ਫਿਰੋਜ਼ਪੁਰ ਪੁਲਿਸ ਵਲੋਂ CASO (ਕਾਸੋ )ਅਪ੍ਰੇਸ਼ਨ ਤਹਿਤ ਰੇਲਵੇ ਅਤੇ ਬੱਸ ਸਟੈਂਡ ਤੇ ਕੀਤੀ ਗਈ ਚੈਕਿੰਗ,
- 132 Views
- kakkar.news
- June 17, 2024
- Crime Punjab
-ਫਿਰੋਜ਼ਪੁਰ ਪੁਲਿਸ ਵਲੋਂ CASO (ਕਾਸੋ )ਅਪ੍ਰੇਸ਼ਨ ਤਹਿਤ ਰੇਲਵੇ ਅਤੇ ਬੱਸ ਸਟੈਂਡ ਤੇ ਕੀਤੀ ਗਈ ਚੈਕਿੰਗ
-ਫਿਰੋਜ਼ਪੁਰ ‘ਚ CASO ਓਪਰੇਸ਼ਨ, 5 ਵਿਅਕਤੀ ਕਾਬੂ, ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਦੇ 75 ਚਲਾਨ ਕੱਟੇ
ਫਿਰੋਜ਼ਪੁਰ, 17 ਜੂਨ, 2024 ( ਅਨੁਜ ਕੱਕੜ ਟੀਨੂੰ)
ਜਿਲ੍ਹਾ ਫਿਰੋਜ਼ਪੁਰ ਵਿੱਚ ਨਸ਼ਾ ਤਸਕਰਾਂ ਅਤੇ ਸਮਾਜ ਵਿਰੋਧੀ ਅਨਸਰਾਂ ਪਰ ਪੂਰੀ ਤਰਾਂ ਠੱਲ੍ਹ ਪਾਉਣ ਲਈ ਉਹਨਾਂ ਦੇ ਸ਼ੱਕੀ ਠਿਕਾਣਿਆਂ, 12 ਡਰੱਗ ਹੋਟਸਪੋਟ ਥਾਵਾਂ, ਰੇਲਵੇ ਸਟੇਸ਼ਨਾਂ ਅਤੇ ਬੱਸ ਸਟੈਂਡਾਂ ਪਰ ਸ਼ਪੈਸਲ “ਘੇਰਾਬੰਦੀ ਅਤੇ ਤਲਾਸ਼ੀ ਅਭਿਆਨ” ਚਲਾਇਆ ਗਿਆ।
ਸ਼੍ਰੀ ਅਜੈ ਮਲੂਜਾ ਡਿਪਟੀ ਇੰਸਪੈਕਟਰ ਜਨਰਲ ਆਫ ਪੁਲਿਸ, ਫਿਰੋਜਪੁਰ ਰੇਂਜ਼, ਫਿਰੋਜਪੁਰ ਅਤੇ ਸ੍ਰੀਮਤੀ ਸੋਮਿਆ ਮਿਸ਼ਰਾ, ਆਈ.ਪੀ.ਐਸ, ਐਸ.ਐਸ.ਪੀ. ਫਿਰੋਜ਼ਪੁਰ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਨਸ਼ਾ ਤਸਕਰਾਂ, ਸਮਾਜ ਵਿਰੋਧੀ ਅਨਸਰਾਂ ਅਤੇ ਸ਼ਰਾਰਤੀ ਅਨਸਰਾਂ ਦੀਆਂ ਵਾਰਦਾਤਾਂ ਨੂੰ ਪੂਰੀ ਤਰ੍ਹਾਂ ਠੱਲ ਪਾਉਣ ਲਈ ਸ਼੍ਰੀ ਰਣਧੀਰ ਕੁਮਾਰ ਆਈ.