ਡੀ ਟੀ ਐੱਫ ਫਿਰੋਜ਼ਪੁਰ, ਬਲਾਕ ਮੱਲਾਂਵਾਲਾ ਦੇ ਚੋਣ ਇਜਲਾਸ ਵਿਚ ਗੁਰਦੇਵ ਸਿੰਘ ਭਾਗੋਕੇ ਨੂੰ ਪ੍ਰਧਾਨ,ਗੁਰਪ੍ਰੀਤ ਮੱਲੋ ਕੇ ਨੂੰ ਸਕੱਤਰ, ਸਮੀਰ ਅਰੋੜਾ ਨੂੰ ਮੀਤ ਪ੍ਰਧਾਨ ਚੁਣਿਆ ਗਿਆ
ਡੀ ਟੀ ਐੱਫ ਫਿਰੋਜ਼ਪੁਰ, ਬਲਾਕ ਮੱਲਾਂਵਾਲਾ ਦੇ ਚੋਣ ਇਜਲਾਸ ਵਿਚ ਗੁਰਦੇਵ ਸਿੰਘ ਭਾਗੋਕੇ ਨੂੰ
ਪ੍ਰਧਾਨ,ਗੁਰਪ੍ਰੀਤ ਮੱਲੋ ਕੇ ਨੂੰ ਸਕੱਤਰ, ਸਮੀਰ ਅਰੋੜਾ ਨੂੰ ਮੀਤ ਪ੍ਰਧਾਨ ਚੁਣਿਆ ਗਿਆ
ਫਿਰੋਜ਼ਪੁਰ 11ਅਕਤੂਬਰ 2022 (( ਸੁਭਾਸ਼ ਕੱਕੜ))
ਡੈਮੋਕ੍ਰੇਟਿਕ ਟੀਚਰਜ਼ ਫਰੰਟ ਪੰਜਾਬ ਦੀਆਂ ਚੱਲ ਰਹੀਆਂ ਚੋਣਾਂ ਦੌਰਾਨ ਅੱਜ ਫਿਰੋਜ਼ਪੁਰ ਦੇ ਬਲਾਕ ਮੱਲਾਂਵਾਲਾ ਦਾ ਚੋਣ ਅਜਲਾਸ ਹੋਇਆ ।ਚੋਣ ਇਜਲਾਸ ਵਿੱਚ ਬਲਾਕ ਮੱਲਾਂਵਾਲਾ ਦੇ ਅਧਿਆਪਕਾਂ ਨੇ ਸਰਬਸੰਮਤੀ ਨਾਲ ਬਲਾਕ ਕਮੇਟੀ ਨੇ 7 ਬਲਾਕ ਕਮੇਟੀ ਮੈਂਬਰਾਂ ਦੀ ਚੋਣ ਸਰਬਸੰਮਤੀ ਨਾਲ ਕੀਤੀ । ਚੁਣੇ ਬਲਾਕ ਕਮੇਟੀ ਮੈਂਬਰਾ ਨੇ ਆਪਸੀ ਸਹਿਮਤੀ ਨਾਲ ਗੁਰਦੇਵ ਸਿੰਘ ਭਾਗੋਕੇ ਨੂੰ ਬਲਾਕ ਪ੍ਰਧਾਨ ਗੁਰਪ੍ਰੀਤ ਮੱਲੋ ਕੇ ਨੂੰ ਸਕੱਤਰ, ਸਮੀਰ ਅਰੋੜਾ ਨੂੰ ਮੀਤ ਪ੍ਰਧਾਨ, ਰਤਨਦੀਪ ਸਿੰਘ ਨੂੰ ਪ੍ਰੈੱਸ ਸਕੱਤਰ ਅਤੇ ਹਰਪ੍ਰੀਤ ਸਿੰਘ ਭਾਗੋਕੇ ਨੂੰ ਵਿੱਤ ਸਕੱਤਰ ਚੁਣਿਆ । ਸੰਤੋਖ ਸਿੰਘ ਅਤੇ ਬਲਰਾਮ ਸ਼ਰਮਾ ਦੀ ਬਲਾਕ ਕਮੇਟੀ ਮੈਂਬਰਾਂ ਵਜੋਂ ਚੋਣ ਹੋਈ। ਬਲਾਕ ਮੱਲਾਂ ਵਾਲਾ ਵਿਖੇ ਚੋਣ ਅਬਜ਼ਰਵਰ ਰਾਜਦੀਪ ਸੰਧੂ ਅਤੇ ਅਜੇ ਹਰਾਜ਼ ਨੇ ਇਜਲਾਸ ਨੂੰ ਸੰਬੋਧਨ ਹੁੰਦਿਆਂ ਕਿਹਾ ਕਿ ਮੌਜੂਦਾ ਸਮੇਂ ਦੀ ਸਰਕਾਰ ਦੇਖਣ ਨੂੰ ਲੋਕ ਹਿਤੀ ਲਗ ਰਹੀ ਹੈ ਪਰ ਆਮ ਆਦਮੀ ਪਾਰਟੀ ਸਰਕਾਰ ਕਾਰਪੋਰੇਟੀ ਨੀਤੀਆਂ ਅਕਾਲੀ ਭਾਜਪਾ ਅਤੇ ਕਾਂਗਰਸ ਸਰਕਾਰਾਂ ਵਾਂਗ ਲਾਗੂ ਕਰ ਰਹੀ ਹੈ।