ਫ਼ਿਰੋਜ਼ਪੁਰ ਦੀ ਕੇਂਦਰੀ ਜੇਲ ਚੋ 11 ਮੋਬਾਈਲ ਫੋਨ ,ਨਸ਼ੀਲਾ ਪਦਾਰਥ ਅਤੇ ਮੋਬਾਈਲ ਅਸੈੱਸਰੀ ਹੋਈ ਬਰਾਮਦ
- 56 Views
- kakkar.news
- January 2, 2024
- Crime Punjab
ਫ਼ਿਰੋਜ਼ਪੁਰ ਦੀ ਕੇਂਦਰੀ ਜੇਲ ਚੋ 11 ਮੋਬਾਈਲ ਫੋਨ ,ਨਸ਼ੀਲਾ ਪਦਾਰਥ ਅਤੇ ਮੋਬਾਈਲ ਅਸੈੱਸਰੀ ਹੋਈ ਬਰਾਮਦ
ਫ਼ਿਰੋਜ਼ਪੁਰ 02 ਜਨਵਰੀ 2024(ਅਨੁਜ ਕੱਕੜ ਟੀਨੂੰ)
ਫ਼ਿਰੋਜ਼ਪੁਰ ਦੀ ਕੇਂਦਰੀ ਜੇਲ੍ਹ ਵਿੱਚ ਤਲਾਸ਼ੀ ਮੁਹਿੰਮ ਦੌਰਾਨ 11 ਹੋਰ ਮੋਬਾਈਲ ਫ਼ੋਨ, ਇੱਕ ਆਈਫ਼ੋਨ, ਨਸ਼ੀਲੇ ਕੈਪਸੂਲ, ਡਾਟਾ ਕੇਬਲ ਅਤੇ ਚਾਰਜਰ ਬਰਾਮਦ
ਕੀਤੇ ਗਏ ਹਨ,ਕੇਂਦਰੀ ਜੇਲ੍ਹ ਜੋ ਕਿ ਲੰਬੇ ਸਮੇਂ ਤੋਂ ਡਰੱਗ ਰੈਕੇਟ ਅਤੇ ਨਸ਼ੀਲੇ ਪਦਾਰਥਾਂ ਅਤੇ ਮੋਬਾਈਲ ਫ਼ੋਨਾਂ ਦੀ ਬਰਾਮਦਗੀ ਨੂੰ ਲੈ ਕੇ ਸੁਰਖੀਆਂ ਵਿੱਚ ਹੈ। ਸਹਾਇਕ ਸੁਪਰਡੈਂਟ ਜੇਲ੍ਹ ਸੁਖਜਿੰਦਰ ਸਿੰਘ ਅਤੇ ਸਰਬਜੀਤ ਸਿੰਘ ਵੱਲੋਂ ਭੇਜੇ ਲਿਖਤੀ ਪੱਤਰਾਂ ਦੇ ਆਧਾਰ ’ਤੇ ਥਾਣਾ ਸਿਟੀ ਫਿਰੋਜ਼ਪੁਰ ਦੀ ਪੁਲੀਸ ਨੇ ਕੈਦੀ ਗੁਰਵਿੰਦਰ ਸਿੰਘ ਉਰਫ਼ ਗੁਰੀ ਅਤੇ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਸਿਟੀ ਫ਼ਿਰੋਜ਼ਪੁਰ ਦੇ ਏ.ਐਸ.ਆਈ ਗੁਰਮੇਲ ਸਿੰਘ ਨੇ ਦੱਸਿਆ ਕਿ ਜੇਲ੍ਹ ਪ੍ਰਸ਼ਾਸਨ ਵੱਲੋਂ ਭੇਜੀ ਸੂਚਨਾ ਅਨੁਸਾਰ ਜਦੋਂ ਸਹਾਇਕ ਸੁਪਰਡੈਂਟ ਸੁਖਜਿੰਦਰ ਸਿੰਘ ਦੀ ਅਗਵਾਈ ਹੇਠ ਜੇਲ੍ਹ ਸਟਾਫ਼ ਨੇ ਬਲਾਕ ਨੰਬਰ 1 ਦੀ ਬੈਰਕ ਨੰਬਰ 4 ਦੀ ਤਲਾਸ਼ੀ ਲਈ ਤਾਂ ਉਸ ਵਿੱਚੋਂ 3 ਕੀਪੈਡ ਨੋਕੀਆ ਮੋਬਾਈਲ ਫੋਨ ਅਤੇ 326 ਨਸ਼ੀਲੇ ਕੈਪਸੂਲ ਲਾਵਾਰਸ ਹਾਲਤ ‘ਚ ਬਰਾਮਦ ਹੋਏ । ।ਏਐਸਆਈ ਗੁਰਮੇਲ ਸਿੰਘ ਨੇ ਦੱਸਿਆ ਕਿ ਜਦੋਂ ਸਹਾਇਕ ਸੁਪਰਡੈਂਟ ਸਰਬਜੀਤ ਸਿੰਘ ਦੀ ਅਗਵਾਈ ਹੇਠ ਜੇਲ੍ਹ ਸਟਾਫ਼ ਵੱਲੋਂ ਬਲਾਕ ਨੰਬਰ 1 ਦੀ ਬੈਰਕ ਨੰਬਰ 4 ਦੀ ਤਲਾਸ਼ੀ ਲਈ ਗਈ ਤਾਂ ਕੈਦੀ ਗੁਰਵਿੰਦਰ ਸਿੰਘ ਪਾਸੋਂ ਇੱਕ ਟੱਚ ਸਕਰੀਨ ਮੋਬਾਈਲ ਫ਼ੋਨ ਜਿਸ ਵਿੱਚ ਵੀਆਈ ਕੰਪਨੀ ਦਾ ਇੱਕ ਸਿਮ ਕਾਰਡ ਵੀ ਸੀ ਬਰਾਮਦ ਹੋਇਆ। ਉੱਥੇ ਹੀ ਇੱਕ ਵੀਵੋ ਟੱਚ ਸਕਰੀਨ ਮੋਬਾਈਲ ਫੋਨ ਬਿਨਾਂ ਸਿਮ ਕਾਰਡ ਅਤੇ ਬੈਰਕ ਦੇ ਬਾਹਰ ਪਏ ਟੋਏ ਵਿੱਚੋਂ ਬਰਾਮਦ ਹੋਇਆ, ਜੇਲ੍ਹ ਸਟਾਫ਼ ਨੇ ਇੱਕ ਆਈਫੋਨ, ਵੀਵੋ ਕੰਪਨੀ ਦੇ 4 ਟੱਚ ਸਕਰੀਨ ਮੋਬਾਈਲ ਫ਼ੋਨ, 4 ਮੋਬਾਈਲ ਫ਼ੋਨ ਚਾਰਜਰ, 4 ਡਾਟਾ ਕੇਬਲ, ਇੱਕ ਮੋਬਾਈਲ ਫ਼ੋਨ ਦੀ ਚਾਬੀ ਬਰਾਮਦ ਕੀਤੀ। ਪੈਡ ਅਤੇ ਚੈਨੀ ਖੈਨੀ ਦੇ 8 ਪੈਕੇਟ ਬਰਾਮਦ ਹੋਏ।