ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਫਿਰੋਜ਼ਪੁਰ ਵੱਲੋਂ 10 ਸਾਲਾਂ ਉਮਰ ਦੀ ਗੁੰਮਸ਼ੁਦਾ ਲੜਕੀ ਬਾਰੇ ਦਿੱਤੀ ਗਈ ਸੂਚਨਾ
ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਫਿਰੋਜ਼ਪੁਰ ਵੱਲੋਂ 10 ਸਾਲਾਂ ਉਮਰ ਦੀ ਗੁੰਮਸ਼ੁਦਾ ਲੜਕੀ ਬਾਰੇ ਦਿੱਤੀ ਗਈ ਸੂਚਨਾ
ਫਿਰੋਜ਼ਪੁਰ 16 ਮਾਰਚ 2026 (ਅਨੁਜ ਕੱਕੜ ਟੀਨੂੰ)
ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ—ਕਮ—ਚੇਅਰਮੈਨ ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਸ਼੍ਰੀ ਸੁਮਿਤ ਮਲਹੋਤਰਾ ਵੱਲੋਂ ਜਾਰੀ ਹਦਾਇਤਾਂ ਅਨੁਸਾਰ ਮੈਡਮ ਅਨੁਰਾਧਾ, ਚੀਫ ਜੁਡੀਸ਼ੀਅਲ ਮੈਜਿਸਟ੍ਰੇਟ—ਕਮ—ਸਕੱਤਰ, ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਫਿਰੋਜ਼ਪੁਰ ਵੱਲੋਂ ਸਖੀ ਵਨ ਸਟੋਪ ਸੈਂਟਰ, ਫਿਰੋਜ਼ਪੁਰ ਦਾ ਦੌਰਾ ਕੀਤਾ ਗਿਆ। ਇਸ ਦੌਰੇ ਦੌਰਾਨ ਸਖੀ ਵਨ ਸਟੋਪ ਸੈਂਟਰ ਦੀ ਇੰਚਾਰਜ ਵੱਲੋਂ ਤਕਰੀਬਨ 10 ਸਾਲਾਂ ਲੜਕੀ ਨਾਲ ਮੁਲਾਕਾਤ ਕਰਵਾਈ ਜ਼ੋ ਕਿ ਗੁੰਮਸ਼ੁਦਾ ਹੈ ਅਤੇ ਆਪਣੇ ਪਰਿਵਾਰ ਤੋਂ ਵਿੱਛੜ ਕੇ ਫਿਰੋਜ਼ਪੁਰ ਆ ਗਈ।
ਜਾਣਕਾਰੀ ਮੁਤਾਬਕ ਉਨ੍ਹਾਂ ਦੱਸਿਆ ਕਿ ਲੜਕੀ ਲੁਧਿਆਣਾ ਤੋਂ ਫਿਰੋਜ਼ਪੁਰ ਆ ਰਹੀ ਰੇਲਗੱਡੀ ਵਿੱਚ ਤਲਵੰਡੀ ਦੇ ਵਸਨੀਕ ਪਰਿਵਾਰ ਨੂੰ ਮਿਲੀ ਅਤੇ ਦੱਸਿਆ ਕਿ ਉਹ ਗਲਤੀ ਨਾਲ ਰੇਲਗੱਡੀ ਵਿੱਚ ਚੜ੍ਹ ਗਈ ਹੈ। ਲੜਕੀ ਦੇ ਨਾਲ ਕੋਈ ਅਣਸੁਖਾਵੀ ਘਟਨਾ ਨਾ ਵਾਪਰੇ ਤਾਂ ਤਲਵੰਡੀ ਦਾ ਪਰਿਵਾਰ ਗੁੰਮਸ਼ੁਦਾ ਲੜਕੀ ਨੂੰ ਆਪਣੇ ਨਾਲ ਘਰ ਲੈ ਆਏ ਅਤੇ ਅਗਲੇ ਦਿਨ ਚਾਈਲਡ ਵੈਲਫੇਅਰ ਕਮੇਟੀ, ਫਿਰੋਜ਼ਪੁਰ ਕੋਲ ਜਮ੍ਹਾਂ ਕਰਵਾਇਆ।
ਉਨ੍ਹਾਂ ਦੱਸਿਆ ਕਿ ਲੜਕੀ ਦੇ ਦੱਸਣ ਮੁਤਾਬਕ ਉਸਦਾ ਨਾਮ ਮੋਨਿਕਾ, ਪਿਤਾ ਦਾ ਨਾਮ ਕੁਲਦੀਪ ਮੰਦਨ, ਮਾਤਾ ਦਾ ਨਾਮ ਅਨੀਤਾ ਦੇਵੀ ਹੈ ਅਤੇ ਉਹ ਫਾਜੀਆਬਾਦ ਰਾਜ ਉੱਤਰ ਪ੍ਰਦੇਸ਼ ਜਾਂ ਬਿਹਾਰ ਦੀ ਰਹਿਣ ਵਾਲੀ ਹੋ ਸਕਦੀ ਹੈ। ਉਨ੍ਹਾਂ ਸਭ ਜਨਤਾ ਨੂੰ ਅਪੀਲ ਕੀਤੀ ਕਿ ਉਹ ਵੱਧ ਤੋਂ ਵੱਧ ਸੋਸ਼ਲ ਮੀਡਿਆ ਤੇ ਸ਼ੇਅਰ ਕਰਨ ਤਾਂ ਜ਼ੋ ਲੜਕੀ ਆਪਣੇ ਪਰਿਵਾਰ ਵਾਲਿਆਂ ਨੂੰ ਮਿਲ ਸਕੇ।
