ਫ਼ਿਰੋਜ਼ਪੁਰ ਚ ਬ੍ਰਾਂਡੇਡ ਕੰਪਨੀ ਦਾ ਨਕਲੀ ਪੇਂਟ ਵੇਚਣ ਵਾਲੇ ਦੁਕਾਨਦਾਰ ‘ਤੇ ਧੋਖਾਧੜੀ ਦਾ ਮਾਮਲਾ ਦਰਜ
- 288 Views
- kakkar.news
- November 24, 2023
- Crime Punjab
ਫ਼ਿਰੋਜ਼ਪੁਰ ਚ ਬ੍ਰਾਂਡੇਡ ਕੰਪਨੀ ਦਾ ਨਕਲੀ ਪੇਂਟ ਵੇਚਣ ਵਾਲੇ ਦੁਕਾਨਦਾਰ ‘ਤੇ ਧੋਖਾਧੜੀ ਦਾ ਮਾਮਲਾ ਦਰਜ
ਫ਼ਿਰੋਜ਼ਪੁਰ 24- 11-2023 (ਸਿਟੀਜ਼ਨਜ਼ ਵੋਇਸ)
ਕੰਪਨੀ ਅਧਿਕਾਰੀਆਂ ਨੇ ਬ੍ਰਾਂਡੇਡ ਪੇਂਟ ਦੇ ਨਕਲੀ ਮਾਰਕ ਵਾਲਾ ਸਾਮਾਨ ਵੇਚਣ ਵਾਲੇ ਦੁਕਾਨਦਾਰ ਵਿਰੁੱਧ ਪਰਚਾ ਦਰਜ ਕੀਤਾ ਹੈ। ਫ਼ਿਰੋਜ਼ਪੁਰ ਸ਼ਹਿਰ ਦੀ ਇਕ ਪੇਂਟ ਦੀ ਦੁਕਾਨ ‘ਤੇ ਇਕ ਨਾਮੀ ਕੰਪਨੀ ਦੇ ਨਾਂ ‘ਤੇ ਨਕਲੀ ਸਾਮਾਨ ਵੇਚਣ ਦੇ ਦੋਸ਼ ‘ਚ ਪੁਲਸ ਨੇ ਦੁਕਾਨਦਾਰ ਖਿਲਾਫ ਮਾਮਲਾ ਦਰਜ ਕੀਤਾ ਹੈ। ਬ੍ਰਾਂਡੇਡ ਕੰਪਨੀ ਦੇ ਤਫਤੀਸ਼ੀ ਅਫਸਰ ਵੱਲੋਂ ਥਾਣਾ ਸਿਟੀ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਵਿਜੇ ਕੁਮਾਰ ਹੀਰਾਮਨਪਾਲ ਵਾਸੀ ਨਵੀਂ ਦਿੱਲੀ ਨੇ ਦੱਸਿਆ ਕਿ ਉਹ ਇਕ ਬ੍ਰਾਂਡੇਡ ਪੇਂਟ ਕੰਪਨੀ ਦਾ ਤਫ਼ਤੀਸ਼ੀ ਅਫ਼ਸਰ ਹੈ ਅਤੇ 22 ਨਵੰਬਰ ਨੂੰ ਫ਼ਿਰੋਜ਼ਪੁਰ ਦੇ ਦੌਰੇ ਦੌਰਾਨ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਮੱਲਵਾਲ ਰੋਡ ‘ਤੇ ਪੇਂਟ ਦਾ ਕੰਮ ਕਰਨ ਵਾਲਾ ਦੁਕਾਨਦਾਰ ਅਮਿਤ ਧਵਨ ਉਨ੍ਹਾਂ ਦੀ ਕੰਪਨੀ ਦਾ ਨਕਲੀ ਸਮਾਨ ਤਿਆਰ ਕਰਕੇ ਕੰਪਨੀ ਦੇ ਜੌਲੀ ਮਾਰਕ ਲਗਾ ਕੇ ਵੇਚ ਰਿਹਾ ਸੀ |ਜਿਸਦੀ ਸੂਚਨਾ ਉਸਨੇ ਨਾਲ ਲੱਗਦੇ ਥਾਣਾ ਸਿਟੀ ਨੂੰ ਦਿੱਤੀ |
ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਸਬ-ਇੰਸਪੈਕਟਰ ਪਰਮਜੀਤ ਕੌਰ ਨੇ ਦੱਸਿਆ ਕਿ ਸ਼ਿਕਾਇਤਕਰਤਾ ਦੇ ਬਿਆਨਾਂ ਦੇ ਆਧਾਰ ‘ਤੇ ਪੁਲਸ ਨੇ ਥਾਣਾ ਸਿਟੀ ‘ਚ 420 ਆਈ.ਪੀ.ਸੀ ਅਤੇ ਕਾਪੀ ਰਾਈਟ ਐਕਟ ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।