ਹੁਸੈਨੀਵਾਲਾ ਹੈਡ ‘ਤੇ ਕਿਸਾਨਾਂ ਦਾ ਘੇਰਾਵ, ਦਰਿਆ ਦੇ ਵਧੇ ਪਾਣੀ ਕਾਰਨ ਗੇਟ ਖੋਲ੍ਹਣ ਦੀ ਮੰਗ
ਹੁਸੈਨੀਵਾਲਾ ਹੈਡ ‘ਤੇ ਕਿਸਾਨਾਂ ਦਾ ਘੇਰਾਵ, ਦਰਿਆ ਦੇ ਵਧੇ ਪਾਣੀ ਕਾਰਨ ਗੇਟ ਖੋਲ੍ਹਣ ਦੀ ਮੰਗ
ਫਿਰੋਜ਼ਪੁਰ 14 ਅਗਸਤ 2025 (ਅਨੁਜ ਕੱਕੜ ਟੀਨੂੰ)
ਕਿਸਾਨ ਜਥੇਬੰਦੀਆਂ ਵੱਲੋਂ ਅੱਜ ਹੁਸੈਨੀਵਾਲਾ ਹੈਡ ‘ਤੇ ਘੇਰਾਵ ਕੀਤਾ ਗਿਆ। ਕਿਸਾਨਾਂ ਦਾ ਕਹਿਣਾ ਹੈ ਕਿ ਸਤਲੁਜ ਦਰਿਆ ਵਿੱਚ ਪਾਣੀ ਦਾ ਸਤਰ ਕਾਫੀ ਵੱਧ ਗਿਆ ਹੈ, ਪਰ ਹੈਡ ਦੇ ਗੇਟ ਨਾ ਖੋਲ੍ਹਣ ਕਾਰਨ ਦਰਿਆ ਦਾ ਪਾਣੀ ਨੇੜਲੇ ਪਿੰਡਾਂ ਦੀਆਂ ਫਸਲਾਂ ਨੂੰ ਨੁਕਸਾਨ ਪਹੁੰਚਾ ਰਿਹਾ ਹੈ।
ਕਿਸਾਨਾਂ ਨੇ ਦੋਸ਼ ਲਗਾਇਆ ਕਿ ਜੇ ਗੇਟ ਸਮੇਂ ‘ਤੇ ਨਾ ਖੋਲ੍ਹੇ ਗਏ ਤਾਂ ਪਾਣੀ ਘਰਾਂ ਅਤੇ ਖੇਤਾਂ ਵਿੱਚ ਦਾਖਲ ਹੋ ਕੇ ਹੋਰ ਵੱਡਾ ਨੁਕਸਾਨ ਕਰ ਸਕਦਾ ਹੈ। ਇਸ ਲਈ ਉਹਨਾਂ ਨੇ ਤੁਰੰਤ ਹੁਸੈਨੀਵਾਲਾ ਹੈਡ ਦੇ ਗੇਟ ਖੋਲ੍ਹਣ ਦੀ ਮੰਗ ਕੀਤੀ ਹੈ ਤਾਂ ਜੋ ਪਾਣੀ ਦਾ ਦਬਾਅ ਘੱਟ ਹੋਵੇ ਅਤੇ ਫਸਲਾਂ ਤੇ ਘਰ ਬਚ ਸਕਣ।
ਕਿਸਾਨ ਜਥੇਬੰਦੀਆਂ ਨੇ ਚੇਤਾਵਨੀ ਦਿੱਤੀ ਕਿ ਜੇ ਮੰਗਾਂ ਨਾ ਮੰਨੀਆਂ ਗਈਆਂ ਤਾਂ ਉਹ ਆਪਣਾ ਸੰਘਰਸ਼ ਤੇਜ਼ ਕਰਨਗੇ।
