ਨਜਾਇਜ਼ ਹਥਿਆਰ ਸਮੇਤ ਵਿਅਕਤੀ ਗ੍ਰਿਫਤਾਰ, ਆਰਮਜ਼ ਐਕਟ ਅਧੀਨ ਮੁਕੱਦਮਾ ਦਰਜ
ਨਜਾਇਜ਼ ਹਥਿਆਰ ਸਮੇਤ ਵਿਅਕਤੀ ਗ੍ਰਿਫਤਾਰ, ਆਰਮਜ਼ ਐਕਟ ਅਧੀਨ ਮੁਕੱਦਮਾ ਦਰਜ
ਫਿਰੋਜ਼ਪੁਰ, 21 ਫਰਵਰੀ 2025 (ਅਨੁਜ ਕੱਕੜ ਟੀਨੂੰ)
ਪੁਲਿਸ ਵੱਲੋਂ ਗਸ਼ਤ ਅਤੇ ਸ਼ੱਕੀ ਵਿਅਕਤੀਆਂ ਦੀ ਚੈਕਿੰਗ ਦੌਰਾਨ ਧੋਬੀਘਾਟ ਨੇੜੇ ਇੱਕ ਵਿਅਕਤੀ ਨੂੰ ਨਜਾਇਜ਼ ਪਿਸਟਲ ਸਮੇਤ ਗ੍ਰਿਫਤਾਰ ਕੀਤਾ ਗਿਆ।
ਐਸ. ਆਈ. ਸਾਹਿਬ ਸਿੰਘ ਦੀ ਅਗਵਾਈ ਹੇਠ ਪੁਲਿਸ ਪਾਰਟੀ ਰਾਕੇਸ਼ ਪਾਇਲਟ ਚੌਂਕ, ਕੈਂਟ ਫਿਰੋਜ਼ਪੁਰ ਨੇੜੇ ਮੌਜੂਦ ਸੀ, ਜਦੋਂ ਖਾਸ ਮੁਖਬਰ ਨੇ ਇਤਲਾਹ ਦਿੱਤੀ ਕਿ ਪਵਨ @ ਰੋਹਿਤ @ ਮੂਲੀ ਪੁੱਤਰ ਰਮੇਸ਼, ਵਾਸੀ ਚੁੰਗੀ ਨੰਬਰ 7, ਇੰਦਰਾ ਕਲੋਨੀ, ਵਾਰਡ ਨੰਬਰ 1, ਕੈਂਟ ਫਿਰੋਜ਼ਪੁਰ, ਜਿਸ ‘ਤੇ ਪਹਿਲਾਂ ਵੀ ਖੋਹ-ਚੋਰੀ ਦੇ ਮੁਕੱਦਮੇ ਦਰਜ ਹਨ, ਹਮੇਸ਼ਾ ਆਪਣੇ ਕੋਲ ਨਜਾਇਜ਼ ਪਿਸਟਲ ਰੱਖਦਾ ਹੈ।
ਮੁਖਬਰ ਦੀ ਜਾਣਕਾਰੀ ਦੇ ਆਧਾਰ ‘ਤੇ ਪੁਲਿਸ ਨੇ ਧੋਬੀਘਾਟ ਨੇੜੇ ਮੈਦਾਨ ਵਿੱਚ ਘੇਰਾਬੰਦੀ ਕਰਕੇ ਆਰੋਪੀ ਨੂੰ ਕਾਬੂ ਕੀਤਾ। ਤਲਾਸ਼ੀ ਦੌਰਾਨ ਉਸ ਕੋਲੋਂ ਨਜਾਇਜ਼ ਪਿਸਟਲ ਬਰਾਮਦ ਹੋਈ।
ਇਤਲਾਹ ਮੋਹਤਬਰ ਹੋਣ ‘ਤੇ ਆਰੋਪੀ ਖਿਲਾਫ਼ ਆਰਮਜ਼ ਐਕਟ ਅਧੀਨ ਮਾਮਲਾ ਦਰਜ ਕਰ ਲਿਆ ਗਿਆ ਹੈ, ਅਤੇ ਅੱਗੇ ਦੀ ਜਾਂਚ ਜਾਰੀ ਹੈ।
Recent Posts
