ਫਿਰੋਜ਼ਪੁਰ ਚ ਚੋਰ ਧੁੰਦ ਦਾ ਚੱਕ ਰਹੇ ਹਨ ਫਾਇਦਾ, ਬੰਦ ਪਏ ਘਰ ਨੂੰ ਬਣਾਇਆ ਆਪਣਾ ਨਿਸ਼ਾਨਾ

ਫਿਰੋਜ਼ਪੁਰ ਚ ਚੋਰ ਧੁੰਦ ਦਾ ਚੱਕ ਰਹੇ ਹਨ ਫਾਇਦਾ, ਬੰਦ ਪਏ ਘਰ ਨੂੰ ਬਣਾਇਆ ਆਪਣਾ ਨਿਸ਼ਾਨਾ

ਫਿਰੋਜ਼ਪੁਰ 28 ਦਸੰਬਰ 2023 (ਅਨੁਜ ਕੱਕੜ ਟੀਨੂੰ)

ਫਿਰੋਜ਼ਪੁਰ ਚ ਆਏ ਦਿਨ ਚੋਰੀ ਅਤੇ ਲੁੱਟ- ਖੋਹ ਦੀਆ ਵਾਰਦਾਤਾਂ ਹੁਣ ਆਮ ਜਿਹੀ ਗੱਲ ਹੈ। ਚੋਰ ਆਉਂਦੇ ਹਨ ਅਤੇ ਅਰਾਮ ਨਾਲ ਆਪਣਾ ਕੰਮ ਕਰਦੇ ਤੇ ਚਲਦੇ ਬਣਦੇ ਹਨ । ਅਜਿਹਾ ਇਕ ਵਾਕਿਆ ਫਿਰੋਜ਼ਪੁਰ ਦੇ ਪੋਸ਼ ਏਰੀਆ ਧਵਨ ਕਲੋਨੀ ਚ ਵਾਪਰਿਆ, ਜਿਥੇ ਚੋਰਾਂ ਨੇ ਬੰਦ ਪਏ ਘਰ ਨੂੰ ਆਪਣਾ ਨਿਸ਼ਾਨਾ ਬਣਾਇਆ ।
ਮਿਲੀ ਜਾਣਕਾਰੀ ਮੁਤਾਬਿਕ ਧਵਨ ਕਲੋਨੀ ਦੀ ਗਲੀ ਨੰਬਰ 2 ਚ ਚੋਰਾਂ ਨੇ ਸੰਘਣੀ ਧੁੰਦ ਦਾ ਫਾਇਦਾ ਚੱਕਦੇ ਹੋਏ ਚੋਰੀ ਨੂੰ ਅੰਜ਼ਾਮ ਦਿੱਤਾ। ਚੋਰ ਉਸ ਵੇਲੇ ਘਰ ਅੰਦਰ ਦਾਖ਼ਲ ਹੋਏ ਜਦ ਘਰ ਦੇ ਸਾਰੇ ਮੈਂਬਰ ਘਰੋਂ ਬਾਹਰ ਗਏ ਹੋਏ ਸਨ । ਚੋਰਾਂ ਨੇ ਘਰ ਅੰਦਰ ਦਾਖਲ ਹੋ ਕੇ ਘਰ ਚ ਪਇਆ ਅਲਮਾਰੀਆਂ ਅਤੇ ਬੈਡ ਦਿਆਂ ਢੋਹਾ ਤੱਕ ਛਾਣ ਮਾਰਿਆ , ਅਤੇ ਸਾਰਾ ਸਮਾਨ ਖਿਲਾਰ ਦਿੱਤਾ । ਘਰ ਦੀਆ ਦੇ ਦਸਣ ਮੁਤਾਬਿਕ ਚੋਰਾਂ ਨੇ ਘਰ ਚ ਪਏ ਸੋਨੇ ਦੇ ਗਹਿਣੇ ਅਤੇ 45000 ਰੁਪਏ ਤੋਂ ਵੱਧ ਦੀ ਨਕਦੀ ਨੂੰ ਆਪਣਾ ਨਿਸ਼ਾਨਾ ਬਣਾਇਆ ਹੈ। ਪੁਲਿਸ ਨੂੰ ਸੂਚਨਾ ਮਿਲਦੇ ਹੀ ਉਹ ਮੌਕੇ ਤੇ ਪਹੁੰਚ ਗਈ ਅਤੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ।

ਇਸ ਤਰ੍ਹਾਂ ਹੀ ਸ਼ਹਿਰ ਦੇ ਅਮ੍ਰਿਤਲਾਲ ਚੋਂਕ ਚ ਦੋ ਦੁਕਾਨਾਂ ਨੂੰ ਵੀ ਚੋਰਾਂ ਨੇ ਧੁੰਦ ਦਾ ਫਾਇਦਾ ਚੱਕਦੇ ਹੋਏ ਆਪਣਾ ਨਿਸ਼ਾਨਾ ਬਣਿਆ । ਪੁਲਿਸ ਚੋਰਾਂ ਦੀ ਭਾਲ ਚ ਜੁਟੀ ।