ਫਿਰੋਜ਼ਪੁਰ ਪੁਲਿਸ ਵਲੋਂ ਸ਼ੱਕੀ ਠਿਕਾਣਿਆਂ ਅਤੇ 10 ਡਰੱਗ ਹੋਟਸਪੋਟ ਥਾਵਾਂ ਪਰ ਸ਼ਪੈਸਲ “ਘੇਰਾਬੰਦੀ ਅਤੇ ਤਲਾਸ਼ੀ ਅਭਿਆਨ’ ਚਲਾਇਆ ਗਿਆ

ਫਿਰੋਜ਼ਪੁਰ ਪੁਲਿਸ ਵਲੋਂ ਸ਼ੱਕੀ ਠਿਕਾਣਿਆਂ ਅਤੇ 10 ਡਰੱਗ ਹੋਟਸਪੋਟ ਥਾਵਾਂ ਪਰ ਸ਼ਪੈਸਲ “ਘੇਰਾਬੰਦੀ ਅਤੇ ਤਲਾਸ਼ੀ ਅਭਿਆਨ’ ਚਲਾਇਆ ਗਿਆ,

ਤਲਾਸ਼ੀ ਅਭਿਆਨ’ ਦੌਰਾਨ 11 FIR ਦਰਜ ਹੋਈਆਂ ਅਤੇ 7 ਆਰੋਪੀ ਕੀਤੇ ਕਾਬੂ

ਫਿਰੋਜ਼ਪੁਰ 21 ਜੂਨ 2024 (ਅਨੁਜ ਕੱਕੜ ਟੀਨੂੰ )

