ਫਿਰੋਜ਼ਪੁਰ ਕੇਂਦਰੀ ਜੇਲ ਚੋ 6 ਮੋਬਾਈਲ,1ਚਾਰਜਰ ਅਤੇ 2 ਫੋਨ ਦੀਆ ਬੈਟਰੀਆਂ ਹੋਇਆ ਬਰਾਮਦ ,ਪਰਚਾ ਦਰਜ
ਫਿਰੋਜ਼ਪੁਰ ਕੇਂਦਰੀ ਜੇਲ ਚੋ 6 ਮੋਬਾਈਲ,1ਚਾਰਜਰ ਅਤੇ 2 ਫੋਨ ਦੀਆ ਬੈਟਰੀਆਂ ਹੋਇਆ ਬਰਾਮਦ ,ਪਰਚਾ ਦਰਜ
ਫਿਰੋਜ਼ਪੁਰ 29 ਦਸੰਬਰ 2023 (ਅਨੁਜ ਕੱਕੜ ਟੀਨੂੰ)
ਫਿਰੋਜ਼ਪੁਰ ਕੇਂਦਰੀ ਜੇਲ ਪ੍ਰਸ਼ਾਸਨ ਵਲੋਂ 2 ਅਲੱਗ ਅਲੱਗ ਕੇਸਾਂ ਚੋ 6 ਮੋਬਾਈਲ ਫੋਨ ਜਿਨ੍ਹਾਂ ਵਿੱਚੋ 3 ਹਵਾਲਾਤੀਆਂ ਕੋਲੋਂ ਅਤੇ 3 ਲਾਵਾਰਿਸ ਬਰਾਮਦ ਕੀਤੇ ਗਏ ।
ਜੇਲ ਦੇ ਸਹਾਇਕ ਸੁਪਰਡੈਂਟ ਨਿਰਮਲਜੀਤ ਸਿੰਘ ਵਲੋਂ ਮਿਲੀ ਜਾਣਕਾਰੀ ਮੁਤਾਬਿਕ 28 /12 /23 ਨੂੰ ਉਹ ਅਤੇ ਓਹਨਾ ਦੀ ਪੁਲਿਸ ਪਾਰਟੀ ਵਲੋਂ ਜਦ ਜੇਲ ਦੀ ਤਲਾਸ਼ੀ ਕੀਤੀ ਗਈ ਤਾ ਤਲਾਸ਼ੀ ਦੌਰਾਨ ਹਵਾਲਾਤੀ ਸੁਰਜੀਤ ਸਿੰਘ ਉਰਫ ਟੋਨੀ ਪੁੱਤਰ ਮਾਸ਼ਾ ਸਿੰਘ ਵਾਸੀ ਗੱਟੀ ਰਾਜੋ ਕੀ ਜਿਲਾ ਫਿਰੋਜ਼ਪੁਰ ਕੋਲੋਂ 1 ਮੋਬਾਈਲ ਫੋਨ ਮਾਰਕਾ SAMSUNG ਕੀ ਪੈਡ ਰੰਗ ਕਾਲਾ ਸਮੇਤ ਬੈਟਰੀ ਅਤੇ ਬਿਨਾ ਸਿੱਮ ਕਾਰਡ ਬਰਾਮਦ ਕੀਤਾ ਗਿਆ । ਇੱਦਾ ਹੀ 1 ਮੋਬਾਈਲ ਫੋਨ ਮਾਰਕਾ SAMSUNG ਕੀ ਪੈਡ ਰੰਗ ਕਾਲਾ ਸਮੇਤ ਬੈਟਰੀ ਅਤੇ ਬਿਨਾ ਸਿੱਮ ਕਾਰਡ ਹਵਾਲਾਤੀ ਸਾਗਰ ਉਰਫ ਘੁੱਲਾ ਪੁੱਤਰ ਤਰਸੇਮ ਸਿੰਘ ਵਾਸੀ ਖਾਈ ਫੇਮੇ ਕੀ ਫਿਰੋਜ਼ਪੁਰ ਕੋਲੋਂ ਬਰਾਮਦ ਹੋਇਆ ।