ਜ਼ਿਲ੍ਹੇ ਦੇ 21 ਸੇਵਾ ਕੇਂਦਰ ਲੋਕਾਂ ਨੂੰ ਬਿਹਤਰ ਢੰਗ ਨਾਲ ਮੁਹਈਆ ਕਰਵਾ ਰਹੇ ਹਨ ਸੁਵਿਧਾਵਾਂ ਕੇਰੀਆਂ ਅਤੇ ਟਾਹਲੀ ਵਾਲਾ ਬੋਦਲਾ ਸੇਵਾ ਕੇਦਰ ਸ਼ੁਰੂ ਹੋਣ ਨਾਲ, ਨਾਲ ਲਗਦੇ ਪਿੰਡਾਂ ਨੂੰ ਵੀ ਹੋਇਆ ਫਾਇਦਾ

ਫਾਜ਼ਿਲਕਾ 26 ਨਵੰਬਰ 2022 (ਅਨੁਜ ਕੱਕੜ ਟੀਨੂੰ)

ਜ਼ਿਲ੍ਹਾ ਮੈਨੇਜਰ ਸ੍ਰੀ ਗਗਨਦੀਪ ਸਿੰਘ ਨੇ ਕਿਹਾ ਕਿ ਪਿਛਲੇ ਦਿਨੀਂ ਕੇਰੀਆਂ ਅਤੇ ਟਾਹਲੀ ਵਾਲਾ ਬੋਦਲਾ ਸੇਵਾ ਕੇਂਦਰ ਸ਼ੁਰੂ ਹੋਣ ਨਾਲ ਫਾਜ਼ਿਲਕਾ ਜ਼ਿਲੇ ਅੰਦਰ ਹੁਣ 21 ਸੇਵਾ ਕੇਂਦਰ ਚੱਲ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਸੇਵਾ ਕੇਂਦਰ ਜ਼ਿਲ੍ਹੇ ਦੇ ਲੋਕਾਂ ਨੂੰ ਆਨਲਾਈਨ ਅਤੇ ਆਫਲਾਈਨ ਵਿਧੀ ਰਾਹੀਂ ਬਿਹਤਰ ਸੁਵਿਧਾਵਾਂ ਪ੍ਰਦਾਨ ਕਰ ਰਹੇ ਹਨ।

ਉਨ੍ਹਾਂ ਦੱਸਿਆ ਕਿ ਫਾਜ਼ਿਲਕਾ ਅਤੇ ਅਬੋਹਰ ਬਲਾਕ ਵਿਖੇ 8-8 ਸੇਵਾ ਕੇਂਦਰ ਅਤੇ ਬਲਾਕ ਜਲਾਲਾਬਾਦ ਵਿਖੇ 5 ਸੇਵਾ ਕੇਂਦਰ ਚੱਲ ਰਹੇ ਹਨ।

ਉਨ੍ਹਾਂ ਦੱਸਿਆ ਕਿ ਕੇਰੀਆਂ ਸੇਵਾ ਕੇਂਦਰ ਟਾਈਪ 3 ਸ਼ੁਰੂ ਹੋਣ ਨਾਲ ਨਾਲ ਲੱਗਦੇ ਪਿੰਡ ਸਿਵਾਣਾ, ਛੋਟਾ ਓਡੀਆ, ਵਡਾ ਓਡੀਆ, ਸਾਬੂਆਣਾ, ਨਵਾ ਸਿਵਾਣਾ, ਖਾਨਪੁਰ, ਮੁਰਾਦਵਾਲਾ ਅਤੇ ਚਾਨਣ ਵਾਲਾ ਪਿੰਡਾਂ ਦੇ ਲੋਕਾਂ ਨੂੰ ਲਾਹਾ ਪ੍ਰਾਪਤ ਹੋਇਆ ਹੈ। ਇਸੇ ਤਰ੍ਹਾਂ ਟਾਹਲੀ ਵਾਲਾ ਬੋਦਲਾ ਸੇਵਾ ਕੇਂਦਰ ਟਾਈਪ 3 ਸ਼ੁਰੂ ਹੋਣ ਨਾਲ ਪਿੰਡ ਸਿੰਘਪੁਰਾ, ਕਮਾਲਵਾਲਾ, ਇਸਲਾਮਵਾਲਾ, ਪੂਰਨ ਪਟੀ, ਘਟਿਆਂ ਵਾਲੀ ਜੱਟਾਂ, ਘਟਿਆਂ ਵਾਲੀ ਬੋਦਲਾ, ਚਾਹਲਾ, ਚੱਕ ਬਨਵਾਲਾ ਚੱਕ ਡੱਬਵਾਲਾ ਅਤੇ ਚਕ ਖਿਓ ਵਾਲਾ   ਪਿੰਡਾਂ ਦੇ ਲੋਕਾਂ ਨੂੰ ਸੁਵਿਧਾਵਾਂ ਪ੍ਰਾਪਤ ਹੋਈਆਂ ਹਨ।