ਸ਼੍ਰੀ ਬਲਜੋਤ ਸਿੰਘ ਰਾਠੋਰ, ਆਈ.ਪੀ.ਐਸ, ਮਾਨਯੋਗ ਇੰਸਪੈਕਟਰ ਜਨਰਲ ਆਫ ਪੁਲਿਸ, ਜੀ.ਆਰ.ਪੀ. ਪੰਜਾਬ, ਪਟਿਆਲਾ ਅਤੇ ਸ੍ਰੀਮਤੀ ਸੋਮਿਆ ਮਿਸ਼ਰਾ, ਆਈ.ਪੀ.ਐਸ, ਐਸ.ਐਸ.ਪੀ. ਫਿਰੋਜ਼ਪੁਰ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਨਸ਼ਾ ਤਸਕਰਾਂ, ਸਮਾਜ ਵਿਰੋਧੀ ਅਨਸਰਾਂ ਅਤੇ ਸ਼ਰਾਰਤੀ ਅਨਸਰਾਂ ਦੀਆਂ ਵਾਰਦਾਤਾਂ ਨੂੰ ਪੂਰੀ ਤਰ੍ਹਾਂ ਠੱਲ ਪਾਉਣ ਲਈ ਸ਼੍ਰੀ ਰਣਧੀਰ ਕੁਮਾਰ ਆਈ.ਪੀ.ਐਸ, ਕਪਤਾਨ ਪੁਲਿਸ (ਇੰਨਵੈ:), ਦੀ ਨਿਗਰਾਨੀ ਹੇਠ ਸ਼੍ਰੀ ਬਲਕਾਰ ਸਿੰਘ ਡੀ.ਐਸ.ਪੀ (ਡੀ) ਫਿਰੋਜ਼ਪੁਰ, ਸ਼੍ਰੀ ਨਵੀਨ ਕੁਮਾਰ ਡੀ.ਐਸ.ਪੀ. ਐਨ.ਡੀ.ਪੀ ਐਸ ਕਮ ਨਾਰਕੋਟਿਕ ਫਿਰੋਜ਼ਪੁਰ, ਸ਼੍ਰੀ ਪ੍ਰਦੀਪ ਸਿੰਘ ਡੀ.ਐਸ.ਪੀ ਕਰਾਈਮ ਵਿਰੁੱਧ ਔਰਤਾਂ ਫਿਰੋਜ਼ਪੁਰ, ਸ੍ਰੀ ਸੁਖਵਿੰਦਰ ਸਿੰਘ ਡੀ.ਐਸ.ਪੀ ਸਿਟੀ ਫਿਰੋਜ਼ਪੁਰ, ਸ੍ਰੀ ਰਾਜੇਸ਼ ਕੁਮਾਰ ਡੀ.ਐਸ.ਪੀ ਦਿਹਾਤੀ ਫਿਰੋਜ਼ਪੁਰ, ਸ਼੍ਰੀ ਗੁਰਦੀਪ ਸਿੰਘ ਡੀ.ਐਸ.ਪੀ ਜੀਰਾ ਅਤੇ ਸ੍ਰੀ ਅਤੁਲ ਸੋਨੀ ਡੀ.ਐਸ.ਪੀ ਗੁਰੂਹਰਸਹਾਏ ਦੀ ਅਗਵਾਈ ਅਧੀਨ ਫਿਰੋਜਪੁਰ ਦੇ ਸਬ-ਡਿਵੀਜਨ ਸਿਟੀ ਫਿਰੋਜ਼ਪੁਰ, ਸਬ-ਡਿਵੀਜਨ ਦਿਹਾਤੀ ਫਿਰੋਜ਼ਪੁਰ, ਸਬ-ਡਿਵੀਜਨ ਗੁਰੂਹਰਸਹਾਏ ਅਤੇ ਸਬ-ਡਿਵੀਜਨ ਜੀਰਾ ਦੇ ਸ਼ੱਕੀ ਠਿਕਾਣਿਆਂ ਪਰ ਅਤੇ ਡਰੱਗ ਹੋਟਸਪੋਟ ਥਾਵਾਂ ਪਰ ਸ਼ਪੈਸਲ ਸਰਚ ਅਪਰੇਸ਼ਨ ਚਲਾਇਆ ਗਿਆ। ਇਸ ਸਰਚ ਅਪਰੇਸ਼ਨ ਵਿੱਚ 01 ਐਸ.ਪੀ ਸਹਿਬਾਨ, 07 ਡੀ.ਐਸ.ਪੀ, 14 ਇੰਸਪੈਕਟਰ/ਐਸ.ਐਚ.ਓ/, 220ਐਨ.ਜੀ.ਓ/ਈ.ਪੀ.ਓ. ਦੇ ਕਰੀਬ ਪੁਲਿਸ ਕਰਮਚਾਰੀਆ ਨੇ ਹਿੱਸ ਲਿਆ।ਜਿਲ੍ਹੇ ਵਿੱਚ ਅਮਨ ਕਾਨੂੰਨ ਬਰਕਰਾਰ ਰੱਖਣ ਅਤੇ ਨਸ਼ਾ ਤਸਕਰਾਂ ਤੇ ਨਿਕੇਲ ਕੱਸਣ ਲਈ ਸਪੈਸ਼ਲ ਘੇਰਾਬੰਦੀ ਅਤੇ ਤਲਾਸ਼ੀ ਅਭਿਆਨ ਚਲਾ ਕੇ 10 ਡੱਰਗ ਹੋਟਸਪੋਟ ਥਾਵਾਂ ਅਤੇ ਸ਼ੱਕੀ ਵਿਅਕਤੀਆਂ ਦੇ ਛੁਪਣਗਾਹਾਂ ਪਰ ਤਲਾਸ਼ੀ ਕੀਤੀ ਗਈ। ਇਸ ਸਰਚ ਅਪਰੇਸ਼ਨ ਦੇ ਦੌਰਾਨ 06 ਮਾੜੇ ਅਨਸਰਾਂ ਅਤੇ ਨਸ਼ਾ ਤਸਕਰਾਂ ਨੂੰ ਕਾਬੂ ਕਰਕੇ ਉਨ੍ਹਾਂ ਪਾਸੋ 660 ਗ੍ਰਾਮ ਹੈਰੋਇਨ ਅਤੇ 320 ਲੀਟਰ ਲਾਹਨ, 97 ਬੋਤਲਾਂ ਨਜਾਇਜ਼ ਸ਼ਰਾਬ ਅਤੇ ਆਦਤਨ ਦੜਾ ਸੱਟਾ ਲਗਾਉਣ ਦੇ ਅਪਰਾਧੀ ਨੂੰ ਕਾਬੂ ਕਰਕੇ ਉਸ ਪਾਸੋ 1210/-ਰੁਪਏ ਦੀ ਰਾਸ਼ੀ ਬਰਾਮਦ ਕੀਤੀ ਅਤੇ ਕੁੱਲ 11 ਮੁੱਕਦਮੇ ਦਰਜ਼ ਕੀਤੇ ਗਏ। ਨਾਲ ਹੀ ਸ਼ੱਕੀ ਵਾਹਨਾਂ ਦੀ ਚੈਕਿੰਗ ਵੀ ਕੀਤੀ ਗਈ ਅਤੇ ਟੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆ ਦੇ ਖਿਲਾਫ ਚਲਾਨ ਜਾਰੀ ਕੀਤੇ ਗਏ। ਸਮਾਜ ਵਿੱਚ ਨਸ਼ੇ ਦੇ ਖਾਤਮੇ ਲਈ ਅਤੇ ਸਮਾਜ ਵਿਰੋਧੀ ਅਨਸਰਾਂ ਤੇ ਪੂਰੀ ਤਰਾਂ ਠੱਲ ਪਾਉਣ ਲਈ ਫਿਰੋਜ਼ਪੁਰ ਪੁਲਿਸ ਵਚਨਬੱਧ ਹੈ।