1 ਮੋਬਾਈਲ ਫੋਨ ਮਾਰਕਾ NOKIA ਕੀ ਪੈਡ ਰੰਗ ਕਾਲਾ ਸਮੇਤ ਬੈਟਰੀ ਅਤੇ ਬਿਨਾ ਸਿੱਮ ਕਾਰਡ ਹਵਾਲਾਤੀ ਲਖਵਿੰਦਰ ਕੁਮਾਰ ਪੁੱਤਰ ਗੁਰਬੰਸ ਸਿੰਘ ਵਾਸੀ ਮੋਠਾਂ ਵਾਲਾ ਫਿਰੋਜ਼ਪੁਰ ਕੋਲੋਂ ਬਰਾਮਦ ਹੋਇਆ। ਅਤੇ ਦੋ ਮੋਬਾਈਲ ਫੋਨ ਜਿਨ੍ਹਾਂ ਵਿੱਚੋ ਇਕ ਮੋਬਾਈਲ NOKIA ਕੀ ਪੈਡ ਰੰਗ ਕਾਲਾ ਸਮੇਤ ਬੈਟਰੀ ਅਤੇ ਬਿਨਾ ਸਿੱਮ ਕਾਰਡ ਅਤੇ ਦੂਸਰਾ ਮੋਬਾਈਲ VIVO ਟੱਚ ਸਕਰੀਨ ਰੰਗ ਗੋਲਡਨ ਬਿਨਾ ਸਿਮ ਕਾਰਡ ਲਵਾਰਿਸ ਹਾਲਤ ਚ ਬਰਾਮਦ ਹੋਏ ।
ਦੂਸਰੀ ਸ਼ਿਕਾਇਤ ਵਿਚ 27 /12 /23 ਨੂੰ ਸਹਾਇਕ ਸੁਪਰਡੈਂਟ ਰਿਸ਼ਵਪਾਲ ਗੋਇਲ ਨੇ ਪੁਲਿਸ ਨੂੰ ਸ਼ਿਕਾਇਤ ਚ ਦੱਸਿਆ ਕਿ ਓਹਨਾ ਜੇਲ ਕਰਮਚਾਰੀਆਂ ਦੀ ਸੂਚਨਾ ਦੇ ਅਧਾਰ ਤੇ ਪੁਲਿਸ ਪਾਰਟੀ ਨਾਲ ਜਦ ਲੰਗਰ ਦੀ ਬੈਰਕ ਨੰਬਰ 2 ਦੀ ਤਲਾਸ਼ੀ ਲਈ ਤਾ ਤਲਾਸ਼ੀ ਦੌਰਾਨ 2 ਮੋਬਾਈਲ ਫੋਨ ਦੀਆ ਬੈਟਰੀਆਂ 1 ਚਾਰਜਰ ਲਾਵਾਰਿਸ ਬਰਾਮਦ ਹੋਇਆ ।ਇਸ ਤੋਂ ਬਾਦ ਬੈਰਕ ਨੰਬਰ 11 ਦੀ ਤਲਾਸ਼ੀ ਦੌਰਾਨ ਮਾਰਕਾ SAMSUNG ਕੀ ਪੈਡ ਰੰਗ ਕਾਲਾ ਸਮੇਤ ਬੈਟਰੀ ਅਤੇ ਬਿਨਾ ਸਿੱਮ ਕਾਰਡ ਤੋਂ ਲਾਵਾਰਿਸ ਹਾਲਤ ਚ ਬਰਾਮਦ ਹੋਇਆ
ਤਫਤੀਸ਼ ਅਫਸਰ ਏ ਐਸ ਆਈ ਗੁਰਮੇਲ ਸਿੰਘ ਨੇ ਦਸਿਆ ਕੀ ਪੁਲਿਸ ਨੇ ਕੇਂਦਰੀ ਜੇਲ ਵਲੋਂ ਮਿਲਿਆ ਦੋਨਾਂ ਸ਼ਿਕਾਇਤਾਂ ਦੇ ਅਧਾਰ ਤੇ ਥਾਣਾ ਸਿਟੀ ਵਿਖੇ ਉਕਤ ਹਵਾਲਾਤੀਆਂ ਅਤੇ ਨਾਮਾਲੂਮ ਵਿਅਕਤੀਆਂ ਖਿਲਾਫ ਅ/ਧ 52 -A PRISON ACT ਦੇ ਤਹਿਤ ਦੋ ਅਲੱਗ ਅਲੱਗ ਕੇਸ ਦਰਜ ਕੀਤੇ ਹਨ ।
