ਫਿਰੋਜ਼ਪੁਰ ਚ ASI ਨੂੰ ਰਿਸ਼ਵਤ ਲੈਂਦੀਆਂ ਰੰਗੇ ਹੱਥੀ ਕੀਤਾ ਕਾਬੂ
ਫਿਰੋਜ਼ਪੁਰ ਚ ASI ਨੂੰ ਰਿਸ਼ਵਤ ਲੈਂਦੀਆਂ ਰੰਗੇ ਹੱਥੀ ਕੀਤਾ ਕਾਬੂ
ਫਿਰੋਜ਼ਪੁਰ 18 ਜੁਲਾਈ 2024 (ਅਨੁਜ ਕੱਕੜ ਟੀਨੂੰ)
ਅੱਜ ਫਿਰੋਜ਼ਪੁਰ ਸਿਟੀ ਥਾਣੇ ਚ ਤੈਨਾਤ ਏ ਐਸ ਆਈ ਗੁਰਮੇਲ ਸਿੰਘ ਨੂੰ ਵਿਜੀਲੈਂਸ ਟੀਮ ਵੱਲੋ ਕਥਿਤ ਤੋਰ ਤੇ 10 ਹਜ਼ਾਰ ਰੁਪਏ ਦੀ ਰਿਸ਼ਵਤ ਲੈਂਦੀਆਂ ਰੰਗੇ ਹੱਥੀ ਗਿਰਫ਼ਤਾਰ ਕੀਤਾ ਗਿਆ ਹੈ।
ਇਸ ਬਾਰੇ ਜਾਣਕਾਰੀ ਦੇਦਿਆਂ ਵਿਜੀਲੈਂਸ ਬਿਓਰੋ ਨੇ ਦੱਸਿਆ ਕਿ ਉਕਤ ਪੁਲਿਸ ਕਰਮੀ ਨੂੰ ਬੱਲੂਆਣਾ ਨਿਵਾਸੀ ਰਾਜ ਕੁਮਾਰ ਦੀ ਸ਼ਿਕਾਇਤ ਦੇ ਅਧਾਰ ਤੇ ਕਾਰਵਾਈ ਕਰਦੇ ਹੋਏ ਗਿਰਫ਼ਤਾਰ ਕੀਤਾ ਗਿਆ ਹੈ।ਹੋਰ ਜਾਣਕਾਰੀ ਦੇਦਿਆਂ ਓਹਨਾ ਦੱਸਿਆ ਕਿ ਸ਼ਿਕਾਇਤ ਕਰਤਾ ਨੇ ਬਿਓਰੋ ਨਾਲ ਸਮਪਰਕ ਕੀਤਾ ਅਤੇ ਦੱਸਿਆ ਕਿ ਉਸਦਾ ਭਰਾ ਮਦਨ ਲਾਲ ਦੇ ਵਿਰੁੱਧ ਥਾਣਾ ਸਦਰ ਚ ਜੁਲਾਈ 2023 ਚ ਮੁਕਦਮਾ ਦਰਜ ਕੀਤਾ ਗਿਆ ਸੀ ਅਤੇ ਉਸ ਮਾਮਲੇ ਚ ਏ ਐਸ ਆਈ ਗੁਰਮੇਲ ਸਿੰਘ ਉਸ ਮੁਕਦਮੇ ਦਾ ਤਫਤੀਸ਼ ਅਫਸਰ ਸੀ ।ਅਤੇ ਉਸ ਸਮੇ ਉਸਨੇ ਮੇਰੇ ਭਰਾ ਕੋਲੋਂ ਮੁਕਦਮਾ ਦਰਜ ਹੋਣ ਦੇ ਸਮੇ 10000 ਰੁਪਏ ਵੀ ਲਏ ਸੀ ।
ਉਸ ਤੋਂ ਬਾਅਦ ਸ਼ਿਕਾਇਤ ਕਰਤਾ ਦੇ ਭਰਾ ਦੀ ਇਕ ਹਾਦਸੇ ਦੌਰਾਨ ਮੌਤ ਹੋ ਗਈ ਅਤੇ ਉਕਤ ਤਫਤੀਸ਼ ਅਫਸਰ ਗੁਰਮੇਲ ਸਿੰਘ ਵਲੋਂ ਮਾਨਯੋਗ ਅਦਾਲਤ ਚ ਉਸਦੇ ਭਰਾ ਦੀ ਮੌਤ ਬਾਰੇ ਰਿਪੋਰਟ ਜਮਾ ਕਰਨੀ ਸੀ ਤਾ ਜੋ ਪਰਿਵਾਰ ਤਰਸ ਦੇ ਅਧਾਰ ਤੇ ਨੌਕਰੀ ਲਈ ਅਪਲਾਈ ਕਰ ਸਕੇ। ਸ਼ਿਕਾਇਤ ਕਰਤਾ(ਰਾਜ ਕੁਮਾਰ ) ਨੇ ਆਪਣੀ ਸ਼ਿਕਾਇਤ ਚ ਗੁਰਮੇਲ ਸਿੰਘ ਖਿਲਾਫ ਇਹ ਦੋਸ਼ ਲਗਾਇਆ ਹੈ ਕਿ ਉਹ ਇਸ ਕੰਮ ਨੂੰ ਕਰਨ ਲਈ ਓਹਨਾ ਕੋਲੋਂ 10000 ਰੁਪਏ ਰਿਸ਼ਵਤ ਦੀ ਮੰਗ ਕਰ ਰਿਹਾ ਹੈ ।
ਜਿਸ ਤੋਂ ਬਾਅਦ ਵਿਜੀਲੈਂਸ ਵੱਲੋ ਜਾਂਚ ਕਰਨ ਤੋਂ ਬਾਦ ਉਕਤ ਏ ਐਸ ਆਈ ਨੂੰ 2 ਸਰਕਾਰੀ ਗਵਾਹਾਂ ਦੀ ਮੌਜੂਦਗੀ ਚ ਸ਼ਿਕਾਇਤ ਕਰਤਾ ਕੋਲੋਂ 10 ਹਜ਼ਾਰ ਰਿਸ਼ਵਤ ਲੈਂਦੀਆਂ ਰੰਗੇ ਹੱਥੀ ਗਿਰਫ਼ਤਾਰ ਕੀਤਾ ਗਿਆ ।
ਗਿਰਫ਼ਤਾਰ ਕੀਤੇ ਪੁਲਿਸ ਅਧਿਕਾਰੀ ਏ ਐਸ ਆਈ ਗੁਰਮੇਲ ਸਿੰਘ ਖਿਲਾਫ ਵਿਜੀਲੈਂਸ ਫਿਰੋਜ਼ਪੁਰ ਰੈਂਜ਼ ਵੱਲੋ ਮੁਕਦਮਾ ਦਰਜ ਕਰ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ।
