ਹਲਕਾ ਫ਼ਿਰੋਜ਼ਪੁਰ ਦਿਹਾਤੀ ਦੇ 31 ਪਿੰਡਾਂ ਵਿੱਚ ਕਰੀਬ 11 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਨਗੇ ਮਾਡਲ ਖੇਡ ਮੈਦਾਨ: ਵਿਧਾਇਕ ਦਹੀਯਾ

ਮੁੱਖ ਮੰਤਰੀ ਸ. ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਵੱਲੋਂ ਨੌਜਵਾਨਾਂ ਨੂੰ ਖੇਡਾਂ ਵੱਲ ਪ੍ਰੇਰਿਤ ਕਰਨ ਲਈ ਵੱਡਾ ਕਦਮ ਪੁੱਟਦੇ ਹੋਏ ਹਲਕਾ ਫ਼ਿਰੋਜ਼ਪੁਰ ਦਿਹਾਤੀ ਦੇ 31 ਪਿੰਡਾਂ ਦੇ ਵਿੱਚ 10 ਕਰੋੜ 96 ਲੱਖ 42 ਹਜ਼ਾਰ (ਕਰੀਬ 11 ਕਰੋੜ) ਰੁਪਏ ਦੀ ਲਾਗਤ ਨਾਲ ਮਾਡਲ ਖੇਡ ਮੈਦਾਨ ਬਣਾਏ ਜਾਣਗੇ।

ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਵਿਧਾਇਕ ਰਜਨੀਸ਼ ਕੁਮਾਰ ਦਹੀਯਾ ਨੇ ਦੱਸਿਆ ਕਿ ਮੁੱਖ ਮੰਤਰੀ ਸ. ਭਗਵੰਤ ਸਿੰਘ ਮਾਨ ਵੱਲੋਂ ਰਾਜ ਪੱਧਰ ਤੇ 13 ਹਜ਼ਾਰ ਅਤਿ ਆਧੁਨਿਕ ਖੇਡ ਮੈਦਾਨਾਂ ਦੀ ਉਸਾਰੀ ਦੀ ਘੋਸ਼ਣਾ ਕੀਤੀ ਗਈ ਹੈ ਜਿਸ ਦੇ ਪਹਿਲੇ ਪੜ੍ਹਾਅ ਅਧੀਨ 3083 ਅਜਿਹੇ ਖੇਡ ਮੈਦਾਨਾਂ ਦੀ ਉਸਾਰੀ ਦਾ ਕੰਮ ਪਹਿਲਾਂ ਹੀ ਚੱਲ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਕਰੋੜਾਂ ਰੁਪਏ ਦੀ ਰਾਸ਼ੀ ਦੇ ਨਾਲ ਮਾਡਲ ਖੇਡ ਮੈਦਾਨ ਤਿਆਰ ਕੀਤੇ ਜਾਣਗੇ ਤਾਂ ਜੋ ਨੌਜਵਾਨ ਆਪਣਾ ਧਿਆਨ ਖੇਡਾਂ ਵੱਲ ਲਗਾ ਸਕਣ ਅਤੇ ਨਸ਼ੇ ਵਰਗੀਆਂ ਮਾੜੀਆਂ ਅਲਾਮਤਾਂ ਤੋਂ ਬਚ ਸਕਣ।

ਵਿਧਾਇਕ ਦਹੀਯਾ ਨੇ ਦੱਸਿਆ ਕਿ ਪਿੰਡ ਚੰਦੜ ਵਿਖੇ 44.02 ਲੱਖ, ਫਰੀਦੇਵਾਲਾ 24 ਲੱਖ, ਲੋਹਾਮ 21.07, ਖਵਾਜਾ ਖੜਕ ਵਿਖੇ 30.50 ਲੱਖ, ਭਾਲਾ ਫਰਾਇਆ ਮੱਲ ਵਿਖੇ 31.02 ਲੱਖ, ਭਾਂਗਰ ਵਿਖੇ 45.63 ਲੱਖ, ਹਰਾਜ ਵਿਖੇ 46.54, ਜਵਾਹਰ ਸਿੰਘ ਵਾਲਾ 18.31 ਲੱਖ, ਕਾਦਾ ਬੋੜਾ ਵਿਖੇ 45.02, ਲੱਲ੍ਹੇ 41.03 ਲੱਖ, ਮੱਲਵਾਲ ਕਦੀਮ ਵਿਖੇ 40.70 ਲੱਖ, ਮਾਣਾ ਸਿੰਘ ਵਾਲਾ 29.16, ਫਿੱਡੇ ਵਿਖੇ 43.14, ਰੁਕਨਾ ਬੇਗੂ 47.16, ਸ਼ੇਰਖਾਂ ਵਿਖੇ 48.51 ਲੱਖ, ਸੁਲਹਾਣੀ ਵਿਖੇ 31.36 ਲੱਖ, ਸੁਰ ਸਿੰਘ ਵਾਲਾ 23.39 ਲੱਖ, ਠੇਠਰ ਕਲਾਂ 32.45 ਲੱਖ, ਤੂਤ ਵਿਖੇ 35.67 ਲੱਖ, ਉਗੋਕੇ 44.47 ਲੱਖ, ਵਾੜਾ ਜਵਾਹਰ ਸਿੰਘ ਵਾਲਾ 23.15 ਲੱਖ, ਮੱਲਾ ਰਹਿਮੇ ਕੇ 30.48 ਲੱਖ, ਚੱਕ ਦੋਨਾ ਰਹੀਮੇ ਕੇ 27.31 ਲੱਖ, ਕੋਠੇ ਕਿੱਲੀ ਵਾਲੇ 21.01 ਲੱਖ, ਚੱਕ ਭੰਗੇ ਵਾਲਾ 37.88 ਲੱਖ, ਲਖਮੀਰ ਕੇ ਹਿਠਾੜ 17.08 ਲੱਖ, ਬੇਟੂ ਕਦੀਮ 55.07 ਲੱਖ, ਬੂਟੇ ਵਾਲਾ 46.10 ਲੱਖ, ਧੀਰਾ ਪੱਤਰਾ 51.89 ਲੱਖ, ਝੋਕ ਹਰੀਹਰ 42.21 ਲੱਖ, ਮੋਹਰੇ ਵਾਲਾ 19.68 ਲੱਖ ਰੁਪਏ ਦੀ ਲਾਗਤ ਦੇ ਨਾਲ ਮਾਡਲ ਖੇਡ ਸਟੇਡੀਅਮ ਬਣਾਏ ਜਾਣਗੇ।

ਵਿਧਾਇਕ ਦਹੀਯਾ ਨੇ ਨੌਜਵਾਨਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਉਹ ਖੇਡਾਂ ਵੱਲ ਧਿਆਨ ਦੇਣ ਅਤੇ ਨਸ਼ਿਆਂ ਦੇ ਖਾਤਮੇ ਦੇ ਲਈ ਇਕਜੁੱਟ ਹੋ ਕੇ ਮਾਨ ਸਰਕਾਰ ਦਾ ਸਾਥ ਦੇਣ। ਉਨ੍ਹਾਂ ਕਿਹਾ ਕਿ ਹਲਕਾ ਫ਼ਿਰੋਜ਼ਪੁਰ ਦਿਹਾਤੀ ਦੇ ਪਿੰਡਾਂ ਦੇ ਵਿੱਚ ਵਿਕਾਸ ਕਾਰਜਾਂ ਦਾ ਦੌਰ ਜਾਰੀ ਰਹੇਗਾ।