ਸਰਕਾਰ ਵੱਲੋ ਸਕੂਲ ਆਫ਼ ਐਮੀਨੇਸ਼ਨ ਸਕੀਮ ਅਧੀਨ ਪਿੰਡਾਂ ਦੇ ਵੱਡੇ ਪੱਧਰ ਉੱਪਰ ਸਕੂਲ ਖ਼ਤਮ ਕਰਨ ਜਾ ਰਹੀ ਹੈ ।ਪਿਛਲੀਆਂ ਸਰਕਾਰਾਂ ਨੂੰ ਸਕੂਲਾਂ ਵਿਚ ਗ਼ੈਰ ਵਿਗਿਆਨਕ ਪ੍ਰਾਜੈਕਟਾਂ ਤੇ ਜ਼ੋਰ ਦੇ ਕੇ ਰਵਾਇਤੀ ਸਿੱਖਿਆ ਨੂੰ ਢਾਹ ਲਾ ਰਹੀ ਹੈ । ਚੁਣੇ ਗਏ ਬਲਾਕ ਪ੍ਰਧਾਨ ਤੇ ਸਕੱਤਰ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਅਧਿਆਪਕਾਂ ਨੂੰ ਆਉਣ ਵਾਲੇ ਸਮੇਂ ਵਿਚ ਸੰਘਰਸ਼ ਦੇ ਰਾਹ ਪੈਣ ਲਈ ਤਿਆਰ ਰਹਿਣਾ ਚਾਹੀਦਾ।ਆਗੂਆਂ ਨੇ ਇਜਲਾਸ ਵਿੱਚ ਪੰਜਾਬ ਸਰਕਾਰ ਤੋਂ ਆਪਣੇ ਚੋਣ ਵਾਅਦਿਆਂ ਅਨੁਸਾਰ ਮੁਲਾਜ਼ਮਾਂ ਦੇ ਕੱਟੇ ਪੇਂਡੂ ਭੱਤੇ ਸਮੇਤ 37 ਤਰ੍ਹਾਂ ਦੇ ਭੱਤੇ ਬਹਾਲ ਕਰਨ ਅਤੇ ਰਹਿੰਦੀਆਂ ਮਹਿੰਗਾਈ ਭੱਤੇ ਦੀਆਂ 10%ਕਿਸ਼ਤਾਂ ਜਾਰੀ ਕਰਨ , ਪੇ ਕਮਿਸ਼ਨ ਦੀ ਪੂਰੀ ਰਿਪੋਰਟ ਜਾਰੀ ਕਰਨਾ, ਸਾਰੇ ਮੁਲਾਜ਼ਮਾਂ ਦਾ ਤਨਖਾਹ ਕਮਿਸ਼ਨ ਦਾ01/01/2016 ਤੋੰ 30/06/2021 ਦਾ ਬਕਾਇਆ ਜਾਰੀ ਕੀਤਾ ਜਾਵੇ।ਆਗੂਆ ਨੇ ਕਿਹਾ ਕਿ ਸਰਕਾਰ ਨੇ 16 ਅਕਤੂਬਰ ਦੀ ਸਿੱਖਿਆ ਮੰਤਰੀ ਦੇ ਹਲਕੇ ਆਨੰਦਪੁਰ ਸਾਹਿਬ ਦੀ ਸੂਬਾ ਪੱਧਰੀ ਰੈਲੀ ਦੇ ਦਬਾ ਨਾਲ ਅਧਿਅਪਕਾਂ ਦੀਆਂ ਬਦਲੀਆਂ ਦਾ ਪੋਰਟਲ ਖੋਲ੍ਹਿਆ ਹੈ।ਆਗੂਆ ਨੇ ਸਰਕਾਰ ਤੋ ਮੁਲਾਜ਼ਮਾਂ ਦੇ 2018 ਦੇ ਸਰਵਿਸ ਰੂਲਜ਼ ਰੱਦ ਕਰਨ, ਕੰਪਿਊਟਰ ਅਧਿਆਪਕਾਂ ਨੂੰ ਬਿਨਾਂ ਸ਼ਰਤ ਵਿਭਾਗ ਵਿੱਚ ਮਰਜ਼ ਕਰਨ, ਰਹਿੰਦੇ ਕੱਚੇ ਅਧਿਆਪਕਾਂ ਨੂੰ ਰੈਗੂਲਰ ਕਰਨ, ਨਵੇਂ ਭਰਤੀ ਹੋਏ ਅਧਿਆਪਕਾਂ ਦਾ ਬਦਲੀ ਕਰਵਾਉਣ ਲਈ ਚਾਰ ਸਾਲਾ ਪ੍ਰੋਬੇਸ਼ਨ ਪੀਰੀਅਡ ਕਰਨ ਦਾ ਪੱਤਰ ਵਾਪਸ ਲੈਣ ਦੀ ਮੰਗ ਰੱਖੀ।
