ਜੀਰਾ ਥਾਣੇ ਚ ਬੈਠੀ ਪੰਚਾਇਤ ਦੀ ਵੀਡੀਓ ਬਨਾਉਣ ਤੋਂ ਰੋਕਿਆ ਤਾ ਕਿਸਾਨ ਨੇਤਾ ਨੇ ਫੜਿਆ ਸਿਪਾਹੀ ਦਾ ਗਲਾ,ਵਰਦੀ ਪਾੜੀ 

ਜੀਰਾ ਥਾਣੇ ਚ ਬੈਠੀ ਪੰਚਾਇਤ ਦੀ ਵੀਡੀਓ ਬਨਾਉਣ ਤੋਂ ਰੋਕਿਆ ਤਾ ਕਿਸਾਨ ਨੇਤਾ ਨੇ ਫੜਿਆ ਸਿਪਾਹੀ ਦਾ ਗਲਾ,ਵਰਦੀ ਪਾੜੀ 

ਫਿਰੋਜ਼ਪੁਰ/ਜੀਰਾ 03 ਦਸੰਬਰ 2022 (ਸਿਟੀਜ਼ਨਜ਼ ਵੋਇਸ)

ਫਿਰੋਜ਼ਪੁਰ ਦੇ ਜੀਰਾ ਥਾਣੇ ‘ਚ ਪੰਚਾਇਤ ਅੱਗੇ ਦੋਵਾਂ ਧਿਰਾਂ ਨੂੰ ਬੁਲਾ ਕੇ ਪੁੱਛ-ਪੜਤਾਲ ਕੀਤੀ ਜਾ ਰਹੀ ਸੀ, ਇਸੇ ਕਾਰਨ ਹੀ ਇਕ ਕਿਸਾਨ ਆਗੂ ਨੇ ਮੋਬਾਇਲ ਤੋਂ ਉਥੇ ਵੀਡੀਓ ਬਣਾਉਣੀ ਸ਼ੁਰੂ ਕਰ ਦਿੱਤੀ। ਜਦੋਂ ਇਕ ਕਾਂਸਟੇਬਲ ਨੇ ਉਸ ਨੂੰ ਵੀਡੀਓ ਬਣਾਉਣ ਤੋਂ ਰੋਕਿਆ ਤਾਂ ਉਸ ਨੇ ਮੁਲਾਜ਼ਮ ਦਾ ਗਲਾ ਫੜ ਲਿਆ ਅਤੇ ਹੰਗਾਮਾ ਸ਼ੁਰੂ ਕਰ ਦਿੱਤਾ। ਪੁਲੀਸ ਨੇ ਉਕਤ ਮੁਲਾਜ਼ਮ ਦੀ ਸ਼ਿਕਾਇਤ ’ਤੇ ਕਿਸਾਨ ਆਗੂ ਖ਼ਿਲਾਫ਼ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।ਕਾਂਸਟੇਬਲ ਅਨਮੋਲਕ ਹੀਰਾ ਸਿੰਘ (630) ਨੇ ਪੁਲੀਸ ਨੂੰ ਦਿੱਤੇ ਆਪਣੇ ਬਿਆਨ ਵਿੱਚ ਦੱਸਿਆ ਕਿ ਦੋਵਾਂ ਧਿਰਾਂ ਨੂੰ ਪੁੱਛ-ਪੜਤਾਲ ਲਈ ਥਾਣੇ ਬੁਲਾਇਆ ਗਿਆ ਸੀ ਅਤੇ ਪੰਚਾਇਤ ਵੀ ਉਥੇ ਬੈਠੀ ਸੀ। ਉਹ ਵੀ ਉਥੇ ਮੌਜੂਦ ਸਨ। ਉਸੇ ਸਮੇਂ ਕਿਸਾਨ ਆਗੂ ਸ਼ਿਆਮ ਸੁੰਦਰ ਵਾਸੀ ਵਾਰਡ ਨੰਬਰ-7 ਜੀਰਾ ਨੇ ਆਪਣੇ ਮੋਬਾਈਲ ਤੋਂ ਵੀਡੀਓ ਬਣਾਉਣੀ ਸ਼ੁਰੂ ਕਰ ਦਿੱਤੀ। ਜਾਂਚ ਕਰ ਰਹੇ ਏ  ਐਸ ਆਈ ਸਤਵੰਤ ਸਿੰਘ ਦੇ ਹੁਕਮਾਂ ’ਤੇ ਸ਼ਿਆਮ ਸੁੰਦਰ ਨੂੰ ਵੀਡੀਓ ਬਣਾਉਣ ਤੋਂ ਰੋਕ ਦਿੱਤਾ। ਸ਼ਿਆਮ ਨੇ ਗੁੱਸੇ ‘ਚ ਆ ਕੇ ਉਸ ਦਾ ਗਲਾ ਫੜ ਲਿਆ ਅਤੇ ਕੁੱਟਮਾਰ ਸ਼ੁਰੂ ਕਰ ਦਿੱਤੀ। ਮੁਲਜ਼ਮਾਂ ਨੇ ਕਾਂਸਟੇਬਲ ਦੀ ਵਰਦੀ ਪਾੜ ਦਿੱਤੀ ਅਤੇ ਨੇਮ ਪਲੇਟ ਪਾੜ ਦਿੱਤੀ। ਪੁਲੀਸ ਨੇ ਮੁਲਜ਼ਮ ਨੂੰ ਮੌਕੇ ’ਤੇ ਹੀ ਕਾਬੂ ਕਰ ਲਿਆ। ਪੁਲੀਸ ਨੇ ਮੁਲਜ਼ਮ ਕੋਲੋਂ ਉਹ ਮੋਬਾਈਲ ਵੀ ਬਰਾਮਦ ਕਰ ਲਿਆ ਹੈ ਜਿਸ ਨਾਲ ਉਹ ਵੀਡੀਓ ਬਣਾ ਰਿਹਾ ਸੀ। ਥਾਣਾ ਸਿਟੀ ਪੁਲੀਸ ਨੇ ਮੁਲਜ਼ਮ ਸ਼ਿਆਮ ਸੁੰਦਰ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ।