀਆਂ ਬਰਾਮਦ ਹੋਈਆਂ।
