ਦੋ ਦਿਨਾਂ ਬੱਸ ਯਾਤਰਾ ਵਿਚ ਸੰਗਤ ਨੇ ਕੀਤੇ ਛੇ ਧਾਰਮਿਕ ਸਥਾਨਾਂ ਦੇ ਦਰਸ਼ਨ
ਦੋ ਦਿਨਾਂ ਬੱਸ ਯਾਤਰਾ ਵਿਚ ਸੰਗਤ ਨੇ ਕੀਤੇ ਛੇ ਧਾਰਮਿਕ ਸਥਾਨਾਂ ਦੇ ਦਰਸ਼ਨ
ਫਿਰੋਜ਼ਪੁਰ, 15 ਦਸੰਬਰ 2025 (ਸਿਟੀਜਨਜ਼ ਵੋਇਸ)
ਦੇਵੀ ਦਰਸ਼ਨ ਬੱਸ ਯਾਤਰਾ ਵੈਲਫੇਅਰ ਸੁਸਾਇਟੀ ਵੱਲੋਂ 35ਵੀਂ ਦੋ ਦਿਨਾਂ ਧਾਰਮਿਕ ਤੇ ਪਰਿਵਾਰਕ ਬੱਸ ਯਾਤਰਾ ਸ਼ਨੀਵਾਰ ਨੂੰ ਰਵਾਨਾ ਕੀਤੀ ਗਈ | ਸੁਸਾਇਟੀ ਪ੍ਰਧਾਨ ਰੰਜੀਵ ਬਾਵਾ, ਜਨਰਲ ਸਕੱਤਰ ਦਿਨੇਸ਼ ਬਹਿਲ, ਕੈਸ਼ੀਅਰ ਨਰੇਸ਼ ਮਦਾਨ ਨੇ ਦੱਸਿਆ ਕਿ ਬੱਸ ਨੂੰ ਰਵਾਨਾ ਕਰਨ ਦੀ ਰਸਮ ਰੇਲਵੇ ਕਰਮਚਾਰੀ ਯੂਨੀਅਨ ਦੇ ਅਹੁਦੇਦਾਰ ਆਰ.ਸੀ. ਮਹਿਤਾ ਨੇ ਅਦਾ ਕੀਤੀ ਅਤੇ ਸਾਰੀ ਸੰਗਤ ਨੂੰ ਸੁਰੱਖਿਅਤ ਯਾਤਰਾ ਦੇ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ | ਸੁਸਾਇਟੀ ਦੇ ਸੰਜੈ ਰਾਜਪੂਤ, ਰਕੇਸ਼ ਤੇਜੀ, ਦੀਪਕ ਕੁਮਾਰ, ਰਮੇਸ਼ ਹਾਂਡਾ, ਅਸ਼ਵਨੀ ਕੁਮਾਰ, ਚੰਦਰ ਮੋਹਨ ਚੋਪੜਾ ਨੇ ਦੱਸਿਆ ਕਿ ਇਸ ਯਾਤਰਾ ਵਿਚ ਸ਼ਾਮਲ ਸ਼ਰਧਾਲੂਆਂ ਨੰੂ ਦੋ ਦਿਨਾਂ ਦੌਰਾਨ ਛੇ ਧਾਰਮਿਕ ਸਥਾਨਾਂ ਦੇ ਦਰਸ਼ਨ ਕਰਵਾਏ ਗਏ ਜਿਨਾਂ ਵਿਚ ਮਹਾਂਕਾਲੀ ਮੰਦਰ ਜ਼ੀਰਾ, ਬਗਲਾਮੁਖੀ ਮੰਦਰ ਗਗਰੇਟ, ਮਾਤਾ ਚਿੰਤਪੁਰਨੀ ਦਰਬਾਰ, ਮਾਤਾ ਸ਼ੀਤਲਾ ਮੰਦਰ, ਸ਼ਿਵਬਾੜੀ ਮੰਦਰ ਅਤੇ ਸ਼੍ਰੀ ਵੈਸ਼ਨੋ ਧਾਮ ਮੰਦਰ ਹੁਸ਼ਿਆਰਪੁਰ ਸ਼ਾਮਲ ਹਨ | ਸੁਸਾਇਟੀ ਵੱਲੋਂ ਸ਼ਰਧਾਲੂਆਂ ਦੇ ਰਾਤ ਅਰਾਮ ਅਤੇ ਦੋਹੇਂ ਦਿਨ ਭੋਜਨ ਆਦਿ ਦੀ ਸੇਵਾ ਕੀਤੀ ਗਈ | ਪ੍ਰਧਾਨ ਰੰਜੀਵ ਬਾਵਾ ਨੇ ਇਸ ਯਾਤਰਾ ਵਿਚ ਤਨ, ਮਨ, ਧਨ ਨਾਲ ਸਹਿਯੋਗ ਦੇਣ ਵਾਲੇ ਸਾਰੇ ਸ਼ਰਧਾਲੂਆਂ, ਮੈਂਬਰਾਂ ਅਤੇ ਦਾਨੀ ਸੱਜਨਾਂ ਦਾ ਧੰਨਵਾਦ ਪ੍ਰਗਟ ਕੀਤਾ |
