ਇਕ ਵਾਰ ਫਿਰ ਗੋਲੀਆਂ ਨਾਲ ਗੂੰਜਿਆ ਫਿਰੋਜ਼ਪੁਰ , ਇਕ ਨੌਜਵਾਨ ਜ਼ਖ਼ਮੀ
- 302 Views
- kakkar.news
- August 2, 2024
- Crime Punjab
ਇਕ ਵਾਰ ਫਿਰ ਗੋਲੀਆਂ ਨਾਲ ਗੂੰਜਿਆ ਫਿਰੋਜ਼ਪੁਰ , ਇਕ ਨੌਜਵਾਨ ਜ਼ਖ਼ਮੀ
ਫਿਰੋਜ਼ਪੁਰ 2 ਅਗਸਤ 2024 (ਅਨੁਜ ਕੱਕੜ ਟੀਨੂੰ )
ਫਿਰੋਜ਼ਪੁਰ ਵਿਚ ਹੁਣ ਗੋਲੀਆਂ ਚੱਲਣ ਦੀਆਂ ਘਟਨਾਵਾਂ ਆਮ ਜਿਹੀ ਗੱਲ ਜਾਪਦੀ ਹੈ ਇਥੇ ਆਏ ਦਿਨ ਕੀਤੇ ਨਾ ਕੀਤੇ ਗੈਂਗਵਾਰ ਹੁੰਦੀ ਹੈ ਜਾਂ ਫਿਰ ਗੋਲੀਆਂ ਚੱਲਣ ਦੀਆਂ ਘਟਨਾਵਾਂ । ਲਾਅ ਐਂਡ ਆਰਡਰ ਦੀਆਂ ਧੱਜੀਆਂ ਉਡਾਉਂਦੇ ਹੋਏ ਸ਼ਰਾਰਤੀ ਅਨਸਰਾਂ ਵਲੋਂ ਅਸਲੇ ਦੀ ਵਰਤੋਂ ਹੁਣ ਫਿਰੋਜ਼ਪੁਰ ਚ ਜਿਆਦਾ ਹੋਣ ਲੱਗ ਗਈ ਹੈ । ਗੈਂਗਵਾਰ ਦੌਰਾਨ ਹੋਈ ਇਕ ਮੌਤ ਨੂੰ ਅਜੇ 2 ਦਿਨ ਵੀ ਨਹੀਂ ਹੋਏ ਸੀ ਕਿ ਫਿਰੋਜ਼ਪੁਰ ਛਾਵਣੀ ਦੇ ਬਸ ਸਟੈਂਡ ਕੋਲ DAV ਕਾਲਜ ਦੇ ਸਾਮਣੇ ਅੱਜ ਫਿਰ ਗੋਲੀਆਂ ਲੱਗਣ ਨਾਲ ਇਕ ਵਿਅਕਤੀ ਦੇ ਗੰਭੀਰ ਰੂਪ ਚ ਜ਼ਖ਼ਮੀ ਹੋ ਜਾਣ ਦੀ ਖ਼ਬਰ ਸਾਮਣੇ ਆਈ ਹੈ ।
ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਲਵਿਸ਼ ਅਟਵਾਲ ਨਾਮਕ ਨੌਜਵਾਨ ਆਪਣੇ ਦੋਸਤ ਨਾਲ ਆਪਣੀ ਬਾਈਕ ਤੇ ਸਵਾਰ ਹੋ ਕੇ ਫਿਰੋਜ਼ਪੁਰ ਛਾਵਣੀ ਤੋਂ ਆਪਣੇ ਘਰ ਵਾਪਿਸ ਆ ਰਿਹਾ ਸੀ ਕਿ ਜਿਵੇ ਹੀ ਉਹ DAV ਕਾਲਜ ਦੇ ਕੋਲ ਪੁੱਜੇ ਤਾ ਪਿੱਛੇ ਆ ਰਹੀ ਸਵਿਫਟ ਕਾਰ ਚ ਸਵਾਰ 4 ਅਣਪਛਾਤੇ ਹਮਲਾਵਰਾਂ ਵੱਲੋ ਓਹਨਾ ਉਪਰ ਫਾਇਰਿੰਗ ਕੀਤੀ ਗਈ , ਗੋਲੀ ਲੱਗਣ ਕਾਰਨ ਦੋਨੋ ਸਾਥੀ ਆਪਣੀ ਬਾਈਕ ਤੋਂ ਹੇਠਾਂ ਸੜਕ ਤੇ ਡਿੱਗ ਗਏ ਅਤੇ ਕਾਰ ਸਵਾਰ ਉਥੋ ਫਰਾਰ ਹੋ ਗਏ। ਜਖ਼ਮੀ ਹੋਏ ਨੌਜਵਾਨ ਨੂੰ ਇਲਾਜ਼ ਲਈ ਨਿਜ਼ੀ ਹਸਪਤਾਲ ਦਾਖਿਲ ਕਰਵਾਇਆ ਗਿਆ ।
ਪੁਲਿਸ ਦੇ ਕਹਿਣ ਮੁਤਾਬਿਕ ਕਾਰਵਾਈ ਕੀਤੀ ਜਾ ਰਹੀ ਹੈ ਅਤੇ ਦੋਸ਼ੀਆਂ ਦੀ ਭਾਲ ਜਾਰੀ ਹੈ।ਪਰ ਅਜਿਹੀਆਂ ਘਟਨਾਵਾਂ ਕਾਰਨ ਫਿਰੋਜ਼ਪੁਰ ਦੇ ਲੋਕਾਂ ਚ ਇਕ ਸਹਿਮ ਦਾ ਮਾਹੌਲ ਬਣਿਆ ਪਿਆ ਹੈ । ਇਹਨਾਂ ਦਿਨਾਂ ਚ ਹੋ ਰਹੀਆਂ ਘਟਨਾਵਾਂ ਬਾਰੇ ਪੁਲਿਸ ਵੱਲੋ ਇਹੋ ਹੀ ਕਹਿਣਾ ਹੁੰਦਾ ਹੈ ਕਿ ਕਾਰਵਾਈ ਕੀਤੀ ਜਾ ਰਹੀ ਹੈ ਅਤੇ ਦੋਸ਼ੀਆਂ ਨੂੰ ਜਲਦ ਫੜ ਲਿੱਤਾ ਜਾਏਗਾ । ਪਰ ਫਿਰ ਵੀ ਇਹਨਾਂ ਸ਼ਰਾਰਤੀ ਅਨਸਰਾਂ ਉਪਰ ਮਾਨੋ ਪੁਲਿਸ ਦਾ ਕੋਈ ਖੌਫ ਨਹੀਂ।
ਆਏ ਦਿਨ ਵੱਧ ਰਹੀਆਂ ਅਜਿਹੀਆਂ ਵਾਰਦਾਤਾਂ ਨਾਲ ਕੀਤੇ ਨਾ ਕੀਤੇ ਪੁਲਿਸ ਦੀ ਢਿੱਲੀ ਕਾਰਗੁਜਾਰੀ ਦਾ ਵੀ ਪਤਾ ਚਲਦਾ ਹੈ ।