-20 ਤੋਂ 30 ਸਾਲ ਦੇ ਨੋਜਵਾਨ ਦਿੰਦੇ ਸੀ ਲੁੱਟਾ ਖੋਹਾਂ ਨੂੰ ਅੰਜਾਮ , 5 ਗਿਰੋਹ ਦੇ 11 ਆਰੋਪੀ ਚੜ੍ਹੇ ਪੁਲਿਸ ਅੜਿਕੇ ,ਵੱਡੀ ਬਰਾਮਦਗੀ, -12 ਮੋਟਰਸਾਇਕਲ , 23 ਮੋਬਾਈਲ, 2 ਐਕਟਿਵਾ, ਸੋਨਾ ,ਨਗਦੀ ਅਤੇ ਅਸਲੇ ਦੀ ਬਰਾਮਦਗੀ
- 370 Views
- kakkar.news
- July 24, 2024
- Crime Punjab
-20 ਤੋਂ 30 ਸਾਲ ਦੇ ਨੋਜਵਾਨ ਦਿੰਦੇ ਸੀ ਲੁੱਟਾ ਖੋਹਾਂ ਨੂੰ ਅੰਜਾਮ , 5 ਗਿਰੋਹ ਦੇ 11 ਆਰੋਪੀ ਚੜ੍ਹੇ ਪੁਲਿਸ ਅੜਿਕੇ ,ਵੱਡੀ ਬਰਾਮਦਗੀ
-12 ਮੋਟਰਸਾਇਕਲ , 23 ਮੋਬਾਈਲ, 2 ਐਕਟਿਵਾ, ਸੋਨਾ ,ਨਗਦੀ ਅਤੇ ਅਸਲੇ ਦੀ ਬਰਾਮਦਗੀ
ਫਿਰੋਜ਼ਪੁਰ 24 ਜੁਲਾਈ 2024 (ਅਨੁਜ ਕੱਕੜ ਟੀਨੂੰ )
ਫਿਰੋਜ਼ਪੁਰ ਸ਼ਹਿਰ ਚ ਲਗਾਤਾਰ ਵੱਧ ਰਹੀਆਂ ਲੁੱਟ ਖੋਹ , ਸਨੈਚਿੰਗ ਅਤੇ ਚੋਰੀ ਦੀਆ ਵਾਰਦਾਤਾਂ ਨੇ ਸ਼ਹਿਰ ਵਾਸੀਆਂ ਵਿਚ ਦਹਿਸ਼ਤ ਦਾ ਮਾਹੌਲ ਬਣਾ ਕੇ ਰੱਖਿਆ ਹੋਇਆ ਹੈ। ਲੋਕਾਂ ਦਾ ਘਰੋਂ ਨਿਕਲਣਾ ਵੀ ਮੁਸ਼ਕਿਲ ਕੀਤਾ ਹੋਇਆ ਹੈ , ਇਹਨਾਂ ਸ਼ਰਾਰਤੀ ਅਨਸਰਾਂ ਵਲੋਂ ਜਿਆਦਾਤਰ ਰਾਤ ਦੇ ਸਮੇ ਹੀ ਰਾਹਗੀਰਾਂ ਜਾ ਫਿਰ ਮੋਟਰਸਾਇਕਲ ਸਵਾਰ ਅਤੇ ਖਾਸ ਕਰਕੇ ਬਜ਼ੁਰਗ ਔਰਤਾਂ ਨੂੰ ਹੀ ਆਪਣੀ ਲੁੱਟ ਦਾ ਸ਼ਿਕਾਰ ਬਣਾਇਆ ਜਾਂਦਾ ਹੈ । ਲੁੱਟ ਖੋਹ ਜਾਂ ਸਨੈਚਿੰਗ ਕਰਦੇ ਸਮੇ ਜੇ ਕਰ ਕੋਈ ਰੌਲ਼ਾ ਪਾਉਂਦਾ ਤਾ ਇਹਨਾਂ ਵਲੋਂ ਆਪਣੇ ਤੇਜ਼ ਧਾਰ ਹਥਿਆਰਾਂ ਨਾਲ ਉਸਦੀ ਵੱਡ ਟੁੱਕ ਕਰਨ ਲੱਗਿਆ ਵੀ ਗੁਰੇਜ ਨਹੀਂ ਸੀ ਕਰਦੇ । ਇੰਝ ਜਾਪਦਾ ਜਿਵੇ ਇਹਨਾਂ ਨੂੰ ਪੁਲਿਸ ਦਾ ਕੋਈ ਡੱਰ ਹੀ ਨਹੀਂ ।
ਦੂਜੇ ਪਾਸੇ ਐਸ ਐਸ ਪੀ ਫਿਰੋਜ਼ਪੁਰ ਸ਼੍ਰੀ ਮਤੀ ਸੋਮਿਆਂ ਮਿਸ਼ਰਾ ਵੱਲੋ ਫਿਰੋਜ਼ਪੁਰ ਚ ਵੱਧ ਰਹੇ ਕਰਾਈਮ ਨੂੰ ਨੱਥ ਪਾਉਣ ਲਈ ਕਈ ਟੀਮਾਂ ਬਣਾ ਕੇ ਪਿਛਲੇ ਕਈ ਦਿਨਾਂ ਤੋਂ ਪੂਰੀ ਮੁਸਤੈਦੀ ਨਾਲ ਫਿਰੋਜ਼ਪੁਰ ਕੈਂਟ , ਫ਼ਿਰੋਜ਼ਪੁਰ ਸਿਟੀ ਅਤੇ ਫਿਰੋਜ਼ਪੁਰ ਸਦਰ ਵਿਚ ਕਥਿਤ ਤੋਰ ਤੇ ਸਕ੍ਰਿਆ 5 ਗੈਂਗ ਨੂੰ ਫੜੇ ਜਾਨ ਚ ਸਫਲਤਾ ਹਾਸਿਲ ਕੀਤੀ ਹੈ ।
ਫਿਰੋਜ਼ਪੁਰ ਪੁਲਿਸ ਵਲੋਂ ਲੁੱਟਾਂ ਖੋਹਾਂ ਕਰਨ ਵਾਲੇ ਪੰਜ ਗਰੁੱਪਾਂ ਦੇ 11 ਮੈਂਬਰਾਂ ਨੂੰ ਕਾਬੂ ਕਰ ਕੇ ਉਨ੍ਹਾਂ ਪਾਸੋਂ ਭਾਰੀ ਮਾਤਰਾ ਚ ਲੁੱਟ ਦਾ ਸਮਾਨ ਅਤੇ ਮਾਰੂ ਹਥਿਆਰ ਬਰਾਮਦ ਕਰਨ ਚ ਸਫ਼ਲਤਾ ਹਾਸਿਲ ਕੀਤੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਫਿਰੋਜ਼ਪੁਰ ਦੇ ਜ਼ਿਲ੍ਹਾ ਪੁਲਿਸ ਮੁਖੀ ਸ਼੍ਰੀ ਮਤੀ ਸੋਮਿਆਂ ਮਿਸ਼ਰਾ ਨੇ ਦੱਸਿਆ ਕਿ ਫਿਰੋਜ਼ਪੁਰ ਅਤੇ ਆਸ ਪਾਸ ਦੇ ਇਲਾਕਿਆਂ ਵਿਚ ਲੁੱਟਾ ਖੋਹਾਂ ਕਰਨ ਵਾਲੇ ਪੰਜ ਵੱਡੇ ਗਿਰੋਹ ਦੇ ਗਿਆਰਾਂ ਲੁਟੇਰਿਆਂ ਨੂੰ ਕਾਪਾ ਗੈਂਗ ਦੇ ਮੈਂਬਰਾਂ ਸਮੇਤ ਕਾਬੂ ਕੀਤਾ ਗਿਆ ਹੈ। ਜ਼ਿਲ੍ਹਾ ਪੁਲਿਸ ਮੁਖੀ ਨੇ ਦੱਸਿਆ ਕਿ ਇਹ ਗਿਰੋਹ ਰਾਤ ਵੇਲ਼ੇ ਲੁੱਟਾਂ ਖੋਹਾਂ ਕਰਦਾ ਸੀ ਤੇ ਇਨ੍ਹਾਂ ਵਿੱਚ ਕਈ ਨੌਜਵਾਨਾਂ ਦੀ ਉਮਰ ਕਰੀਬ 20 ਤੋਂ ਲੈ ਕੇ 30 ਸਾਲ ਹੈ। ਜ਼ਿਲ੍ਹਾ ਪੁਲਿਸ ਮੁਖੀ ਨੇ ਦਸਿਆ ਕਿ ਇਹ ਗਿਰੋਹ ਦੂਸਰੇ ਜਿਲਿਆਂ ਵਿਚ ਵੀ ਲੁੱਟਾਂ ਖੋਹਾਂ ਕਰਦੇ ਸਨ। ਉਹਨਾਂ ਦੱਸਿਆ ਕਿ ਇਸ ਗਿਰੋਹ ਨੂੰ ਕਾਬੂ ਕਰਨ ਲਈ ਫਿਰੋਜ਼ਪੁਰ ਪੁਲਿਸ ਵਲੋਂ ਵੱਖ ਵੱਖ ਟੀਮਾਂ ਬਣਾ ਕੇ ਜਿਨਾਂ ਵਿਚ ਮਹਿਲਾ ਮੁਲਾਜਮ ਵੀ ਸਨ, ਲੁਟੇਰਿਆਂ ਦੇ ਗਰੋਹ ਨੂੰ ਕਾਬੂ ਕੀਤਾ ਗਿਆ ਹੈ। ਫੜ੍ਹੇ ਗਏ ਦੋਸ਼ੀਆਂ ਪਾਸੋਂ ਬਰਾਮਦਗੀ ਤੇ ਜ਼ਿਲ੍ਹਾ ਪੁਲਿਸ ਮੁਖੀ ਨੇ ਦੱਸਿਆ ਕਿ ਇਹਨਾ ਕੋਲੋ 3 ਕਾਪੇ, ਇਕ ਕਿਰਚ , 1 ਨਜਾਇਜ਼ ਕੱਟਾ 315 ਬੋਰ, 1 ਏਅਰ ਪਿਸਟਲ, ,ਇੱਕ ਸੋਨੇ ਦੀ ਮੁੰਦਰੀ, ਟੋਪਸ ਤੋਂ ਇਲਾਵਾ 12 ਮੋਟਰਸਾਈਕਲ, 2 ਐਕਟਿਵਾ ਅਤੇ 23 ਮੋਬਾਈਲ ਅਤੇ ਨਗਦੀ ਆਦਿ ਬਰਾਮਦ ਹੋਏ ਹਨ।
ਐਸ ਐਸ ਪੀ ਸੋਮਿਆਂ ਮਿਸ਼ਰਾ ਨੇ ਜਾਣਕਾਰੀ ਦਿੰਦਿਆਂ ਇਹ ਵੀ ਦਸਿਆ ਕਿ ਇਹਨਾਂ ਵਿੱਚੋ ਸਬ ਤੋਂ ਵੱਡਾ ਗੈਂਗ ਐਸ ਐਚ ਓ ਕੈਂਟ ਅਤੇ ਡਿਪਟੀ ਐਸ ਪੀ ਸਿਟੀ ਦੀ ਟੀਮ ਵਲੋਂ ਮਿੱਲ ਕੇ ਫੜਿਆ ਗਿਆ ਹੈ ਅਤੇ ਇਸ ਗੈਂਗ ਵਿਚ ਕੁੱਲ 6 ਆਰੋਪੀ ਸ਼ਾਮਿਲ ਸੀ , ਜਿਨ੍ਹਾਂ ਵਿੱਚੋ ਇਕ ਆਰੋਪੀ ਨੂੰ ਛੱਡ ਕੇ 5 ਆਰੋਪੀਆ ਤੇ ਅਜੇ ਤਕ ਕੋਈ ਵੀ ਮੁਕਦਮਾ ਦਰਜ ਨਹੀਂ ਹੈ। ਇਹ ਆਰੋਪੀ ਜਿਆਦਾਤਰ ਕੱਲੇ ਜਾ ਰਹੇ ਰਾਹਗੀਰ ,ਔਰਤਾਂ , ਬਜ਼ੁਰਗ ਜਾ ਕੋਈ ਵਿਅਕਤੀ ਆਪਣੇ ਪਰਿਵਾਰ ਨਾਲ ਜਾ ਰਿਹਾ ਹੋਵੇ ਓਹਨੂੰ ਅਤੇ ਜਾ ਫਿਰ ਕੋਈ ਸਰਕਾਰੀ ਮੁਲਾਜ਼ਮ ਰਾਤ ਦੀ ਡੀਓਟੀ ਤੋਂ ਕੱਲੇ ਘਰ ਆ ਰਿਹਾ ਹੋਵੇ , ਓਹਨਾ ਨੂੰ ਆਪਣੀ ਸਨੈਚਿੰਗ ਜਾਂ ਲੁੱਟ ਦਾ ਸ਼ਿਕਾਰ ਬਣਾਉਂਦੇ ਸਨ ।
ਪੁਲਿਸ ਵਲੋਂ ਕੁੱਲ 5 ਮੁਕੱਦਮੇ ਦਰਜ ਕੀਤੇ ਗਏ ਹਨ ਜਿਨ੍ਹਾਂ ਵਿੱਚੋ ਪਹਿਲੇ ਮੁਕਦਮੇ ਵਿੱਚ ਫੜੇ ਗਏ ਵਿਅਕਤੀ 1 ) ਸੰਨੀ ਉਰਫ ਸਾਗਰ ਪੁੱਤਰ ਕਸ਼ਮੀਰ ਸਿੰਘ ਵਾਸੀ ਗੋਲਬਾਗ ਉਮਰ 22 ਸਾਲਾ ,2 )ਇਕ ਬਾਲ ਅਪਰਾਧੀ ,ਜਿਨ੍ਹ ਕੋਲੋਂ 16 ਮੋਬਾਈਲ ਅਤੇ 1 ਮੋਟਰਸਾਇਕਲ ਬਰਾਮਦ ਹੋਇਆ ।
ਦੂਸਰੇ ਮੁਕੱਦਮੇ ਵਿੱਚ 1 )ਤਰੁਣ ਉਰਫ ਬੱਦਲ ਪੁੱਤਰ ਨਾਨਕ ਚੰਦ ਵਾਸੀ ਸ਼ਾਂਤੀ ਨਗਰ ਉਮਰ 23 ਸਾਲ, 2) ਰਾਹੁਲ ਪੁੱਤਰ ਜੋਗਿੰਦਰ ਵਾਸੀ ਗਲੀ ਨੂੰਬਰ 4 ਫਿਰੋਜ਼ਪੁਰ ਕੈਂਟ ਉਮਰ 23 ਸਾਲ ,3 ) ਅੰਸ਼ ਉਰਫ ਮਨਜੀਤ ਪੱਤਰ ਅਸ਼ੋਕ ਵਾਸੀ ਡੂਮਣੀ ਵਾਲਾ ਉਮਰ ਕਰੀਬ 