ਮੀਟਰ ਲਾਉਣ ਗਏ ਜੇ.ਈ. ‘ਤੇ ਹੋਇਆ ਜਾਨਲੇਵਾ ਹਮਲਾ, ਗੰਭੀਰ ਜ਼ਖ਼ਮੀ ਹਾਲਤ ਵਿਚ ਹਸਪਤਾਲ ਦਾਖ਼ਲ

ਦੋ ਧਿਰਾਂ ਦੀ ਰੰਜਿਸ਼ ਦਾ ਸ਼ਿਕਾਰ ਹੋਇਆ ਬਿਜਲੀ ਬੋਰਡ ਦਾ ਜੇ ਈ
ਮੀਟਰ ਲਾਉਣ ਗਏ ਜੇ.ਈ. ‘ਤੇ ਹੋਇਆ ਜਾਨਲੇਵਾ ਹਮਲਾ, ਗੰਭੀਰ ਜ਼ਖ਼ਮੀ ਹਾਲਤ ਵਿਚ ਹਸਪਤਾਲ ਦਾਖ਼ਲ
ਪੁਲਸ ਪ੍ਰੋਟੈਕਸ਼ਨ ਵੀ ਸੁਰੱਖਿਆਤ ਨਹੀਂ ਬਚ ਸਕਿਆ ਜੇ ਈ

ਸਿਟੀਜਨਜ਼ ਵੋਇਸ ਮਮਦੋਟ ੨੧ ਸਤੰਬਰ

ਪੰਜਾਬ ਵਿਚ ਲਾਆ ਐਂਡ ਆਰਡਰ ਦੀ ਸਥਿਤੀ ਦਿਨ ਬਦਿਨ ਚਿੰਤਾਜਨਕ ਹੁੰਦੀ ਜਾ ਰਹੀ ਹੈ ਜਿਸ ਕਾਰਨ ਆਮ ਆਦਮੀ ਆਪਣੇ ਆਪ ਨੂੰ ਅਸਰਖਿਆਤ ਮਹਿਸੂਸ ਕਰ ਰਿਹਾ ਹੈ. ਮਮਦੋਟ ਇਲਾਕੇ ਵਿਚ ਤਾਂ ਸਥਿਤੀ ਹੋਰ ਵੀ ਖਤਰਨਾਕ ਹੋ ਗਈ ਹੈ ਅਤੇ ਇਓਂ ਜਾਪਦਾ ਹੈ ਜਿਵੇ ਇਥੇ ਕਨੂੰਨ ਦਾ ਰਾਜ ਪੂਰੀ ਤਰਾਂ ਨਾਲ ਖਤਮ ਹੋ ਗਿਆ ਹੈ | ਕਿ ਮੰਗਲਵਾਰ ਦੀ ਸ਼ਾਮ ਵੇਲੇ ਸਰਹੱਦੀ ਪਿੰਡ ਮਸਤਾ ਗੱਟੀ ਵਿਖੇ ਬਿਜਲੀ ਦਾ ਮੀਟਰ ਲਾਉਣ ਗਏ ਪਾਵਰਕਾਮ ਦੇ ਮਮਦੋਟ ਸਬ ਡਵੀਜ਼ਨ ਦੇ ਜੇ ਈ ਪਿੰਡ ਦੀਆਂ ਦੋ ਧਿਰਾਂ ਦੀ ਆਪਸੀ ਰੰਜਸ਼ ਉਸ ਵੇਲੇ ਮਹਿੰਗੀ ਪੈ ਗਈ, ਜਦੋਂ ਬਿਜਲੀ ਦਾ ਮੀਟਰ ਲਾ ਕੇ ਵਾਪਸ ਮੁੜਦੇ ਸਮੇਂ ਪਿੰਡ ਦੀਆਂ ਕੁਝ ਲੋਕਾਂ ਨੇ ਉਕਤ ਜੇਈ ਨੂੰ ਘੇਰ ਕੇ ਡਾਂਗਾਂ ਸੋਟਿਆਂ ਨਾਲ ਉਸ ਉੱਪਰ ਹਮਲਾ ਕਰ ਦਿੱਤਾ ਜਿਸ ਦੌਰਾਨ ਉਹ ਸਿਰ ਦੀਆਂ ਸੱਟਾਂ ਲੱਗਣ ਕਰਕੇ ਗੰਭੀਰ ਜ਼ਖ਼ਮੀ ਹੋ ਗਿਆ. ਗੰਭੀਰ ਜ਼ਖ਼ਮੀ ਹਾਲਤ ਵਿੱਚ ਉਸ ਨੂੰ ਮਮਦੋਟ ਦੇ ਸਿਵਲ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਜਿੱਥੇ ਥਾਣਾ ਮਮਦੋਟ ਦੀ ਪੁਲਸ ਵੱਲੋਂ ਦਿੱਤੇ ਜਾ ਰਹੇ ਬਿਆਨਾਂ ਦੇ ਆਧਾਰ ਤੇ ਅਗਲੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਗੌਰਤਲਬ ਹੈ ਕਿ ਉਕਤ ਜੇਈ ਕਰਨੈਲ ਸਿੰਘ ਨੇ ਦੋ ਧਿਰਾਂ ਦੀ ਆਪਸੀ ਰੰਜਸ਼ ਦੇ ਮੱਦੇਨਜ਼ਰ ਪੁਲਸ ਸੁਰੱਖਿਆ ਦੇ ਹੇਠ ਪਿੰਡ ਮਸਤਾ ਗੱਟੀ ਵਿਖੇ ਮੀਟਰ ਲਾਉਣ ਗਿਆ ਸੀ ਪਰ ਸੁਰੱਖਿਅਤ ਨਹੀਂ ਬਚ ਸਕਿਆ. ਬੇਵਸੀ ਦੀ ਹਾਲਤ ਵਿੱਚ ਉਸਨੂੰ ਮਮਦੋਟ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ .

ਜਾਣਕਾਰੀ ਦਿੰਦੇ ਹੋਏ ਪੀੜਤ ਜੇ ਈ ਕਰਨੈਲ ਸਿੰਘ ਨੇ ਦੱਸਿਆ ਕਿ ਐੱਸ ਡੀ ਓ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ ਉਹ ਅੱਜ ਬਾਅਦ ਦੁਪਹਿਰ ਮੀਟਰ ਲਾਉਣ ਲਈ ਉਕਤ ਪਿੰਡ ਵਿਚ ਗਿਆ ਸੀ ਜਿੱਥੇ ਇੱਕ ਧਿਰ ਆਪਸੀ ਰੰਜਿਸ਼ ਦੇ ਚਲਦਿਆਂ ਦੂਜੀ ਧਿਰ ਵਾਸਤੇ ਟਰਾਂਸਫਾਰਮਰ ਤੋਂ ਮੀਟਰ ਦਾ ਕੁਨੈਕਸ਼ਨ ਲਾਉਣ ਤੋਂ ਮਨ੍ਹਾ ਕਰ ਰਹੀ ਸੀ . ਉਸ ਨੇ ਦੱਸਿਆ ਕਿ ਜਦੋਂ ਉਹ ਪੁਲਸ ਸੁਰੱਖਿਆ ਦੇ ਹੇਠ ਮੀਟਰ ਦਾ ਕੁਨੈਕਸ਼ਨ ਚਾਲੂ ਕਰ ਦਿੱਤਾ। ਉਸ ਨੇ ਦੱਸਿਆ ਕਿ ਜਿਵੇਂ ਹੀ ਪੁਲਸ ਮੁਲਾਜ਼ਮਾਂ ਅੱਗੇ ਪਿੱਛੇ ਹੋਏ ਹੋ ਕੇ ਆਪਣੇ ਸਾਥੀ ਸਮੇਤ ਵਾਪਸ ਪਰਤ ਰਹੇ ਸਨ ਤਾਂ ਪਿੰਡ ਤੋਂ ਕੁਝ ਦੂਰੀ ‘ਤੇ ਕੁਲਦੀਪ ਸਿੰਘ ਅਤੇ ਹੋਰ ਸਾਥੀਆਂ ਨੇ ਰਾਹ ਵਿੱਚ ਘੇਰ ਲਿਆ ਤੇ ਡਾਂਗਾਂ ਸੋਟਿਆਂ ਨਾਲ ਹਮਲਾ ਕਰਕੇ ਗੰਭੀਰ ਜ਼ਖ਼ਮੀ ਕਰ ਦਿੱਤਾ.

ਉੱਧਰ ਮਾਮਲੇ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਤਫਤੀਸ਼ੀ ਅਧਿਕਾਰੀ ਨੇ ਦੱਸਿਆ ਕਿ ਪੀਡ਼ਤ ਜੇ ਈ ਕਰਨੈਲ ਸਿੰਘ ਦੇ ਬਿਆਨਾਂ ਦੇ ਆਧਾਰ ਤੇ ਪਿੰਡ ਮਸਤਾ ਗੱਟੀ ਦੇ ਕੁਲਦੀਪ ਸਿੰਘ ਅਤੇ ਹੋਰ ਸਾਥੀਆਂ ਸਮੇਤ ਵੱਖ ਵੱਖ ਧਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾ ਰਹੀ ਹੈ.