ਫਿਰੋਜ਼ਪੁਰ ਚ ਨਾਕੇ ਦੌਰਾਨ ਪੁਲਿਸ ਉਤੇ ਬਾਦਮਸ਼ਾ ਵਲੋਂ ਗੱਡੀ ਚੜ੍ਹਾਨ ਦੀ ਕੀਤੀ ਕੋਸ਼ਿਸ਼
ਫਿਰੋਜ਼ਪੁਰ ਚ ਨਾਕੇ ਦੌਰਾਨ ਪੁਲਿਸ ਉਤੇ ਬਾਦਮਸ਼ਾ ਵਲੋਂ ਗੱਡੀ ਚੜ੍ਹਾਨ ਦੀ ਕੀਤੀ ਕੋਸ਼ਿਸ਼
ਫਿਰੋਜ਼ਪੁਰ 25 ਦਸੰਬਰ 2023 (ਅਨੁਜ ਕੱਕੜ ਟੀਨੂੰ)
ਸਿਟੀ ਥਾਣੇ ਫਿਰੋਜਪੁਰ ਵਿਖੇ ਪੁਲਿਸ ਨੂੰ ਸੂਚਨਾ ਮਿਲੀ ਕੁੱਜ ਲੋਕ ਦਿੱਲੀ ਨੰਬਰ ਦੀ ਸਵਿਫਟ ਕਾਰ ਵਿੱਚ ਚੋਰੀ ਦਾ ਸਾਮਾਨ ਲੈ ਕੇ ਜਾ ਰਹੇ ਹਨ । ਸੂਚਨਾ ਦੇ ਆਧਾਰ ‘ਤੇ ਏ.ਐੱਸ.ਆਈ. ਸ਼ਰਮਾ ਸਿੰਘ ਅਤੇ ਰਜਿੰਦਰ ਦੀ ਅਗਵਾਈ ਵਾਲੀ ਪੁਲਸ ਟੀਮ ਨੇ ਨਾਕੇਬੰਦੀ ਕਰ ਕੇ ਵਾਹਨਾਂ ਦੀ ਚੈਕਿੰਗ ਸ਼ੁਰੂ ਕਰ ਦਿੱਤੀ।
ਇਸੇ ਵਿਚਕਾਰ ਦੂਰ ਤੋਂ ਸਵਿੱਫਟ ਕਾਰ ਕਾਲੇ ਸ਼ੀਸ਼ੇ ਵਾਲੀ ਦਿੱਲੀ ਨੰਬਰ ਸਾਹਮਣੇ ਆਉਂਦਿਆਂ ਦਿਖਾਈ ਦਿੱਤੀ ਤਾ ਪੁਲਿਸ ਚੌਕਸ ਹੋ ਗਈ ਅਤੇ ਓਹਨਾ ਕਾਰ ਨੂੰ ਰੋਕਣ ਦਾ ਇਸ਼ਾਰਾ ਕੀਤਾ ਤਾ ਗੱਡੀ ਚਲਾ ਰਹੇ ਉਕਤ ਵਿਅਕਤੀਆਂ ਨੇ ਕਾਰ ਦੀ ਸਪੀਡ ਹੋਰ ਤੇਜ਼ ਕਰ ਦਿਤੀ ਅਤੇ ਨਾਕੇ ਤੇ ਖੜ੍ਹੀ ਪੁਲਿਸ ਨੂੰ ਰੋਂਦ ਦੇਣ ਦੇ ਮਕਸਦ ਨਾਲ ਓਹਨਾ ਉਪਰੋਂ ਕਾਰ ਲੰਗਣ ਦੀ ਕੋਸ਼ਿਸ਼ ਕਿੱਤੀ ! ਜਿਸ ਨਾਲ ਪੁਲਿਸ ਮੁਲਾਜ਼ਮ ਬਾਲ ਬਾਲ ਬਚ ਗਏ । ਨਾਕੇ ਤੇ ਖੜ੍ਹੀ ਪੁਲਿਸ ਅਤੇ ਉਹਨਾਂ ਦੀ ਟੀਮ ਦੁਆਰਾ ਆਪਣੀ ਸੁਰੱਖਿਆ ਲਈ ਗੱਡੀ ਦੇ ਟਾਈਰ ‘ਤੇ ਫਾਇਰਿੰਗ ਵੀ ਕੀਤੀ ਗਈ ਸੀ ।
ਇਸ ਦੇ ਬਾਅਦ ਬਦਮਾਸ਼ ਗੱਡੀ ਨੂੰ ਕੁਝ ਹੀ ਦੂਰੀ ‘ਤੇ ਛੱਡ ਕੇ ਭੱਜ ਗਏ ।ਜਿੱਸ ਨੂੰ ਬਾਅਦ ਚ ਪੁਲਿਸ ਨੇ ਹਿਰਾਸਤ ਚ ਲੈ ਲਿਆ ਹੈ। ਗੱਡੀ ਵਿੱਚ 4 ਲੋਕ ਸਵਾਰ ਸੀ ਜਿਨ੍ਹਾਂ ਦੀ ਖੋਜ ਸ਼ੁਰੂ ਕਰ ਦਿੱਤੀ ਗਈ ਹੈ ਅਤੇ CCTV ਵੀ ਖੰਗਾਲੇ ਜਾ ਰਹੇ ਹਨ ।
