ਫਿਰੋਜ਼ਪੁਰ ਚ 2 ਵੱਖ – ਵੱਖ ਸੜਕ ਹਾਦਸਿਆਂ ਚ 2 ਵਿਕਤੀਆਂ ਦੀ ਹੋਈ ਮੌਤ
ਫਿਰੋਜ਼ਪੁਰ ਚ 2 ਵੱਖ ਵੱਖ ਸੜਕ ਹਾਦਸਿਆਂ ਚ 2 ਵਿਕਤੀਆਂ ਦੀ ਹੋਈ ਮੌਤ
ਫਿਰੋਜ਼ਪੁਰ 3 ਜੂਨ 2024 (ਅਨੁਜ ਕੱਕੜ ਟੀਨੂੰ)
ਫਿਰੋਜ਼ਪੁਰ ਚ 2 ਸੜਕ ਹਾਦਸਿਆਂ ਚ 2 ਵਿਕਤੀਆਂ ਦੀ ਮੌਤ ਹੋ ਜਾਣ ਦੀ ਖਬਰ ਸਾਮਣੇ ਆਈ ਹੈ ਅਤੇ ਵੱਖ ਵੱਖ ਥਾਣਿਆਂ ਚ 2 ਆਰੋਪੀਆਂ ਖਿਲਾਫ ਆਈ.ਪੀ.ਸੀ ਦੇ ਤਹਿਤ ਮਾਮਲਾ ਦਰਜ ਕਰ ਲਿਤਾ ਗਿਆ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਸੁਰਜੀਤ ਕੁਮਾਰ ਪੁੱਤਰ ਚਿਮਨ ਲਾਲ , ਉਸਦੇ ਚਾਚੇ ਦਾ ਲੜਕਾ ਸੁਖਪਾਲ ਰਾਮ ਪੁੱਤਰ ਮੰਗਤ ਰਾਮ , ਮਾਸੀ ਦਾ ਲੜਕਾ ਛਿੰਦਾ ਰਾਮ ਉਰਫ ਕਾਲਾ ਪੁੱਤਰ ਬਾਜਾ ਰਾਮ ਅਤੇ ਮਾਸੀ ਲੱਜਾ ਰਾਣੀ ਪਤਨੀ ਬਾਜਾ ਰਾਮ ਵਾਸੀਅਨ ਮੋਤੀ ਵਾਲਾ ਜੋ ਜਲਾਲਾਬਾਦ ਵਿੱਚ ਪ੍ਰੋਗਰਾਮ ਹੋਣ ਕਰਕੇ ਵੇਟਰ ਦਾ ਕੰਮ ਕਰਨ ਲਈ ਜਾ ਰਹੇ ਸੀ ਜਦ ਉਹ ਪਿੰਡ ਜੀਵਾਂ ਅਰਾਈਂ ਜੀ.ਟੀ ਰੋਡ ਪਰ ਪੁੱਜੇ ਤਾਂ ਉਹਨਾਂ ਦੇ ਮੋਟਰਸਾਇਕਲ ਦੇ ਤੇਲ ਖ਼ਤਮ ਹੋ ਗਿਆ ਤਾਂ ਉਹ ਮੋਟਰਸਾਇਕਲ ਟੇਡਾ ਕਰਕੇ ਸੜਕ ਦੇ ਖੱਬੇ ਪਾਸੇ ਆਪਣੇ ਹੱਥ ਖੜੇ ਸੀ ਤਾਂ ਫਿਰੋਜ਼ਪੁਰ ਦੀ ਤਰਫ਼ੋਂ ਇੱਕ ਟਰੱਕ ਟਰਾਲਾ ਤੇਜ਼ ਰਫ਼ਤਾਰ ਤੇ ਲਾਪਰਵਾਹੀ ਨਾਲ ਡਿਕ ਡੋਲੇ ਖਾਂਦਾ ਹੋਇਆ ਸਿੱਧਾ ਉਹਨਾਂ ਵੱਲ ਆਇਆ ਤੇ ਉਸਦੀ ਮਾਸੀ ਨੇ ਭੱਜ ਕੇ ਆਪਣੀ ਜਾਨ ਬਚਾਈ ਤੇ ਟਰੱਕ ਟਰਾਲਾ ਮੋਟਰਸਾਇਕਲ ਵਿੱਚ ਵੱਜਾ । ਇਸ ਹਾਦਸੇ ਵਿੱਚ ਛਿੰਦਾ ਰਾਮ ਉਰਫ ਕਾਲਾ (26 ਸਾਲ) ਦੀ ਗੰਭੀਰ ਸੱਟਾ ਲੱਗਣ ਕਰਕੇ ਮੋਕਾ ਪਰ ਮੌਤ ਹੋ ਗਈ ਤੇ ਉਸ ਦੇ ਚਾਚੇ ਦੇ ਲੜਕੇ ਸੁਖਪਾਲ ਰਾਮ ਦੇ ਵੀ ਕਾਫੀ ਸੱਟਾ ਲੱਗੀਆਂ, ਜਿਸ ਨੂੰ ਸਿਵਲ ਹਸਪਤਾਲ ਜਲਾਲਾਬਾਦ ਦਾਖਲ ਕਰਾਇਆ । ਦੋਸ਼ੀ ਮੋਕਾ ਤੋਂ ਟਰਾਲਾ ਭਜਾ ਕੇ ਲੈ ਗਿਆ ।
ਅਤੇ ਦੂਜੇ ਹਾਦਸੇ ਚ ਬਲਵਿੰਦਰ ਸਿੰਘ ਦਾ ਪਿਤਾ ਜਗਸੀਰ ਸਿੰਘ ਸਮੇਤ ਹਰਪ੍ਰੀਤ ਸਿੰਘ ਪੁੱਤਰ ਰਾਜਾ ਵਾਸੀ ਹਸਨ ਭੱਟੀ ਥਾਣਾ ਸਦਰ ਫਰੀਦਕੋਟ ਜੋ ਮੋਟਰਸਾਇਕਲ ਤੇ ਸਵਾਰ ਹੋ ਕੇ ਫਿਰੋਜ਼ਪੁਰ ਤੋਂ ਜੇ.ਸੀ.ਬੀ ਮਸ਼ੀਨ ਦਾ ਸਪੇਅਰ ਪਾਰਟਸ ਲੈ ਕੇ ਜਾ ਰਹੇ ਸੀ ਤੇ ਮੋਟਰਸਾਇਕਲ ਹਰਪ੍ਰੀਤ ਸਿੰਘ ਚਲਾ ਰਿਹਾ ਸੀ, ਜਦ ਉਹ ਜੀ.ਉ.ਪੰਪ ਫਲਾਈਉਵਰ ਪਾਸ ਪੁੱਜੇ ਤਾਂ ਇੱਕ ਸਕਾਰਪੀਓ ਗੱਡੀ ਤੇਜ਼ ਰਫ਼ਤਾਰ ਤੇ ਲਾਪਰਵਾਹੀ ਨਾਲ ਆਈ, ਜਿਸ ਨੇ ਉਸ ਦੇ ਪਿਤਾ ਹੋਰਾਂ ਦੇ ਮੋਟਰਸਾਇਕਲ ਵਿੱਚ ਮਾਰੀ ਤੇ ਗੱਡੀ ਮੋਕਾ ਤੋਂ ਭਜਾ ਕੇ ਲੈ ਗਿਆ। ਇਸ ਹਾਦਸੇ ਵਿਚ ਉਸ ਦੇ ਪਿਤਾ (ਜਗਸੀਰ ਸਿੰਘ) ਦੀ ਮੋਕਾ ਪਰ ਮੌਤ ਹੋ ਗਈ ਤੇ ਹਰਪ੍ਰੀਤ ਸਿੰਘ ਦੇ ਕਾਫ਼ੀ ਰਗੜਾਂ ਲੱਗੀਆਂ ਸਨ ਤੇ ਮੋਟਰਸਾਇਕਲ ਨੁਕਸਾਨਿਆ ਗਿਆ।
