ਫਿਰੋਜ਼ਪੁਰ ਪੁਲਿਸ ਨੇ ਸ਼ਿਸ਼ੂ ਗੈਂਗ ਦੇ 4 ਮੈਬਰ ਅਸਲੇ ਸਮੇਤ ਕੀਤੇ ਕਾਬੂ
- 161 Views
- kakkar.news
- July 1, 2024
- Crime Punjab
ਫਿਰੋਜ਼ਪੁਰ ਪੁਲਿਸ ਨੇ ਸ਼ਿਸ਼ੂ ਗੈਂਗ ਦੇ 4 ਮੈਬਰ ਅਸਲੇ ਸਮੇਤ ਕੀਤੇ ਕਾਬੂ
ਫਿਰੋਜ਼ਪੁਰ 01 ਜੁਲਾਈ 2024 (ਅਨੁਜ ਕੱਕੜ ਟੀਨੂੰ)
ਸ੍ਰੀਮਤੀ ਸੋਮਿਆ ਮਿਸ਼ਰਾ, ਆਈ.ਪੀ.ਐੱਸ, ਮਾਨਯੋਗ ਸੀਨੀਅਰ ਕਪਤਾਨ ਪੁਲਿਸ, ਫਿਰੋਜਪੁਰ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਮਾੜੇ ਅਨਸਰਾਂ ਖਿਲਾਫ ਕਾਰਵਾਈ ਕਰਦੇ ਹੋਏ ਫਿਰੋਜਪੁਰ ਪੁਲਿਸ ਨੂੰ ਉਸ ਵੇਲੇ ਵੱਡੀ ਸਫਲਤਾ ਹਾਸਲ ਹੋਈ ਜਦੋਂ ਸ੍ਰੀ ਰਣਧੀਰ ਕੁਮਾਰ, ਆਈ.ਪੀ.ਐੱਸ. ਕਪਤਾਨ ਪੁਲਿਸ (ਇੰਨਵ:) ਫਿਰੋਜਪੁਰ ਦੀ ਅਗਵਾਈ ਹੇਠ ਸ੍ਰੀ ਬਲਕਾਰ ਸਿੰਘ, ਪੀ.ਪੀ.ਐੱਸ. ਉਪ ਕਪਤਾਨ ਪੁਲਿਸ (ਡੀ). ਫਿਰੋਜਪੁਰ ਦੀ ਜੇਰ ਨਿਗਰਾਨੀ ਸੀ.ਆਈ.ਏ. ਸਟਾਫ, ਫਿਰੋਜਪੁਰ ਦੀਆ ਬਣਾਈਆਂ ਗਈਆਂ ਟੀਮਾਂ ਨੂੰ ਸੂਚਨਾਂ ਮਿਲੀ ਕਿ 1) ਜਗਸੀਰ ਸਿੰਘ ਉਰਫ ਸ਼ਿਸ਼ੁ ਪੁੱਤਰ ਬਗੀਚਾ ਸਿੰਘ, ਵਾਸੀ ਪਿੰਡ ਸ਼ੇਰ ਖਾਂ, ਥਾਣਾ ਕੁੱਲਗੜ੍ਹੀ, 2) ਵਿੱਕੀ ਉਰਫ ਸੁੰਡੀ ਪੁੱਤਰ ਸੁਰਜੀਤ ਸਿੰਘ, ਵਾਸੀ ਵਾਰਡ ਨੰਬਰ 03, ਬਸਤੀ ਆਵਾ, ਭਾਰਤ ਨਗਰ, ਫਿਰੋਜਪੁਰ ਸ਼ਹਿਰ, 3) ਕਪਿਲ ਪੁੱਤਰ ਅਰਜਨ ਸਿੰਘ, ਵਾਸੀ ਗਲੀ ਸੇਠੀ ਮਾਡਲ ਸਕੂਲ ਵਾਲੀ, ਮਖੂ ਗੇਟ, ਫਿਰੋਜਪੁਰ ਸ਼ਹਿਰ ਅਤੇ 4) ਸਚਿਨ ਪੁੱਤਰ ਰਾਜੇਸ਼, ਵਾਸੀ ਗਲੀ ਨੰਬਰ 03, ਬਸਤੀ ਭੱਟੀਆਂ, ਫਿਰੋਜਪੁਰ ਸ਼ਹਿਰ ਨੇ ਗਿਰੋਹ ਬਣਾਇਆ ਹੋਇਆ ਹੈ, ਜਿਨ੍ਹਾਂ ਪਾਸ ਅਸਲਾ ਹੈ, ਜੋ ਕਿਸੇ ਵਾਰਦਾਰ ਨੂੰ ਅੰਜਾਮ ਦੇਣ ਦੀ ਤਾਕ ਵਿੱਚ ਸਕਾਰਪਿਓ ਗੱਡੀ ਨੰਬਰ DL 12 CA 6814 ਪਰ ਸਵਾਰ ਹਨ। ਜਿਸ ਤੇ ਦੋਸ਼ੀਆਂ ਦੇ ਖਿਲਾਫ ਮੁਕੱਦਮਾ ਨੰਬਰ 63 ਮਿਤੀ 29-06-2024 ਅ/ਧ 25 ਅਸਲਾ ਐਕਟ ਥਾਣਾਂ ਕੁੱਲਗੜ੍ਹੀ ਦਰਜ ਕਰਕੇ ਰੇਡ ਕਰਕੇ ਦੋਸ਼ੀਆਂ ਨੂੰ ਕਾਬੂ ਕਰਕੇ ਇਹਨਾਂ ਪਾਸੋਂ 02 ਨਜਾਇਜ ਪਿਸਤੌਲ (01 ਪਿਸਤੌਲ .32 ਬੋਰ ਅਤੇ 01 ਪਿਸਤੌਲ 30 ਬੋਰ) ਸਮੇਤ 08 ਰੌਂਦ ਜਿੰਦਾ ਬਰਾਮਦ ਕੀਤੇ ਗਏ। ਦੋਸ਼ੀਆਂ ਪਾਸੋਂ ਸਖਤੀ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।