ਸੇਬਾਂ ਦਾ ਟਰੱਕ ਸੜਕ ‘ਤੇ ਪਲਟਿਆ, ਰਾਹਗੀਰਾਂ ਨੇ ਲੁੱਟਿਆ
ਸੇਬਾਂ ਦਾ ਟਰੱਕ ਸੜਕ ‘ਤੇ ਪਲਟਿਆ, ਰਾਹਗੀਰਾਂ ਨੇ ਲੁੱਟਿਆ
ਸ੍ਰੀ ਫ਼ਤਹਿਗੜ੍ਹ ਸਾਹਿਬ, 3 ਦਸੰਬਰ 2022 (ਸਿਟੀਜ਼ਨਜ਼ ਵੋਇਸ)
ਸਰਹਿੰਦ-ਰਾਜਪੁਰਾ ਮੁੱਖ ਮਾਰਗ ‘ਤੇ ਪਿੰਡ ਰਾਜਿੰਦਰਗੜ੍ਹ ਕੋਲ ਪਲਟੇ ਸੇਬਾਂ ਦੇ ਟਰੱਕ ਦੇ ਜ਼ਖ਼ਮੀ ਹੋਏ ਮਾਲਕ ਨੂੰ ਬਚਾਉਣ ਦੀ ਥਾਂ ਅੱਜ ਰਾਹਗੀਰਾਂ ਨੇ ਟਰੱਕ ‘ਚ ਲੱਦੀਆਂ ਸੇਬਾਂ ਦੀਆਂ 1270 ਪੇਟੀਆਂ ਲੁੱਟਣ ਨੂੰ ਤਰਜੀਹ ਦਿੱਤੀ। ਟਰੱਕ ਮਾਲਕ ਕੁਲਜਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਬਟਾਲਾ ਦਾ ਰਹਿਣ ਵਾਲਾ ਹੈ ਅਤੇ ਆਪਣੇ ਡਰਾਈਵਰ ਨਾਲ ਕਸ਼ਮੀਰ ਤੋਂ ਸੇਬ ਲੈ ਕੇ ਬਿਹਾਰ ਜਾ ਰਿਹਾ ਸੀ ਕਿ ਟਰੱਕ ਅੱਗੇ ਕਾਰ ਚਾਲਕ ਵੱਲੋਂ ਅਚਾਨਕ ਬਰੇਕ ਲਾ ਦੇਣ ਕਾਰਨ ਟਰੱਕ ਦਾ ਸੰਤੁਲਨ ਵਿਗੜ ਗਿਆ ਅਤੇ ਟਰੱਕ ਪਲਟ ਗਿਆ।ਉਨ੍ਹਾਂ ਦੱਸਿਆ ਕਿ ਉਸ ਦੇ ਵੀ ਸੱਟਾਂ ਲੱਗੀਆਂ ਅਤੇ ਉਹ ਜ਼ਖ਼ਮੀ ਹੋਣ ਦੇ ਨਾਲ ਬੇਹੋਸ਼ ਹੋ ਗਿਆ।
ਕੁਲਜਿੰਦਰ ਸਿੰਘ ਨੇ ਦੱਸਿਆ ਕਿ ਕੁਝ ਦੇਰ ਬਾਅਦ ਜਦੋਂ ਉਸ ਨੂੰ ਹੋਸ਼ ਆਈ ਤਾਂ ਟਰੱਕ ‘ਚੋਂ ਸੇਬ ਦੀਆਂ ਪੇਟੀਆਂ ਚੁੱਕਣ ਵਾਲਿਆਂ ਦੀ ਭੀੜ ਲੱਗੀ ਹੋਈ ਸੀ। ਰਾਹਗੀਰਾਂ ਨੇ 12 ਸੌ ਤੋਂ ਵੱਧ ਸੇਬ ਦੀਆਂ ਪੇਟੀਆਂ ਲੁੱਟ ਲਈਆਂ ਪਰ ਕਿਸੇ ਇੱਕ ਵੀ ਵਿਅਕਤੀ ਨੇ ਉਨ੍ਹਾਂ ਨੂੰ ਡਾਕਟਰੀ ਸਹਾਇਤਾ ਦਵਾਉਣ ਬਾਰੇ ਨਹੀਂ ਸੋਚਿਆ।
