ਗੋਲਡੀ ਬਰਾੜ ਅਤੇ ਰਿੰਦਾ ਨੇ ਫਿਰੋਜ਼ਪੁਰ ਦੇ ਕਾਰੋਬਾਰੀ ਕੋਲੋਂ ਮੰਗੀ ਕਰੋੜਾਂ ਦੀ ਰੰਗਦਾਰੀ
- 637 Views
- kakkar.news
- July 17, 2024
- Crime Punjab
ਗੋਲਡੀ ਬਰਾੜ ਅਤੇ ਰਿੰਦਾ ਨੇ ਫਿਰੋਜ਼ਪੁਰ ਦੇ ਕਾਰੋਬਾਰੀ ਕੋਲੋਂ ਮੰਗੀ ਕਰੋੜਾਂ ਦੀ ਰੰਗਦਾਰੀ
ਫਿਰੋਜ਼ਪੁਰ 17 ਜੁਲਾਈ 2024 (ਅਨੁਜ ਕੱਕੜ ਟੀਨੂੰ)
ਪਾਕਿਸਤਾਨ ਚ ਬੈਠੇ ਹਰਿੰਦਰ ਰਿੰਦਾ ਅਤੇ ਗੋਲਡੀ ਬਰਾੜ ਦੇ ਖਿਲਾਫ ਥਾਣਾ ਕੁਲਗੜੀ ਵਿਖੇ ਫਿਰੋਜ਼ਪੁਰ ਦੇ ਨਾਮਿ ਕਾਰੋਬਾਰੀ ਕੋਲੋਂ ਰੰਗਦਾਰੀ ਮੰਗਣ ਦੇ ਦੋਸ਼ ਚ ਇਕ ਮਾਮਲਾ ਦਰਜ ਕੀਤਾ ਗਿਆ ਹੈ ।
ਵਰਿੰਦਰ ਪਾਲ ਸਿੰਘ ਪੁੱਤਰ ਅਮਰੀਕ ਸਿੰਘ ਵਲੋਂ ਪੁਲਿਸ ਨੂੰ ਦਿਤੇ ਬਿਆਨ ਚ ਕਿਹਾ ਗਿਆ ਕਿ ਓਹਨਾ ਨੂੰ ਪਿਛਲੇ ਸਾਲ ਵਟਸਅਪ ਤੇ ਐਸ ਐਮ ਐਸ ਰਹੀ ਉਸ ਕੋਲੋਂ 50 ਲੱਖ ਦੀ ਫਿਰੌਤੀ ਦੀ ਮੰਗ ਕੀਤੀ ਗਈ ਸੀ ਅਤੇ ਫਿਰੌਤੀ ਮੰਗਣ ਵਾਲਾ ਆਪਣਾ ਨਾਮ ਗੋਲਡੀ ਬਰਾੜ ਦੱਸ ਰਿਹਾ ਸੀ। ਵਰਿੰਦਰ ਦੇ ਕਹਿਣ ਮੁਤਾਬਿਕ ਵਟਸਅਪ ਤੇ ਐਸ ਐਮ ਐਸ ਕਰਨ ਵਾਲੇ ਗੋਲਡੀ ਬਰਾੜ ਵੱਲੋਂ ਫਿਰੌਤੀ ਨਾ ਦੇਣ ਦੀ ਸੂਰਤ ਤੇ ਜਾਣੋ ਮਾਰਨ ਦੀਆਂ ਧਮਕੀਆਂ ਵੀ ਦਿਤੀਆਂ ਗਈਆਂ ਸਨ । ਵਰਿੰਦਰ ਦੇ ਪੁਲਿਸ ਨੂੰ ਇਹ ਵੀ ਦਸਿਆ ਕਿ ਅਜੇ ਇਸ ਗੱਲ ਨੂੰ ਸਾਲ ਵੀ ਨਹੀਂ ਸੀ ਹੋਇਆ ਸੀ ਕੇ ਮਿਤੀ 28 -06 – 2024 ਨੂੰ ਓਹਨਾ ਘਰ ਹੱਥ ਲਿਖਤ ਚਿੱਠੀ ਆਉਂਦੀ ਹੈ ਅਤੇ ਚਿੱਠੀ ਚ ਉਨ੍ਹਾਂ ਕੋਲੋਂ 2 ਕਰੋੜ ਦੀ ਫਿਰੌਤੀ ਦੀ ਮੰਗ ਕੀਤੀ ਗਈ ਹੈ । ਅਤੇ ਹਰਿੰਦਰ ਸਿੰਘ ਰਿੰਦਾ ਵੱਲੋਂ ਵਟਸਅਪ ਤੇ ਵੀ ਧਮਕੀਆਂ ਵੀ ਦਿਤੀਆਂ ਜਾ ਰਹੀਆਂ ਹਨ । ਵਰਿੰਦਰ ਪਾਲ ਸਿੰਘ ਦੇ ਬਿਆਨਾ ਤਹਿਤ ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਆਪਣੇ ਆਈ ਟੀ ਸੈੱਲ ਦੀ ਮਦਦ ਨਾਲ ਇਸ ਕੇਸ ਨੂੰ ਸੁਲਝਾਉਣ ਚ ਲੱਗ ਗਈ ਹੈ ।
ਦਸਣਯੋਗ ਗੱਲ ਇਥੇ ਇਹ ਵੀ ਹੈ ਕਿ ਹਰਿੰਦਰ ਸਿੰਘ ਰਿੰਦਾ ਅਤੇ ਗੋਲਡੀ ਬਰਾੜ ਵੱਲੋਂ ਪਹਿਲਾ ਵੀ ਫਿਰੌਤੀ ਅਤੇ ਰੰਗਦਾਰੀ ਮੰਗੇ ਜਾਨ ਦੇ ਕਈ ਮਾਮਲੇ ਸਾਮਣੇ ਆਏ ਹੋਏ ਹਨ । ਹਰਿੰਦਰ ਰਿੰਦਾ ਪਾਕਿਸਤਾਨੀ ਬੇਸ ਅੱਤਵਾਦੀ ਹੈ ਅਤੇ ਉਹ ਭਾਰਤ ਵਿਰੋਧੀ ਗਤਿਵਿਧਿਆਂ ਨੂੰ ਅੰਜਾਮ ਦਿੰਦਾ ਹੈ ਅਤੇ ਜੇ ਕਰ ਗਲ ਕਰੀਏ ਗੋਲਡੀ ਬਰਾੜ ਦੀ ਤਾਂ ਗੋਲਡੀ ਦਾ ਨਾਮ ਮਸ਼ਹੂਰ ਗਾਈਕ ਸਿੱਧੂ ਮੂਸੇਵਾਲਾ ਦੇ ਕਤਲ ਦੇ ਮੁਖ ਦੋਸ਼ੀ ਗੈਂਗਸਟਰ ਲਾਰੇਂਸ ਬਿਸ਼ਨੋਈ ਦੇ ਨਾਲ ਸੁਰਖਿਆ ਚ ਆਇਆ ਸੀ ਅਤੇ ਗੋਲਡੀ ਬਰਾੜ ਲਾਰੇਂਸ ਬਿਸ਼ਨੋਈ ਦਾ ਬੇਹੱਦ ਕਰੀਬੀ ਵੀ ਮੰਨਿਆ ਜਾਂਦਾ ਹੈ ਅਤੇ ਇਸ (ਗੋਲਡੀ ਬਰਾੜ ) ਖਿਲਾਫ ਭਾਰਤ ਸਰਕਾਰ ਵੱਲੋ ਪਹਿਲਾ ਵੀ ਲੁਕ ਆਊਟ ਸਰਕੂਲਰ ਜਾਰੀ ਕੀਤਾ ਹੋਇਆ ਹੈ ।ਐੱਨ ਆਈ ਏ ਵੱਲੋਂ ਗੋਲਡੀ ਬਰਾੜ ਉਪਰ 10 ਲੱਖ ਦਾ ਇਨਾਮ ਵੀ ਰੱਖਿਆ ਹੋਇਆ ਹੈ।