ਵਿਦੇਸ਼ ਬੈਠੇ ਪੰਜਾਬੀ ਨੇ ਪਾਕਿਸਤਾਨ ਤੋਂ ਸਮਗਲਿੰਗ ਕਰ ਆਪਣੇ ਸਾਥੀ ਲਈ ਮੰਗਵਾਈ 7 ਕਿਲੋ ਹੈਰੋਇਨ ਅਤੇ ਅਸਲਾ ,ਮਾਮਲਾ ਦਰਜ

ਵਿਦੇਸ਼ ਬੈਠੇ ਪੰਜਾਬੀ ਨੇ ਪਾਕਿਸਤਾਨ ਤੋਂ ਸਮਗਲਿੰਗ ਕਰ ਆਪਣੇ ਸਾਥੀ ਲਈ ਮੰਗਵਾਈ 7 ਕਿਲੋ ਹੈਰੋਇਨ ਅਤੇ ਅਸਲਾ , ਮਾਮਲਾ ਦਰਜ 

ਫਿਰੋਜ਼ਪੁਰ 15 ਅਪ੍ਰੈਲ 2024 (ਅਨੁਜ ਕੱਕੜ ਟੀਨੂੰ)

ਫਿਰੋਜ਼ਪੁਰ ਪੁਲਿਸ ਨੂੰ ਅੱਜ ਉਸ ਸਮੇ ਭਾਰੀ ਸਫਲਤਾ ਪ੍ਰਾਪਤ ਹੋਈ ਜਦ ਓਹਨਾ ਇਕ ਵਿਅਕਤੀ ਨੂੰ ਕਰੋੜਾਂ ਦੀ ਹੈਰੋਇਨ ਅਤੇ ਅਸਲਾ ਸਮੇਤ ਕਾਬੂ ਕਿੱਤਾ ਜੋ ਵਿਦੇਸ਼ ਚ ਬੈਠੇ ਉਸਦੇ ਸਾਥੀ ਨੇ ਪਾਕਿਸਤਾਨ ਬੈਠੇ ਸਮਗਲਰਾਂ ਕੋਲੋਂ ਹੈਰੋਇਨ ਅਤੇ ਅਸਲਾ ਸਮਗਲਿੰਗ ਕਰਕੇ ਪੰਜਾਬ ਚ ਆਪਣੇ ਸਾਥੀਆਂ ਨੂੰ ਸਪਲਾਈ ਕਰਵਾਇਆ ਸੀ ।

