ਰੇਲਵੇ ਯਾਤਰੀਆਂ ਦੀ ਸਹੂਲਤ ਲਈ 28 ਦਸੰਬਰ ਤੋਂ 4 ਜੋੜੀਆਂ ਰੇਲਗੱਡੀਆਂ ਦਾ ਸੰਚਾਲਨ ਕੀਤਾ ਮੁੜ ਬਹਾਲ
- 83 Views
- kakkar.news
- December 27, 2023
- Punjab Railways
ਰੇਲਵੇ ਯਾਤਰੀਆਂ ਦੀ ਸਹੂਲਤ ਲਈ 28 ਦਸੰਬਰ ਤੋਂ 4 ਜੋੜੀਆਂ ਰੇਲਗੱਡੀਆਂ ਦਾ ਸੰਚਾਲਨ ਕੀਤਾ ਮੁੜ ਬਹਾਲ
ਫਿਰੋਜ਼ਪੁਰ 27 ਦਸੰਬਰ 2023 (ਅਨੁਜ ਕੱਕੜ ਟੀਨੂੰ)
ਰੇਲਵੇ ਚ ਸਫਰ ਕਰਨ ਵਾਲਿਆਂ ਲੋਕਾਂ ਨੂੰ ਇਕ ਪ੍ਰੈਸ ਬਿਆਨ ਰਹੀ ਇਹ ਸੁਨੇਹਾ ਦਿੱਤਾ ਜਾਂਦਾ ਹੈ ਕਿ ਰੇਲਵੇ ਯਾਤਰੀਆਂ ਦੀ ਸਹੂਲਤ ਲਈ, ਰੇਲਵੇ 28 ਦਸੰਬਰ, 2023 ਤੋਂ ਬੈਜਨਾਥ ਪਪਰੋਲਾ ਅਤੇ ਕਾਂਗੜਾ ਰੇਲਵੇ ਸਟੇਸ਼ਨਾਂ ਵਿਚਕਾਰ ਦੋ ਜੋੜਿਆਂ ਅਤੇ ਬੈਜਨਾਥ ਪਪਰੋਲਾ ਅਤੇ ਜੋਗਿੰਦਰਨਗਰ ਰੇਲਵੇ ਸਟੇਸ਼ਨਾਂ ਵਿਚਕਾਰ ਦੋ ਜੋੜੀਆਂ ਰੇਲਗੱਡੀਆਂ ਦਾ ਸੰਚਾਲਨ ਮੁੜ ਸ਼ੁਰੂ ਕਰ ਰਿਹਾ ਹੈ। ਇਹ ਟਰੇਨਾਂ ਇਸ ਤਰ੍ਹਾਂ ਚਲਾਈਆਂ ਜਾਣਗੀਆਂ:-
ਟਰੇਨ ਨੰਬਰ 04700 ਬੈਜਨਾਥ ਪਪਰੋਲਾ ਤੋਂ ਸਵੇਰੇ 6 ਵਜੇ ਚੱਲੇਗੀ ਅਤੇ ਸਵੇਰੇ 08:15 ‘ਤੇ ਕਾਂਗੜਾ ਪਹੁੰਚੇਗੀ ਅਤੇ ਵਾਪਸੀ ‘ਚ ਟਰੇਨ ਨੰਬਰ 04699 ਕਾਂਗੜਾ ਤੋਂ ਸਵੇਰੇ 9:30 ‘ਤੇ ਰਵਾਨਾ ਹੋਵੇਗੀ ਅਤੇ ਦੁਪਹਿਰ 12 ਵਜੇ ਬੈਜਨਾਥ ਪਪਰੋਲਾ ਪਹੁੰਚੇਗੀ। ਟਰੇਨ ਨੰਬਰ 04686 ਬੈਜਨਾਥ ਪਪਰੋਲਾ ਤੋਂ ਦੁਪਹਿਰ 3:00 ਵਜੇ ਰਵਾਨਾ ਹੋਵੇਗੀ ਅਤੇ ਸ਼ਾਮ 05:10 ‘ਤੇ ਕਾਂਗੜਾ ਪਹੁੰਚੇਗੀ ਅਤੇ ਵਾਪਸੀ ‘ਚ ਟਰੇਨ ਨੰਬਰ 04685 ਕਾਂਗੜਾ ਤੋਂ ਸ਼ਾਮ 6 ਵਜੇ ਰਵਾਨਾ ਹੋਵੇਗੀ ਅਤੇ ਬੈਜਨਾਥ ਪਪਰੋਲਾ ਰਾਤ 8:20 ‘ਤੇ ਪਹੁੰਚੇਗੀ। ਇਹ ਟਰੇਨਾਂ ਮਾਝੇਰਾ ਹਿਮਾਚਲ, ਪੰਚ ਰੁਖੀ, ਪੱਟੀ ਰਾਜਪੁਰਾ, ਪਾਲਮਪੁਰ ਹਿਮਾਚਲ, ਸੁਲਾਹ ਹਿਮਾਚਲ, ਪਰੌਰ, ਚਾਮੁੰਡਾ ਮਾਰਗ, ਨਗਰੋਟਾ, ਸਮਲੋਟੀ ਅਤੇ ਕਾਂਗੜਾ ਮੰਦਰ ਸਟੇਸ਼ਨਾਂ ‘ਤੇ ਦੋਵੇਂ ਦਿਸ਼ਾਵਾਂ ਵਿੱਚ ਰੁਕਣਗੀਆਂ।
ਰੇਲਗੱਡੀ ਨੰਬਰ 04601 ਬੈਜਨਾਥ ਪਪਰੋਲਾ ਤੋਂ ਸਵੇਰੇ 8 ਵਜੇ ਚੱਲੇਗੀ ਅਤੇ ਜੋਗਿੰਦਰਨਗਰ ਸਵੇਰੇ 09:35 ਵਜੇ ਪਹੁੰਚੇਗੀ ਅਤੇ ਵਾਪਸੀ ਵਿੱਚ ਰੇਲਗੱਡੀ ਨੰਬਰ 04602 ਜੋਗਿੰਦਰਨਗਰ ਤੋਂ ਸਵੇਰੇ 10:30 ਵਜੇ ਰਵਾਨਾ ਹੋਵੇਗੀ ਅਤੇ ਦੁਪਹਿਰ 12 ਵਜੇ ਬੈਜਨਾਥ ਪਪਰੋਲਾ ਪਹੁੰਚੇਗੀ। ਟਰੇਨ ਨੰਬਰ 01609 ਬੈਜਨਾਥ ਪਪਰੋਲਾ ਤੋਂ ਦੁਪਹਿਰ 1 ਵਜੇ ਚੱਲੇਗੀ ਅਤੇ ਦੁਪਹਿਰ 02:35 ‘ਤੇ ਜੋਗਿੰਦਰਨਗਰ ਪਹੁੰਚੇਗੀ ਅਤੇ ਵਾਪਸੀ ‘ਚ ਟਰੇਨ ਨੰਬਰ 01610 ਜੋਗਿੰਦਰਨਗਰ ਤੋਂ ਦੁਪਹਿਰ 3:30 ‘ਤੇ ਰਵਾਨਾ ਹੋਵੇਗੀ ਅਤੇ ਸ਼ਾਮ 5 ਵਜੇ ਬੈਜਨਾਥ ਪਪਰੋਲਾ ਪਹੁੰਚੇਗੀ। ਰਸਤੇ ਵਿੱਚ, ਇਹ ਟਰੇਨਾਂ ਆਹਜੂ ਸਟੇਸ਼ਨ ‘ਤੇ ਦੋਵੇਂ ਦਿਸ਼ਾਵਾਂ ਵਿੱਚ ਰੁਕਣਗੀਆਂ।