ਪਾਕ ਡਰੋਨ ਨੇ ਭਾਰਤੀ ਸਰਹੱਦ ‘ਚ ਸੁੱਟੇ ਹਥਿਆਰ, AK 47 ਰਾਈਫ਼ਲ, 2 ਮੈਗਜ਼ੀਨ ਤੇ 40 ਜਿੰਦਾ ਕਾਰਤੂਸ ਬਰਾਮਦ

ਪਾਕ ਡਰੋਨ ਨੇ ਭਾਰਤੀ ਸਰਹੱਦ ‘ਚ ਸੁੱਟੇ ਹਥਿਆਰ, AK 47 ਰਾਈਫ਼ਲ, 2 ਮੈਗਜ਼ੀਨ ਤੇ 40 ਜਿੰਦਾ ਕਾਰਤੂਸ ਬਰਾਮਦ

ਫਿਰੋਜ਼ਪੁਰ 20 ਜਨਵਰੀ 2024 (ਸਿਟੀਜ਼ਨਜ਼ ਵੋਇਸ)

ਭਾਰਤੀ ਸੀਮਾ ਸੁਰੱਖਿਆ ਬਲ (ਬੀ.ਐਸ.ਐਫ.) ਨੇ ਬੀਤੀ ਅੱਧੀ ਰਾਤ ਫ਼ਿਰੋਜ਼ਪੁਰ ਭਾਰਤ-ਪਾਕਿ ਬਾਰਡਰ ‘ਤੇ ਪਾਕਿਸਤਾਨ ਤੋਂ ਆਉਣ ਵਾਲੇ ਡਰੋਨ ਦੀ ਆਵਾਜ਼ ਸੁਣੀ, ਜਿਸ ਤੋਂ ਬਾਅਦ ਬੀਐਸਐਫ ਨੇ ਡਰੋਨ ਨੂੰ ਰੋਕਣ ਲਈ ਕਾਰਵਾਈ ਕੀਤੀ। ਬਾਅਦ ਵਿੱਚ ਬੀਐਸਐਫ ਵੱਲੋਂ ਭਾਰਤੀ ਸਰਹੱਦ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ ਗਈ। ਦੱਸਿਆ ਜਾਂਦਾ ਹੈ ਕਿ ਬੀ.ਐਸ.ਐਫ ਦੀ 182 ਬਟਾਲੀਅਨ ਵੱਲੋਂ ਫ਼ਿਰੋਜ਼ਪੁਰ ਸਰਹੱਦ ਦੇ ਬੀ.ਓ.ਪੀ ਲੱਖਾ ਸਿੰਘ ਵਾਲਾ ਦੇ ਇਲਾਕੇ ਵਿੱਚ ਤਲਾਸ਼ੀ ਅਭਿਆਨ ਚਲਾਇਆ ਗਿਆ ਅਤੇ ਇਸ ਆਪਰੇਸ਼ਨ ਦੌਰਾਨ ਪਿੰਡ ਨੇੜਿਓਂ ਇੱਕ ਏ.ਕੇ. 47 ਰਾਈਫ਼ਲ, 2 ਮੈਗਜ਼ੀਨ, 40 ਜਿੰਦਾ ਕਾਰਤੂਸ ਅਤੇ ਹਜ਼ਾਰਾਂ ਰੁਪਏ ਭਾਰਤੀ ਕਰੰਸੀ ਮਿਲੀ ਹੈ। ਫਿਲਹਾਲ ਬੀਐਸਐਫ ਵੱਲੋਂ ਤਲਾਸ਼ੀ ਮੁਹਿੰਮ ਜਾਰੀ ਹੈ।