ਤਿਆਰ ਕੀਤੇ ਜਾ ਰਹੇ ਨਜਾਇਜ਼ ਪਟਾਕੇ, 2 FIR ਹੋਈਆਂ ਦਰਜ
- 204 Views
- kakkar.news
- October 19, 2022
- Punjab
ਤਿਆਰ ਕੀਤੇ ਜਾ ਰਹੇ ਨਜਾਇਜ਼ ਪਟਾਕੇ, 2 FIR ਹੋਈਆਂ ਦਰਜ
ਰਾਜਪੁਰਾ 19 ਅਕਤੂਬਰ 2022 (ਸਿਟੀਜ਼ਨਜ਼ ਵੋਇਸ)
ਰਾਜਪੁਰਾ ਵਿੱਚ ਦੀਵਾਲੀ ਦੇ ਦੌਰਾਨ ਨਜਾਇਜ਼ ਪਟਾਕੇ ਤਿਆਰ ਕਰਨ ਨੂੰ ਲੈ ਕੇ ਹਮੇਸ਼ਾ ਸੁਰਖੀਆਂ ਵਿੱਚ ਰਹਿੰਦਾ ਹੈ। ਪਿਛਲੇ ਸਾਲ ਪਟਾਕੇ ਬਣਾਉਂਦੇ ਸਮੇਂ ਇੱਕ ਘਰ ਵਿੱਚ ਧਮਾਕਾ ਹੋਣ ਕਾਰਨ ਤਿੰਨ ਬੱਚਿਆਂ ਦੀ ਮੌਤ ਹੋ ਗਈ ਸੀ। ਇਸ ਦੇ ਬਾਵਜੂਦ ਰਾਜਪੁਰਾ ਵਿੱਚ ਨਜਾਇਜ਼ ਪਟਾਕੇ ਤਿਆਰ ਕੀਤੇ ਜਾ ਰਹੇ ਹਨ। ਇਸ ਗੱਲ ਦਾ ਖੁਲਾਸਾ ਥਾਣਾ ਸਿਟੀ ਰਾਜਪੁਰਾ ਪੁਲਿਸ ਵੱਲੋਂ ਦਰਜ ਕੀਤੇ ਗਏ 2 ਮਾਮਲਿਆਂ ਤੋਂ ਹੋਇਆ ਹੈ।ਰਾਜਪੁਰਾ ਥਾਣੇ ‘ਚ ਦਰਜ ਹੋਈਆਂ 2 ਵੱਖ ਵੱਖ FIR ਅਨੁਸਾਰ ਪੁਲਿਸ ਪਾਰਟੀ ਵਿਸ਼ਵਕਰਮਾ ਚੌਕ ਰਾਜਪੁਰਾ ਨੇੜੇ ਮੌਜੂਦ ਸੀ ਤੇ ਉਨ੍ਹਾਂ ਨੂੰ ਸੂਚਨਾ ਮਿਲੀ ਕਿ ਲਖਨ ਪਾਲ ਵਾਸੀ ਸ਼ੋਰਗੀਰ ਬਸਤੀ, ਮਹਿੰਦਰਾ ਗੰਜ ਰੋਡ ਰਾਜਪੁਰਾ ਆਪਣੇ ਘਰ ਵਿੱਚ ਪਟਾਕੇ ਤਿਆਰ ਕਰ ਰਿਹਾ ਹੈ। ਇਸ ‘ਤੇ ਪੁਲਿਸ ਨੇ ਛਾਪਾ ਮਾਰ ਕੇ 5 ਕਿਲੋ ਪੋਟਾਸ਼ ਵਰਗੀ ਸਮੱਗਰੀ ਅਤੇ 11 ਰੱਸੀ ਬੰਬ ਬਰਾਮਦ ਕੀਤੇ। ਇਸ ਦੇ ਨਾਲ ਹੀ ਪੁਲਿਸ ਨੇ ਸੂਚਨਾ ਦੇ ਆਧਾਰ ‘ਤੇ ਮੁਸਤਗੀਨ ਵਾਸੀ ਸ਼ੋਰਗੀਰ ਬਸਤੀ ਮਹਿੰਦਰ ਗੰਜ ਰੋਡ ਰਾਜਪੁਰਾ ਦੇ ਘਰ ਛਾਪਾ ਮਾਰ ਕੇ 5 ਕਿਲੋ ਪਟਾਕਾ ਅਸਲਾ ਅਤੇ 9 ਰੱਸੀ ਬੰਬ ਬਰਾਮਦ ਕਰਕੇ ਇੱਕ ਵਿਅਕਤੀ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ। ਹਾਲਾਂਕਿ ਦੋਵੇਂ ਮੁਲਜ਼ਮ ਥਾਣੇ ਤੋਂ ਜ਼ਮਾਨਤ ‘ਤੇ ਰਿਹਾਅ ਹੋ ਗਏ ਸਨ। ਸ਼ਹਿਰ ਵਿੱਚ ਪਟਾਕੇ ਵੇਚਣ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਯਾਗੇਸ਼ ਗੁਪਤਾ ਨਾਂ ਦੇ ਵਪਾਰੀ ਨੂੰ ਪਟਾਕੇ ਵੇਚਣ ਲਈ ਆਰਜੀ ਲਾਇਸੈਂਸ ਜਾਰੀ ਕੀਤਾ ਹੈ। ਏਡੀਸੀ ਗੁਰਪ੍ਰੀਤ ਸਿੰਘ ਥਿੰਦ ਨੇ ਦੱਸਿਆ ਕਿ ਖੇਡ ਮੈਦਾਨ ਵਿੱਚ ਪਟਾਕੇ ਵੇਚੇ ਜਾਣਗੇ। ਗਰਾਊਂਡ ਵਿੱਚ 30 ਤੋਂ ਵੱਧ ਦੁਕਾਨਾਂ ਦੇ ਸਜਾਏ ਜਾਣ ਦੀ ਸੰਭਾਵਨਾ ਹੈ।