ਐਸ ਐਸ ਪੀ ਸੋਮਿਆਂ ਮਿਸ਼ਰਾ ਵਲੋਂ ਪ੍ਰੈਸ ਕਾਨਫ੍ਰੇੰਸ ਦੌਰਾਨ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇੰਸਪੈਕਟਰ ਪ੍ਰਭਜੀਤ ਸਿੰਘ ਇੰਚਾਰਜ ਸੀ.ਆਈ.ਏ.ਸਟਾਫ ਫਿਰੋਜ਼ਪੁਰ ਸਮੇਤ ਪੁਲਿਸ ਪਾਰਟੀ ਗਸ਼ਤ ਵਾਂ ਚੈਕਿੰਗ ਸ਼ੱਕੀ ਪੁਰਸ਼ਾ ਦੇ ਸਬੰਧ ਵਿੱਚ ਸਦਰ ਏਰੀਆ ਵਿੱਚ ਮੌਜੂਦ ਸੀ ਤਾਂ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਮਨਜੀਤ ਸਿੰਘ ਪੁੱਤਰ ਬਲਵੰਤ ਸਿੰਘ ਵਾਸੀ ਪਿੰਡ ਕਮਾਲੇ ਵਾਲਾ ਥਾਣਾ ਸਦਰ ਫਿਰੋਜ਼ਪੁਰ, ਭੁਵਨੇਸ਼ ਚੋਪੜਾ ਪੁੱਤਰ ਹੀਰਾ ਲਾਲ ਵਾਸੀ ਦਿੱਲੀ ਗੇਟ ਹਾਲ ਕੈਨੇਡਾ ਅਤੇ ਰੋਹਿਤ ਸੇਠੀ ਪੁੱਤਰ ਰਮਨ ਸੇਠੀ ਵਾਸੀ ਮਹੱਲਾ ਧਰਮਪੁਰਾ ਸਿਟੀ ਫਿਰੋਜ਼ਪੁਰ ਆਪਸ ਰਲ ਕੇ ਪਕਿਸਤਾਨ ਸਮੱਗਲਰਾਂ ਨਾਲ ਮਿਲ ਕੇ ਵੱਡੇ ਪੱਧਰ ਤੇ ਹੈਰੋਇਨ ਦੀ ਸਪਲਾਈ ਕਰਦੇ ਹਨ। ਪੁਲਿਸ ਪਾਰਟੀ ਦੁਆਰਾ ਮਨਜੀਤ ਸਿੰਘ ਉਰਫ ਮਨੀ ਨੂੰ ਕਾਰ ਇਲੈਂਟਰਾ ਰੰਗ ਚਿੱਟਾ ਬਿਨਾਂ ਨੰਬਰੀ ਸਮੇਤ ਕਾਬੂ ਕਰਕੇ ਕਾਰ ਦੀ ਅਤੇ ਮਨਜੀਤ ਸਿੰਘ ਉਰਫ ਮਨੀ ਦੀ ਤਲਾਸ਼ੀ ਕਰਨ ਤੇ 07 ਕਿੱਲੋਗ੍ਰਾਮ ਹੈਰੋਇਨ, 36 ਲੱਖ ਡੱਰਗ ਮਨੀ, 01 ਪਿਸਟਲ .32 ਬੋਰ ਸਮੇਤ 01 ਮੈਗਜ਼ੀਨ, 05 ਜਿੰਦਾ ਰੋਂਦ, 01 ਆਈ ਫੋਨ ਅਤੇ 01 ਕਾਰ ਇਲੈਂਟਰਾ (ਬਿਨਾਂ ਨੰਬਰੀ) ਬਰਾਮਦ ਕੀਤੀ। ਜਿਸ ਤੇ ਮਨਜੀਤ ਸਿੰਘ, ਭੁਵਨੇਸ਼ ਚੋਪੜਾ ਉਰਫ ਅਸ਼ੀਸ਼, ਰੋਹਿਤ ਸੇਠੀ ਦੇ ਖਿਲਾਫ ਮੁਕਦਮਾ ਨੰ: 57 ਮਿਤੀ 14.04.2024 ਅ/ਧ 21/23/29 ਐਨ.ਡੀ.ਪੀ.ਐਸ ਐਕਟ ਤਹਿਤ ਥਾਣਾ ਸਦਰ ਫਿਰੋਜ਼ਪੁਰ ਵਿੱਚ ਦਰਜ ਰਜਿਸਟਰ ਕੀਤਾ ਗਿਆ। ਦੌਰਾਨੇ ਪੁੱਛਗਿੱਛ ਦੋਸ਼ੀ ਮਨਜੀਤ ਸਿੰਘ ਉਰਫ ਮਨੀ ਦੀ ਨਿਸ਼ਾਨਦੇਹੀ ਤੇ ਦੂਸਰੇ ਦੋਸ਼ੀ ਦੇ ਘਰੋ 02 ਪਿਸਟਲ .30 ਬੋਰ ਸਮੇਤ 05/05 ਜਿੰਦਾ ਰੋਂਦ, 01 ਰਾਇਫਲ .315 ਬੋਰ ਸਮੇਤ ਮੈਗਜ਼ੀਨ, 05 ਜਿੰਦਾ ਰੋਂਦ ਬਰਾਮਦ ਕੀਤੇ। ਦੋਸ਼ੀ ਨੂੰ ਪੇਸ਼ ਅਦਾਲਤ ਕਰਕੇ ਪੁਲਿਸ ਰਿਮਾਂਡ ਹਾਸਿਲ ਕੀਤਾ ਜਾਵੇਗਾ। ਪੁੱਛਗਿੱਛ ਦੌਰਾਨ ਹੋਰ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ ਅਤੇ ਬਾਕੀ ਦੋਸ਼ੀਆ ਦੀ ਭਾਲ ਜਾਰੀ ਹੈ।