ਪੀ.ਐਸ, ਕਪਤਾਨ ਪੁਲਿਸ (ਇੰਨਵੈ:), ਸ਼੍ਰੀ ਜੁਗਰਾਜ ਸਿੰਘ ਪੀ.ਪੀ.ਐਸ, ਕਪਤਾਨ ਪੁਲਿਸ (ਸਥਾਨਿਕ) ਦੀ ਨਿਗਰਾਨੀ ਹੇਠ ਸ਼੍ਰੀ ਬਲਕਾਰ ਸਿੰਘ ਡੀ.ਐਸ.ਪੀ (ਡੀ) ਫਿਰੋਜ਼ਪੁਰ, ਸ਼੍ਰੀ ਨਵੀਨ ਕੁਮਾਰ ਡੀ.ਐਸ.ਪੀ. ਐਨ.ਡੀ.ਪੀ ਐਸ ਕਮ ਨਾਰਕੋਟਿਕ ਫਿਰੋਜ਼ਪੁਰ, ਸ੍ਰੀ ਸੁਖਵਿੰਦਰ ਸਿੰਘ ਡੀ.ਐਸ.ਪੀ ਸਿਟੀ ਫਿਰੋਜ਼ਪੁਰ, ਸ੍ਰੀ ਰਾਜੇਸ਼ ਕੁਮਾਰ ਡੀ.ਐਸ.ਪੀ ਦਿਹਾਤੀ ਫਿਰੋਜ਼ਪੁਰ, ਸ਼੍ਰੀ ਗੁਰਦੀਪ ਸਿੰਘ ਡੀ.ਐਸ.ਪੀ ਜੀਰਾ ਅਤੇ ਸ੍ਰੀ ਅਤੁਲ ਸੋਨੀ ਡੀ.ਐਸ.ਪੀ ਗੁਰੂਹਰਸਹਾਏ ਦੀ ਅਗਵਾਈ ਅਧੀਨ ਫਿਰੋਜਪੁਰ ਦੇ ਸਬ-ਡਿਵੀਜਨ ਸਿਟੀ ਫਿਰੋਜ਼ਪੁਰ, ਸਬ-ਡਿਵੀਜਨ ਦਿਹਾਤੀ ਫਿਰੋਜ਼ਪੁਰ, ਸਬ-ਡਿਵੀਜਨ ਗੁਰੂਹਰਸਹਾਏ ਅਤੇ ਸਬ-ਡਿਵੀਜਨ ਜੀਰਾ ਦੇ ਸ਼ੱਕੀ ਠਿਕਾਣਿਆਂ ਪਰ ਅਤੇ ਡਰੱਗ ਹੋਟਸਪੋਟ ਥਾਵਾਂ ਪਰ ਸ਼ਪੈਸਲ ਸਰਚ ਅਪਰੇਸ਼ਨ ਚਲਾਇਆ ਗਿਆ। ਇਸ ਸਰਚ ਅਪਰੇਸ਼ਨ ਵਿੱਚ 02 ਐਸ.ਪੀ ਸਹਿਬਾਨ, 06 ਡੀ.ਐਸ.ਪੀ. 14 ਇੰਸਪੈਕਟਰ/ਐਸ.ਐਚ.ਓ/ ਐਨ.ਜੀ.ਓ/ਈ.ਪੀ.ੳ/220 ਦੇ ਕਰੀਬ ਪੁਲਿਸ ਕਰਮਚਾਰੀਆ ਨੇ ਹਿੱਸਾ ਲਿਆ।