18 ਸਾਲ, 4 )ਨੌਨਿਹਾਲ ਉਰਫ ਰਾਹੁਲ ਪੁੱਤਰ ਅਵਤਾਰ ਸਿੰਘ ਵਾਸੀ ਨੋਰੰਗ ਕੇ ਸਿਆਲ ਉਮਰ 22 ਸਾਲ 5 )ਸ਼ੁਭਮ ਉਰਫ ਬਿੱਲੂ ਪੁੱਤਰ ਅਸ਼ੋਕ ਵਾਸੀ ਇੰਦਰਾ ਕਲੋਨੀ ਉਮਰ 26 ਸਾਲ , 6 ) ਗੱਬਰ ਪੁੱਤਰ ਬੁੜ੍ਹ ਸਿੰਘ ਵਾਸੀ ਨੋਰੰਗ ਕੇ ਸਿਆਲ ,7 ) ਸ਼ਿਵਾ ਪੁੱਤਰ ਰਾਜੂ ਵਾਸੀ ਬਸਤੀ ਨਿਜ਼ਾਮਦੀਨ ,8 ) ਗਾਂਧੀ ਪੁੱਤਰ ਨਾਮੁਲਮ ਵਾਸੀ ਹੱਡਾ ਰੋੜੀ ਬਸਤੀ ਨਿਜ਼ਾਮੁਦੀਨ, 9 ) ਕਰਨ ਸਿੰਘ ਉਰਫ ਘੋਨੀ ਪੁੱਤਰ ਤਰਸੇਮ ਵਾਸੀ ਨੋਰੰਗ ਕੇ ਲੇਲੀ ਜਿਨਾਂ ਕੋਲੋਂ 1 ਦੇਸੀ ਕੱਟਾ ਪਿਸਤੌਲ,ਸਮੇਤ 3 ਜਿੰਦਾ ਰੋਂਦ 315 ਬੋਰ , ਇਕ ਪਿਸਤੌਲ (ਛਰਿਆ ਵਾਲਾ ) , ਇਕ ਟੌਪਸ ਸੋਨੇ ਦਾ ਜੋੜਾ, ਇਕ ਮੁੰਦਰੀ ਸੋਨੇ ਦੀ , 3 ਕਾਪੇ, ਇਕ ਕਿਰਚ ਬਰਾਮਦ ਹੋਈ ।
ਤੀਸਰੇ ਮੁਕੱਦਮੇ ਵਿੱਚ 1 ) ਸੁਸ਼ੀਲ ਮਹਿਤਾ ਉਰਫ ਬੱਬੂ ਪੁੱਤਰ ਰਾਜ ਕੁਮਾਰ ਵਾਸੀ ਬੈਕ ਸਾਈਡ ਮਨਜੀਤ ਪੈਲਸ 2 ) ਸਾਹਿਲ ਉਰਫ ਰਾਹੁਲ ਪੁੱਤਰ ਰਾਜਿੰਦਰ ਉਮਰ 21 ਸਾਲ ਨਿਓ ਕਾਸ਼ੀ ਨਗਰੀ , ਜਿੰਨ੍ਹਾ ਕੋਲੋਂ 9 ਮੋਟਰਸਾਇਕਲ ਅਤੇ 1 ਐਕਟਿਵਾ ਬਰਾਮਦ ਹੋਈ ।
ਚੋਥੇ ਮੁਕੱਦਮੇ ਵਿੱਚ 1) ਜਸਪ੍ਰੀਤ ਸਿੰਘ ਪੁੱਤਰ ਬਿੰਦਰ ਵਾਸੀ ਕੈਨਾਲ ਕਲੋਨੀ ਉਮਰ 19 ਸਾਲ ਕੋਲੋਂ 1 ਜੋੜਾ ਟੌਪਸ ਮਾਲਤੀ 27000 ਰੁਪਏ ਬਰਾਮਦ ਹੋਏ ।
