ਭਾਰਤੀ ਫੌਜ ਵਿੱਚੋਂ ਰਿਟਾਇਰ ਫੌਜੀਆਂ ਦੀ ਪੈਨਸ਼ਨ ਸਬੰਧੀ ਸਮੱਸਿਆਵਾਂ ਦੇ ਹੱਲ ਲਈ 8 ਦਸੰਬਰ ਨੂੰ ਲੱਗੇਗਾ ਕੈਂਪ
- 55 Views
- kakkar.news
- December 5, 2023
- Punjab
ਭਾਰਤੀ ਫੌਜ ਵਿੱਚੋਂ ਰਿਟਾਇਰ ਫੌਜੀਆਂ ਦੀ ਪੈਨਸ਼ਨ ਸਬੰਧੀ ਸਮੱਸਿਆਵਾਂ ਦੇ ਹੱਲ ਲਈ 8 ਦਸੰਬਰ ਨੂੰ ਲੱਗੇਗਾ ਕੈਂਪ
ਫਿਰੋਜ਼ਪੁਰ, 5 ਦਸੰਬਰ 2023 (ਅਨੁਜ ਕੱਕੜ ਟੀਨੂੰ)
ਪੈਨਸ਼ਨ ਰਿਡਰੈਸਲ ਟੀਮ ਫਿਰੋਜ਼ਪੁਰ ਵੱਲੋਂ ਭਾਰਤੀ ਫੌਜ ਵਿੱਚ ਨੌਕਰੀ ਕਰਨ ਤੋਂ ਬਾਅਦ ਪੈਨਸ਼ਨ ਸਬੰਧੀ ਆ ਰਹੀਆਂ ਸਮੱਸਿਆਵਾਂ ਦੇ ਹੱਲ ਲਈ 8 ਦਸੰਬਰ2023 ਨੂੰ ਮਮਦੋਟ ਸਿਨੇਮਾ ਹਾਲ ਫਿਰੋਜ਼ਪੁਰ ਛਾਉਣੀ ਵਿਖੇ ਸਵੇਰੇ 10 ਵਜੇ ਕੈਂਪ ਲਗਾਇਆ ਜਾਵੇਗਾ। ਇਹ ਜਾਣਕਾਰੀ ਰੱਖਿਆ ਪੈਨਸ਼ਨ ਵੰਡ ਦਫ਼ਤਰ (ਡੀ.ਪੀ.ਡੀ.ਓ.) ਦੇ ਲੇਖਾ ਅਧਿਕਾਰੀ ਸ੍ਰੀ ਸਤੀਸ਼ ਚੰਦਰ ਕਲੁੰਡੀਆ ਨੇ ਦਿੱਤੀ।
ਉਨ੍ਹਾਂ ਦੱਸਿਆ ਕਿ ਇਸ ਕੈਂਪ ਵਿੱਚ ਐਕਸ ਸਰਵਿਸਮੈਨ, ਵੀਰ ਨਾਰੀਆ, ਵਿਧਵਾਵਾਂ ਅਤੇ ਉਨ੍ਹਾਂ ਦੇ ਵਾਰਸਾਂ ਦੀ ਪੈਨਸ਼ਨ ਸਬੰਧੀ ਸਮੱਸਿਆਵਾਂ ਦੇ ਨਿਪਟਾਰੇ ਲਈ ਸਹੀ ਸਲਾਹ ਦਿੱਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਇਸ ਕੈਂਪ ਵਿੱਚ ਜ਼ਰੂਰੀ ਦਸਤਾਵੇਜ਼ ਜਿਵੇਂ ਕਿ ਸਰਵਿਸਮੈਨ ਆਈ ਕਾਰਡ, ਪੀ.ਪੀ.ਓ., ਬੈਂਸ ਪਾਸ ਬੁਕ, ਡਿਸਚਾਰਜ ਬੁਕ, ਮੈਡੀਕਲ ਬੋਰਡ ਆਦਿ ਲੈ ਕੇ ਆਉਣਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਨੂੰ ਵੀ ਪੈਨਸ਼ਨ ਸਬੰਧੀ ਕੋਈ ਸਮੱਸਿਆ ਆਉਂਦੀ ਹੈ ਤਾਂ ਉਹ ਉਕਤ ਜਗ੍ਹਾ ਤੇ 8 ਦਸੰਬਰ 2023 ਨੂੰ ਸਵੇਰੇ 10 ਵਜੇ ਪਹੁੰਚ ਸਕਦੇ ਹਨ।