ਕਾਰ ਸਵਾਰ ਵਿਅਕਤੀਆਂ ਵਲੋਂ ਢਾਬੇ ਤੇ ਪਾਣੀ ਲੈਣ ਰੁਕੇ ਨੌਜਵਾਨ ਤੇ ਕੀਤੀ ਫਾਇਰਿੰਗ ,2 ਨਾਮਜ਼ਦ
ਕਾਰ ਸਵਾਰ ਵਿਅਕਤੀਆਂ ਵਲੋਂ ਢਾਬੇ ਤੇ ਪਾਣੀ ਲੈਣ ਰੁਕੇ ਨੌਜਵਾਨ ਤੇ ਕੀਤੀ ਫਾਇਰਿੰਗ ,2 ਨਾਮਜ਼ਦ
ਜ਼ੀਰਾ/ਫਿਰੋਜ਼ਪੁਰ 01 ਮਾਰਚ 2024 (ਅਨੁਜ ਕੱਕੜ ਟੀਨੂੰ)
ਥਾਣਾ ਸਦਰ ਜ਼ੀਰਾ ਦੇ ਤਹਿਤ ਆਉਂਦੇ ਪਿੰਡ ਮੇਹਰ ਸਿੰਘ ਵਾਲਾ ਵਿਖੇ ਇਕ ਢਾਬੇ ਤੇ ਦੋ ਕਾਰ ਸਵਾਰ ਅਣਪਛਾਤੇ ਵਿਅਕਤੀਆਂ ਵਲੋਂ ਚੰਡੀਗੜ੍ਹ ਆਪਣੀ ਭੂਆ ਨੂੰ ਮਿਲਣ ਜਾ ਰਹੇ ਨੌਜਵਾਨਾਂ ਤੇ ਫਾਇਰਿੰਗ ਕਰਨ ਦਾ ਮਾਮਲਾ ਸਾਮਣੇ ਆਇਆ ਹੈ ।
ਮਨਪ੍ਰੀਤ ਸਿੰਘ ਮੰਨੂ ਪੁੱਤਰ ਗੁਰਦੇਵ ਸਿੰਘ ਵਾਸੀ ਹਾਮਦ ਵਾਲਾ ਉਤਾੜ ਵਲੋਂ ਪੁਲਿਸ ਨੂੰ ਦਿੱਤੇ ਬਿਆਨਾਂ ਚ ਕਿਹਾ ਗਿਆ ਹੈ ਕਿ ਉਹ ਅਤੇ ਉਸਦਾ ਦੋਸਤ ਗੁਰਦੇਵ ਸਿੰਘ ਪੁੱਤਰ ਲਖਵਿੰਦਰ ਸਿੰਘ ਵਾਸੀ ਬੰਡਾਲਾ ਥਾਣਾ ਆਰਿਫ਼ ਕੇ ਦੇ ਨਾਲ ਆਪਣੀ ਗੱਡੀ ਤੇ ਸਵਾਰ ਹੋ ਕੇ ਫਿਰੋਜ਼ਪੁਰ ਸ਼ਹਿਰ ਤੋਂ ਵਾਇਆ ਜ਼ੀਰਾ ਹੋ ਕੇ ਚੰਡੀਗੜ੍ਹ ਆਪਣੀ ਭੂਆ ਕੋਲ ਜਾ ਰਹੇ ਸਨ। ਜਦ ਉਹ ਰਸਤੇ ਚ ਆਉਂਦੇ ਪਿੰਡ ਮੇਹਰ ਸਿੰਘ ਵਾਲਾ ਵਿਖੇ ਇਕ ਢਾਬੇ ਤੇ ਪਾਣੀ ਲੈਣ ਲਈ ਰੁਕੇ ਤਾ ਇਕ ਕਾਰ ਜਿਸ ਵਿਚ 2 ਵਿਅਕਤੀ ਸਵਾਰ ਸਨ ਜੋ ਕੇ ਮਨਪ੍ਰੀਤ ਹੋਰਾਂ ਦਾ ਪਿੱਛਾ ਕਰ ਰਹੇ ਸਨ ।ਆਪਣੀ ਦਸਤੀ ਪਿਸਤੌਲ ਨਾਲ ਓਹਨਾ (ਮਨਪ੍ਰੀਤ ਹੋਰਾਂ) ਤੇ ਫਾਇਰਿੰਗ ਕਰਨੀ ਸ਼ੁਰੂ ਕਰ ਦਿੱਤੀ ।ਜਿਨਾਂ ਵਿੱਚੋ ਇਕ ਗੋਲੀ ਮਨਪ੍ਰੀਤ ਸਿੰਘ ਦੀ ਖੱਬੀ ਬਾਂਹ ਦੇ ਡੋਲੇ ਪਰ ਲੱਗੀ ।ਗੋਲੀ ਲਗਦੀਆਂ ਦੇਖ ਕਾਰ ਸਵਾਰ ਵਿਅਕਤੀ ਓਥੋਂ ਗੱਡੀ ਭਜਾ ਕੇ ਫਰਾਰ ਹੋ ਗਏ। ਜਿਸ ਤੋਂ ਬਾਅਦ ਮਨਪ੍ਰੀਤ ਸਿੰਘ ਨੂੰ ਇਲਾਜ਼ ਲਈ ਸਿਵਲ ਹਸਪਤਾਲ ਜ਼ੀਰਾ ਵਿੱਚੇ ਦਾਖ਼ਿਲ ਕਰਵਾਇਆ ਗਿਆ ।
ਜ਼ੀਰਾ ਪੁਲਿਸ ਵੱਲੋ ਮਨਪ੍ਰੀਤ ਸਿੰਘ ਦੇ ਬਿਆਨਾਂ ਦੇ ਮੁਤਾਬਿਕ ਅਣਪਛਾਤੇ ਵਿਅਕਤੀਆਂ ਖਿਲਾਫ ਅਧੀਨ ਧਾਰਾ 307 ਆਈ ਪੀ ਸੀ25 /27/54/59 ਆਰਮਜ਼ ਐਕਟ ਦੀਆਂ ਧਾਰਾਵਾਂ ਤਹਿਤ ਮੁਕਦਮਾ ਦਰਜ਼ ਕਰ ਲਿੱਤਾ ਗਿਆ ਹੈ ।
