ਜੱਜ ਬਣਕੇ ਆਏ ਅਜੀਤਪਾਲ ਸਿੰਘ ਸੋਢੀ ਨੂੰ ਸਕੂਲ ਵਿੱਚ ਪੁੱਜਣ ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਜ਼ਿਲ੍ਹਾ ਜਥੇਦਾਰ ਤੇ ਹਲਕਾ ਇੰਚਾਰਜ ਵਰਦੇਵ ਸਿੰਘ ਨੋਨੀ ਮਾਨ ਅਤੇ ਸਕੂਲ ਸਟਾਫ ਨੇ ਕੀਤਾ ਸਨਮਾਨਿਤ,ਜੁਡੀਸ਼ਲ ਵਿੱਚ ਜਾਣ ਦਾ ਹੀ ਸੀ ਮੇਰਾ ਸੁਪਨਾ ਕਿਹਾ ਜੱਜ ਅਜੀਤਪਾਲ ਸਿੰਘ ਨੇ
- 75 Views
- kakkar.news
- October 27, 2022
- Punjab
ਜੱਜ ਬਣਕੇ ਆਏ ਅਜੀਤਪਾਲ ਸਿੰਘ ਸੋਢੀ ਨੂੰ ਸਕੂਲ ਵਿੱਚ ਪੁੱਜਣ ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਜ਼ਿਲ੍ਹਾ ਜਥੇਦਾਰ ਤੇ ਹਲਕਾ ਇੰਚਾਰਜ ਵਰਦੇਵ ਸਿੰਘ ਨੋਨੀ ਮਾਨ ਅਤੇ ਸਕੂਲ ਸਟਾਫ ਨੇ ਕੀਤਾ ਸਨਮਾਨਿਤ,ਜੁਡੀਸ਼ਲ ਵਿੱਚ ਜਾਣ ਦਾ ਹੀ ਸੀ ਮੇਰਾ ਸੁਪਨਾ ਕਿਹਾ ਜੱਜ ਅਜੀਤਪਾਲ ਸਿੰਘ ਨੇ
ਗੁਰੂਹਰਸਹਾਏ 27 ਅਕਤੂਬਰ 2022 ( ਸੁਭਾਸ਼ ਕੱਕੜ)
ਸ਼੍ਰੋਮਣੀ ਅਕਾਲੀ ਦਲ ਪਾਰਟੀ ਦੇ ਲਗਾਤਾਰ ਤਿੰਨ ਵਾਰ ਮੈਂਬਰ ਪਾਰਲੀਮੈਂਟ ਰਹੇ ਸਵਰਗੀ ਸਰਦਾਰ ਜੋਰਾ ਸਿੰਘ ਮਾਨ ਦੇ ਮਾਤਾ ਗੁਜ਼ਰੀ ਪਬਲਿਕ ਸਕੂਲ ਚੱਕ ਸੁਹੇਲੇਵਾਲਾ ਦੇ ਵਿਦਿਆਰਥੀ ਅਜੀਤਪਾਲ ਸਿੰਘ ਦਾ ਜੱਜ ਬਣ ਕੇ ਸਕੂਲ ਵਿਚ ਪਹੁੰਚਣ ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਜ਼ਿਲ੍ਹਾ ਜਥੇਦਾਰ te ਹਲਕਾ ਗੁਰੂਹਰਸਹਾਏ ਦੇ ਇੰਚਾਰਜ ਵਰਦੇਵ ਸਿੰਘ ਨੋਨੀ ਮਾਨ ਅਤੇ ਸਮੂਹ ਸਕੂਲ ਸਟਾਫ ਵੱਲੋਂ ਜੱਜ ਅਜੀਤਪਾਲ ਸਿੰਘ ਦਾ ਸ਼ਾਨਦਾਰ ਸਵਾਗਤ ਕੀਤਾ ਗਿਆ ਅਤੇ ਯਾਦਗਾਰੀ ਚਿੰਨ੍ਹ ਵਜੋਂ ਇਕ ਲੈਪਟਾਪ ਵੀ ਭੇਟ ਕੀਤਾ ਗਿਆ । ਦੱਸ ਦਈਏ ਕਿ ਜੱਜ ਅਜੀਤਪਾਲ ਸਿੰਘ ਪੁੱਤਰ ਸ਼ਿੰਗਾਰਾ ਸਿੰਘ ਸੋਢੀ ਵਾਸੀ ਪਿੰਡ ਲਾਲਚੀਆਂ ਹਲਕਾ ਗੁਰੂਹਰਸਹਾਏ ਮਾਤਾ ਗੁਜਰੀ ਪਬਲਿਕ ਸਕੂਲ ਦਾ ਹੋਣਹਾਰ ਵਿਦਿਆਰਥੀ ਸੀ ਜਿਸ ਨੇ ਜੱਜ ਬਣਨ ਦਾ ਮੁਕਾਮ ਹਾਸਿਲ ਕੀਤਾ ਹੈ । ਇਸ ਮੌਕੇ ਜੱਜ ਅਜੀਤਪਾਲ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਦਾ ਸ਼ੁਰੂ ਤੋਂ ਹੀ ਸੁਪਨਾ ਸੀ ਕਿ ਉਹ ਜੁਡੀਸ਼ਲ ਵਿੱਚ ਜਾਵੇ ਜੋ ਵਾਹਿਗੁਰੂ ਨੇ ਅੱਜ ਪੂਰਾ ਕਰ ਦਿੱਤਾ ਹੈ । ਇਸ ਮੌਕੇ ਸਕੂਲ ਪ੍ਰਿੰਸੀਪਲ ਪਰਵਿੰਦਰਜੀਤ ਕੌਰ ਨੇ ਕਿਹਾ ਕਿ ਅੱਜ ਉਨ੍ਹਾਂ ਨੂੰ ਬਹੁਤ ਹੀ ਜ਼ਿਆਦਾ ਮਾਣ ਮਹਿਸੂਸ ਹੋ ਰਿਹਾ ਹੈ ਕਿ ਉਨ੍ਹਾਂ ਦੇ ਸਕੂਲ ਦੇ ਦੋ ਬੱਚੇ ਅੱਜ ਜੱਜ ਬਣਨ ਦਾ ਮੁਕਾਮ ਹਾਸਲ ਕਰ ਚੁੱਕੇ ਹਨ ।