ਫਿਰੋਜ਼ਪੁਰ ਚ  ਅਪਾਹਜ ਬਜ਼ੁਰਗ ਔਰਤ ਦਾ ਕਤਲ ਕਰ ਕੀਤੀ ਚੋਰੀ: ਅਗਿਆਤ ਹਮਲਾਵਰਾ ਦੀ ਖੋਜ ਜਾਰੀ

ਫਿਰੋਜ਼ਪੁਰ ਚ  ਅਪਾਹਜ ਬਜ਼ੁਰਗ ਔਰਤ ਦਾ ਕਤਲ ਕਰ ਕੀਤੀ ਚੋਰੀ: ਅਗਿਆਤ ਹਮਲਾਵਰਾ ਦੀ ਖੋਜ ਜਾਰੀ

ਫਿਰੋਜ਼ਪੁਰ 6 ਅਗਸਤ 2024 (ਅਨੁਜ ਕੱਕੜ ਟੀਨੂੰ)

ਰੇਲਵੇ ਕੁਆਟਰ ਵਿੱਚ ਅਗਿਆਤ ਹਮਲਾਵਰਾ ਨੇ ਘਰ ‘ਚ ਦਾਖਲ ਹੋ ਕੇ ਅਪਾਹਜ ਬਜ਼ੁਰਗ ਔਰਤ ਦਾ ਕਤਲ ਕਰਨ ਤੋਂ ਬਾਅਦ ਘਰ ਚ ਰੱਖਿਆ ਸੋਨਾ ਅਤੇ ਨਕਦੀ ਚੋਰੀ ਕਰ ਕੇ ਫਰਾਰ ਹੋ ਜਾਨ ਦੀ ਖ਼ਬਰ ਸਮਾਣੇ ਆਈ ਹੈ ।

ਸੁਖਵਿੰਦਰ ਸਿੰਘ ਪੁੱਤਰ ਅਮਰੀਕ ਸਿੰਘ ਵਾਸੀ ਕੁਆਟਰ ਨੰਬਰ 462 ਏ, ਨੇੜੇ ਬਾਲ ਨਿਕੇਤਨ ਸਕੂਲ ਰੇਲਵੇ ਕਲੋਨੀ ਨੇ ਬਿਆਨ ਦਰਜ ਕਰਾਇਆ ਕਿ ਮਿਤੀ 05-08-2024 ਨੂੰ ਵਕਤ ਕ੍ਰੀਬ12-55 ਪੀ.ਐਮ ਪਰ ਉਹ ਆਪਣੇ ਕੁਆਟਰ ਤੇ ਰੋਟੀ ਲੈ ਕੇ ਆਇਆ ਤਾਂ ਕੁਆਟਰ ਦਾ ਤਾਲਾ ਗਾਇਬ ਸੀ ਤੇ ਬਾਹਰ ਤੋਂ ਥੋੜੀ ਕੁੰਡੀ ਲੱਗੀ ਹੋਈ ਸੀ, ਕੁੰਡੀ ਖੋਹਲ ਕੇ ਮੈਂ ਕੁਆਟਰ ਅੰਦਰ ਗਿਆ ਤਾਂ ਉਸਨੇ ਦੇਖਿਆ ਕਿ ਉਸਦੀ ਮਾਤਾ ਰਣਜੀਤ ਕੌਰ ਉਮਰ ਕ੍ਰੀਬ 60/62 ਸਾਲ ਬੈਡੱ ਤੋਂ ਹੇਠਾ ਫਰਸ਼ ਉਪਰ ਮੂਧੀ ਪਈ ਹੋਈ ਸੀ ਤੇ ਸਿਰ ਤੇ ਬੰਨਣ ਵਾਲਾ ਪਰਨਾ ਉਹਨਾਂ ਦੇ ਗਲੇ ਪਰ ਗੰਡ ਦੇ ਕੇ ਗਲਾ ਘੁੱਟਿਆ ਹੋਇਆ ਸੀ ਤਾਂ ਉਸਨੇ ਚੈੱਕ ਕੀਤਾ ਤਾਂ ਉਸਦੀ ਮਾਤਾ ਦੀ ਮੌਤ ਹੋ ਚੁੱਕੀ ਸੀ ਤੇ ਘਰ ਦੀ ਫਰੋਲਾ ਫਰੋਲੀ ਹੋਈ ਪਈ ਸੀ ਤੇ ਉਸਦੀ ਮਾਤਾ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ ਹੈ ।

ਤਫਤੀਸ਼ ਅਫਸਰ ਇੰਸਪੈਕਟਰ/ਮੁੱਖ ਅਫ਼ਸਰ ਜਸਵੰਤ ਸਿੰਘ ਵਲੋਂ ਨਾਮਲੂਮ ਵਿਅਕਤੀ ਖਿਲਾਫ ਮਾਮਲਾ ਦਰਜ ਕਰ ਕਾਰਵਾਈ ਜਾਰੀ ਕਰ ਦਿਤੀ ਹੈ