ਐਨ.ਐਸ.ਕਿਊ.ਐਫ ਅਧੀਨ ਵਿਦਿਆਰਥੀਆਂ ਦਾ ਫੀਲਡ ਵਿਜਿਟ

ਐਨ.ਐਸ.ਕਿਊ.ਐਫ ਅਧੀਨ ਵਿਦਿਆਰਥੀਆਂ ਦਾ ਫੀਲਡ ਵਿਜਿਟ

ਫਾਜ਼ਿਲਕਾ 27 ਅਕਤੂਬਰ 2023 (ਅਨੁਜ ਕੱਕੜ)

ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਝੂਰੜਖੇੜਾ  ਵੱਲੋਂ ਐਨਐਸ ਕਿਊਐਫ ਸਕੀਮ ਅਧੀਨ ਵਿਦਿਆਰਥੀਆਂ ਦਾ ਟੂਰ ਪ੍ਰਿੰਸੀਪਲ ਸ੍ਰੀ ਕਸ਼ਮੀਰੀ ਲਾਲ ਦੀ ਅਗਵਾਈ ਹੇਠ ਇੰਚਾਰਜ ਸ੍ਰੀ ਮਲਕੀਤ ਚੰਦ ਵੱਲੋਂ ਤੇ ਲਿਜਾਇਆ ਗਿਆ । ਇਸ ਟੂਰ ਵਿੱਚ ਲਗਭਗ 112 ਵਿਦਿਆਰਥੀਆਂ ਨੇ ਵਿਜਿਟ ਕੀਤਾ।ਇਸ ਟੂਰ ਵੱਲੋਂ ਫ਼ਾਜ਼ਿਲਕਾ ਵਿਖੇ ਆਈਟੀਆਈ ਵਿਜਿਟ ਕੀਤੀ ਗਈ ਜਿਸ ਤੋਂ  ਵਿਦਿਆਰਥੀਆਂ ਨੇ ਉਦਯੋਗਿਕ ਜਾਣਕਾਰੀ ਪ੍ਰਾਪਤ ਕੀਤੀ ਇਸ ਤੋਂ ਬਾਅਦ ਵਿਦਿਆਰਥੀਆਂ ਨੇ ਡਿਪਟੀ ਕਮਿਸ਼ਨਰ ਪ੍ਰਬੰਧਕੀ  ਕਮਪਲੈਕਸ ਫ਼ਾਜ਼ਿਲਕਾ ਵਿਖੇ ਵੱਖ-ਵੱਖ ਵਿਭਾਗਾਂ ਦਾ ਦੌਰਾ ਕੀਤਾ।
ਜਿਸ ਵਿੱਚ ਭਾਸ਼ਾ ਵਿਭਾਗ ਦੇ ਜ਼ਿਲ੍ਹਾ  ਭਾਸ਼ਾ ਅਫਸਰ ਫ਼ਾਜ਼ਿਲਕਾ  ਸ੍ਰੀ ਭੁਪਿੰਦਰ ਕੁਮਾਰ ਉੇਤਰੇਜਾ ਨੇ ਵਿਭਾਗ ਦੀ ਲਾਇਬਰੇਰੀ ਵਿੱਚ ਕਿਤਾਬਾਂ ਬਾਰੇ ਅਹਿਮ ਜਾਣਕਾਰੀ ਦਿੱਤੀ ਅਤੇ ਇਸ ਤੋਂ ਬਾਅਦ ਵਿਦਿਆਰਥੀਆਂ ਨੇ ਦਫ਼ਤਰ  ਲੋਕ ਸੰਪਰਕ ਵਿਭਾਗ ਫ਼ਾਜ਼ਿਲਕਾ ਦਾ ਦੌਰਾ ਕੀਤਾ ਜਿਸ ਵਿੱਚ ਲੋਕ ਸੰਪਰਕ ਵਿਭਾਗ ਦੇ ਮੁਖੀ ਸ. ਭੁਪਿੰਦਰ ਸਿੰਘ ਬਰਾੜ ਨੇ ਸਰਕਾਰ ਦੀਆਂ ਵੱਖ-ਵੱਖ ਸਕੀਮਾਂ ਤੋਂ ਜਾਣੂ ਕਰਵਾਇਆ।ਜ਼ਿਲ੍ਹਾ ਭਲਾਈ  ਅਫ਼ਸਰ ਫ਼ਾਜ਼ਿਲਕਾ  ਸ਼੍ਰੀ ਅਸ਼ੋਕ ਕੁਮਾਰ ਵੱਲੋ ਵੀ ਸਕਾਲਰਸ਼ਿਪ ਤੇ ਭਲਾਈ  ਸਕੀਮਾਂ  ਬਾਰੇ ਜਾਣਕਾਰੀ  ਦਿੱਤੀ । ਇਸ ਤੋਂ ਬਾਅਦ ਵਿਦਿਆਰਥੀਆਂ ਨੂੰ ਸਾਦਕੀ ਬਾਰਡਰ ਵਿਖੇ ਝੰਡਾ ਉਤਾਰਨ ਦੀ ਰਸਮ ਦਿਖਾਈ ਗਈ। ਇਸ ਦੌਰਾਨ ਵਿਦਿਆਰਥੀਆਂ ਨੂੰ ਬੜੇ ਉਤਸ਼ਾਹਿਤ ਹੋ ਕੇ ਇਸ ਰਸਮ ਵਿੱਚ ਭਾਗ ਲਿਆ।
ਇਸ ਮੌਕੇ ਤੇ  ਕੰਪਿਊਟਰ ਟੀਚਰ ਸ. ਸੁਖਵਿੰਦਰ ਸਿੰਘ, ਸ਼੍ਰੀਮਤੀ ਪਰਮਜੀਤ ਕੌਰ ਪੀਟੀਆਈ ਅਤੇ ਸ਼੍ਰੀਮਤੀ ਪਰਮਜੀਤ ਕੌਰ ਕਲਰਕ ਨੇ ਟੂਰ ਦੀ ਸਫ਼ਲਤਾ ਵਿੱਚ  ਸਹਿਯੋਗ  ਦਿੱਤਾ ਅਤੇ ਆਪਣੀ ਡਿਊਟੀ ਤਨਦੇਹੀ ਨਾਲ ਨਿਭਾਈ।