ਇਸ ਤੋਂ ਇਲਾਵਾ ਜਿਲੇ ਵਿੱਚ ਅਮਨ ਕਾਨੂੰਨ ਬਰਕਰਾਰ ਰੱਖਣ ਲਈ ਜਿਲ੍ਹੇ ਭਰ ਦੇ ਰੇਲਵੇ ਸਟੇਸ਼ਨਾਂ ਅਤੇ ਬੱਸ ਸਟੈਂਡਾ ਪਰ ਵੀ ਸਪੈਸ਼ਲ ਸਰਚ ਆਪਰੇਸ਼ਨ ਚਲਾ ਕੇ ਆਉਣ-ਜਾਣ ਵਾਲੇ ਰਾਹਗੀਰਾਂਦੀ ਤਲਾਸ਼ੀ ਕੀਤੀ ਗਈ। ਜਿਲ੍ਹੇ ਭਰ ਦੇ ਰੇਲਵੇ ਸਟੇਸ਼ਨਾਂ ਅਤੇ ਬਸ ਸਟੈਂਡਾ ਪਰ ਸੁਰਖਿਆ ਦੇ ਪੁੱਖਤਾ ਪ੍ਰਬੰਧ ਕੀਤੇ ਗਏ ਹਨ ਤਾਂ ਜੋ ਕਿਸੇ ਵੀ ਤਰ੍ਹਾਂ ਦੀ ਅਣਸੁਖਾਵੀ ਘਟਨਾ ਨੂੰ ਵਾਪਰਨ ਤੋਂ ਰੋਕਿਆ ਜਾ ਸਕੇ ।ਇਹਨਾ ਸਰਚ ਅਪਰੇਸ਼ਨਾ ਦੌਰਾਨ 12 ਡੱਰਗ ਹੋਟਸਪੋਟ ਥਾਵਾਂ ਅਤੇ ਸ਼ੱਕੀ ਵਿਅਕਤੀਆਂ ਦੇ ਠਿਕਾਣਿਆਂ ਪਰ ਤਲਾਸ਼ੀ ਕੀਤੀ ਗਈ। ਇਸ ਸਰਚ ਅਪਰੇਸ਼ਨ ਦੇ ਦੌਰਾਨ 05 ਮਾੜੇ ਅਨਸਰਾਂ ਨੂੰ ਕਾਬੂ ਕਰਕੇ ਉਨ੍ਹਾਂ ਪਾਸੋ 14 ਗ੍ਰਾਂਮ ਹੈਰੋਇਨ, 50 ਲੀਟਰ ਲਾਹਨ, 9 ਬੋਤਲਾਂ ਨਜਾਇਜ ਸ਼ਰਾਬ ਅਤੇ 01 ਟਰੈਕਟਰ ਟਰਾਲੀ ਰੇਤ ਨਾਲ ਭਰੀ ਹੋਈ ਬਰਾਮਦ ਕਰਕੇ ਕੁੱਲ 05 ਮੁੱਕਦਮੇ ਦਰਜ਼ ਕੀਤੇ ਗਏ। ਨਾਲ ਹੀ ਸ਼ੱਕੀ ਵਾਹਨਾਂ ਦੀ ਚੈਕਿੰਗ ਵੀ ਕੀਤੀ ਗਈ ਅਤੇ ਟੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆ ਦੇ ਖਿਲਾਫ 75 ਚਲਾਨ ਜਾਰੀ ਕੀਤੇ ਗਏ ਅਤੇ 14 ਵਾਹਨ ਬੰਦ ਕੀਤੇ ਗਏ। ਇਸ ਦੇ ਨਾਲ ਨਾਲ 2 ਆਦਤਨ ਅਪਰਾਧੀਆਂ ਨੂੰ 110 CRPC ਦੇ ਕਲੰਦਰਿਆਂ ਤਹਿਤ ਪਾਬੰਦ ਕੀਤਾ ਗਿਆ। ਸਮਾਜ ਵਿੱਚ ਨਸ਼ੇ ਦੇ ਖਾਤਮੇ ਲਈ ਅਤੇ ਸਮਾਜ ਵਿਰੋਧੀ ਅਨਸਰਾਂ ਤੇ ਪੂਰੀ ਤਰਾਂ ਠੱਲ ਪਾਉਣ ਲਈ ਫਿਰੋਜ਼ਪੁਰ ਪੁਲਿਸ ਵਚਨਬੱਧ ਹੈ।