ਪੰਜਵੇ ਮੁਕਦਮੇ ਵਿੱਚ 2 ਵਿਅਕਤੀ ਦਵਿੰਦਰ ਸਿੰਘ ਉਰਫ ਲੱਡੂ ਪੁੱਤਰ ਕਸ਼ਮੀਰ ਸਿੰਘ ਵਾਸੀ ਬਸਤੀ ਸੁਨਵਾ ਉਮਰ 23 ਸਾਲ ਅਤੇ ਨਿਸ਼ਾਨ ਸਿੰਘ ਉਰਫ ਕਾਲੀ ਪੁੱਤਰ ਗੁਰਚਰਨ ਸਿੰਘ ਵਾਸੀ ਬਸਤੀ ਸੁਨਵਾ ਉਮਰ 20 ਸਾਲ ਨੂੰ 2 ਮੋਟਰਸਾਇਕਲ ਅਤੇ 2 ਮੋਬਾਈਲ ਸਮੇਤ ਗਿਰਫ਼ਤਾਰ ਕੀਤਾ ਗਿਆ ਹੈ ।
ਸੋਚਣ ਵਾਲੀ ਗੱਲ ਇਥੇ ਇਹ ਵੀ ਹੈ ਕਿ ਪੰਜਾਬ ਦੀ ਨੌਜ਼ਵਾਨੀ ਕਿਸ ਕੁਰਾਹੇ ਪੈ ਗਈ ਹੈ ਉਪਰੋਕਤ ਮੁਕਦਮਿਆਂ ਚ ਫੜੇ ਗਏ ਤਕਰੀਬਨ ਨੌਜਵਾਨਾਂ ਦੀਆਂ ਉਮਰਾਂ ਕੇਵਲ 20 ਤੋਂ ਲੈ ਕੇ 30 ਸਾਲ ਤੱਕ ਦੀ ਹੈ । ਕਿ ਇਹ ਪੰਜਾਬ ਚ ਵੱਧ ਰਹੇ ਗੈਂਗਸਟਰ ਵਾਦ ਨੂੰ ਪਸੰਦ ਕਰਕੇ ਇਸ ਰਹੇ ਪੈ ਰਹੇ ਹਨ ਜਾਂ ਫਿਰ ਨਸ਼ੇ ਦੇ ਘਾਟ ਨੂੰ ਪੂਰਾ ਕਰਨ ਲਈ ਅਤੇ ਜਾਂ ਫਿਰ ਬੇਰੋਜ਼ਗਾਰੀ ਕਾਰਨ , ਇਹ ਫੜੇ ਗਏ ਆਰੋਪੀ ਆਰੋਪੀ ਨਹੀਂ ਸਗੋਂ ਪੰਜਾਬ ਦਾ ਭਵਿੱਖ ਹੈ ਜੇੜ੍ਹਾ ਇਸ ਵੇਲੇ ਆਪਣੇ ਆਉਣ ਵਾਲੇ ਸੁਖਾਲੇ ਭਵਿੱਖ ਨੂੰ ਛਿੱਕੇ ਟੰਗ ਕੇ ਕੰਡਿਆਂ ਦੀ ਸੇਜ਼ ਤੇ ਬੈਠਣ ਨੂੰ ਤਿਆਰ ਹੋਇਆ ਖੜ੍ਹਾ ਹੈ ।ਪੰਜਾਬ ਸਕਰਾਰ ਨੂੰ ਇਸ ਵਿਸ਼ੇ ਤੇ ਸੋਚਣਾ ਜਰੂਰ ਚਾਹੀਦਾ ਹੈ ਕੇ ਇਹ ਨਵੀ ਪੰਜਾਬੀ ਪਨੀਰੀ ਗ਼ਲਤ ਰਾਹੇ ਪੈ ਕੇ ਆਪਣਾ ਭਵਿੱਖ ਉਜਾੜ ਕੇ ਨਾ ਬਹਿ ਜਾਵੇ ।