ਪੰਜਾਬ ਵਾਟਰ ਸਪਲਾਈ ਅਤੇ ਸੀਵਰੇਜ਼ ਬੋਰਡ ਫਿਰੋਜਪੁਰ ਦੇ ਕੱਚੇ ਮੁਲਾਜਮ  ਵੱਲੋਂ ਪੰਜਾਬ ਸਰਕਾਰ  ਖਿਲਾਫ ਦਿੱਤਾ ਧਰਨਾ 

 ਪੰਜਾਬ ਵਾਟਰ ਸਪਲਾਈ ਅਤੇ ਸੀਵਰੇਜ਼ ਬੋਰਡ ਫਿਰੋਜਪੁਰ ਦੇ ਕੱਚੇ ਮੁਲਾਜਮ  ਵੱਲੋਂ ਪੰਜਾਬ ਸਰਕਾਰ  ਖਿਲਾਫ ਦਿੱਤਾ ਧਰਨਾ 

ਫਿਰੋਜਪੁਰ 15 ਨਵੰਬਰ 2022 (ਸੁਭਾਸ਼ ਕੱਕੜ)

ਠੇਕਾ ਮੁਲਾਜਮ ਸੰਘਰਸ਼ ਮੋਰਚਾ ਦੇ ਸੱਦੇ ਤੇ ਵਾਟਰ ਸਪਲਾਈ ਅਤੇ ਸੀਵਰੇਜ ਬੋਰਡ ਦੇ ਮੁਲਾਜਮਾ ਨੇ ਵਿਭਾਗ ਦਾ ਕੰਮਕਾਰ ਠੱਪ ਕਰਕੇ ਵਾਟਰ ਸਪਲਾਈ ਅਤੇ ਸੀਵਰੇਜ ਬੋਰਡ ਫਿਰੋਜਪੁਰ ਦੇ ਦਫਤਰ ਵਿਖੇ ਧਰਨਾ ਦਿੱਤਾ।ਧਰਨੇ ਵਿੱਚ ਵਿਸ਼ੇਸ਼ ਰੂਪ ਵਿੱਚ ਯੂਨੀਅਨ ਦੇ ਪ੍ਰਧਾਨ ਗਗਨਦੀਪ ਸਿੰਘ, ਸੰਦੀਪ ਅਟਵਾਲ, ਗੁਰਪ੍ਰੀਤ ਸਿੰਘ ਵਿਸ਼ੇਸ਼ ਰੂਪ ਵਿੱਚ ਧਰਨੇ ਵਿੱਚ ਸ਼ਾਮਿਲ ਰਹੇ। ਉਨ੍ਹਾਂ ਨਾਲ ਗਲਬਾਤ ਦੋਰਾਨ ਉਨ੍ਹਾਂ ਵੱਲੋਂ ਦੱਸਿਆ ਗਿਆ ਕਿ ਆਮ ਆਦਮੀ ਸਰਕਾਰ ਵੱਲੋਂ ਹੋਂਦ ਵਿੱਚ ਆਉਣ ਤੋਂ ਪਹਿਲਾਂ ਆਪਣੇ ਚੋਣ ਮੈਨੀਫੈਸਟੋ ਵਿੱਚ ਵਿਸ਼ੇਸ਼ ਰੂਪ ਵਿੱਚ ਵੱਖ ਵੱਖ ਸਰਕਾਰੀ ਵਿਭਾਗ ਵਿੱਚ ਸੋਸਾਇਟੀਆਂ, ਆਊਟਸੋਰਸ, ਇਨਲਿਸਟਮੈਂਟ, ਠੇਕਾਆਧਾਰ ਰਾਹੀ ਕੰਮ ਕਰ ਰਹੇ ਮੁਲਾਜਮਾਂ ਨੂੰ ਸਰਕਾਰ ਦੇ ਹੋਂਦ ਵਿੱਚ ਆਉਂਦੇ ਹੀ ਉਨ੍ਹਾਂ ਦੇ ਵਿਭਾਗ ਵਿੱਚ ਹੀ ਪੱਕਾ ਕੀਤਾ ਜਾਵੇਗਾ। ਪਰੰਤੂ ਸਰਕਾਰ ਵੱਲੋਂ ਲਗਭਗ 6 ਮਹੀਨੇ ਦਾ ਸਮਾਂ ਬੀਤ ਜਾਣ ਤੇ ਵੀ ਇਸ ਸਬੰਧੀ ਕੋਈ ਕਾਰਵਾਈ ਨਹੀ ਕੀਤੀ ਗਈ ਹੈ। ਇਸ ਸਬੰਧ ਵਿੱਚ ਜੱਥੇਬੰਦੀ ਦੇ ਆਗੂਆਂ ਵੱਲੋਂ ਮਾਨਯੋਗ ਮੁੱਖ ਮੰਤਰੀ ਪੰਜਾਬ ਜੀ ਤੋਂ ਵੀ ਕਈ ਵਾਰ ਆਪਣੀ ਮੰਗ ਨੂੰ ਮਨਵਾਉਣ ਲਈ ਮੀਟਿੰਗ ਦਾ ਸਮਾਂ ਮੰਗਿਆ ਗਿਆ। ਮਾਨਯੋਗ ਮੁੱਖ ਮੰਤਰੀ ਜੀ ਵਲੋਂ ਹਮੇਸ਼ਾ ਹੀ ਮੀਟਿੰਗ ਦਾ ਸਮਾਂ ਦੇਣ ਉਪਰੰਤ ਮੀਟਿੰਗ ਨਹੀ ਲਈ ਜਾਂਦੀ। ਜਿਸ ਕਾਰਨ ਅੱਜ ਜੱਥੇਬੰਦੀ ਵੱਲੋਂ ਰੋਸ ਪ੍ਰਗਟਾਉਂਦੇ ਹੋਏ ਮਿਤੀ 15.11.2022 ਤੋਂ 16.11.2022 ਤੱਕ ਵਾਟਰ ਸਪਲਾਈ ਅਤੇ ਸੀਵਰੇਜ਼ ਦੇ ਕੰਮਾਂ ਨੂੰ ਪੂਰਨ ਰੂਪ ਵਿੱਚ ਦਿਨ-ਰਾਤ ਲਗਾਤਾਰ ਕੰਮਾਂ ਨੂੰ ਬੰਦ ਕਰਕੇ ਦਫਤਰ ਵਿਖੇ ਧਰਨਾ ਲਗਾਇਆ ਗਿਆ। ਜੱਥੇਬੰਦੀ (ਠੇਕਾ ਮੁਲਾਜਮ ਸੰਘਰਸ਼ ਮੋਰਚਾ ਰਜਿ.23, ਪੰਜਾਬ) ਦੀ ਪੰਜਾਬ ਸਰਕਾਰ ਤੋਂ ਮੰਗ ਹੈ ਕਿ ਸਰਕਾਰੀ ਦਫਤਰਾ ਵਿੱਚ ਸੋਸਾਇਟੀਆਂ, ਆਊਟਸੋਰਸ, ਇਨਲਿਸਟਮੈਂਟ, ਠੇਕਾਆਧਾਰ ਰਾਹੀ ਕੰਮ ਕਰ ਰਹੇ ਮੁਲਾਜਮਾ ਨੂੰ ਬਿਨ੍ਹਾਂ ਕਿਸੇ ਦੇਰੀ ਦੇ ਰੈਗੂਲਰ ਕਰਦੇ ਹੋਏ ਅੱਗੇ ਵਾਸਤੇ ਉਕਤ ਸਕੀਮਾਂ ਜ਼ੋ ਕਿ ਮੁਲਾਜਮ ਮਾਰੂ ਹਨ ਨੂੰ ਬੰਦ ਕਰਕੇ ਪੱਕੀ ਭਰਤੀ ਹੀ ਕੀਤੀ ਜਾਵੇ। ਧਰਨੇ ਵਿਚ ਮਿਲ ਮੁਲਾਜਮ ਰਜੀਵ ਕੁਮਾਰ, ਗੁਰਪ੍ਰੀਤ ਸਿੰਘ, ਗੁਰਮੀਤ ਸਿੰਘ, ਵਿਕੀ, ਅਸ਼ੋਕ ਸਬਰਵਾਲ, ਮੰਗਲ ਸਿੰਘ, ਸ਼ਰਨਜੀਤ ਸਿੰਘ, ਸੁਰਿੰਦਰ ਸਿੰਘ, ਵਿਸ਼ਾਲ ਆਦਿ ਵੀ ਹਾਜ਼ਿਰ ਸਨ