ਫਿਰੋਜ਼ਪੁਰ ਦਿੱਲੀ ਗੇਟ ਚ ਝਗੜਾ ਤੇ ਗੋਲੀਬਾਰੀ- ਦੋ ਦੁਕਾਨਦਾਰ ਜ਼ਖਮੀ, ਰੋਸ ਵੱਜੋ ਬਾਜ਼ਾਰ ਬੰਦ
ਫਿਰੋਜ਼ਪੁਰ ਦਿੱਲੀ ਗੇਟ ਚ ਝਗੜਾ ਤੇ ਗੋਲੀਬਾਰੀ- ਦੋ ਦੁਕਾਨਦਾਰ ਜ਼ਖਮੀ, ਰੋਸ ਵੱਜੋ ਬਾਜ਼ਾਰ ਬੰਦ
ਫਿਰੋਜ਼ਪੁਰ 31 ਅਕਤੂਬਰ 2025 ( ਅਨੁਜ ਕੱਕੜ ਟੀਨੂੰ)
ਫਿਰੋਜ਼ਪੁਰ ਸ਼ਹਿਰ ਦੇ ਭੀੜ-ਭਾੜ ਵਾਲੇ ਇਲਾਕੇ ਦਿੱਲੀ ਗੇਟ ਵਿਖੇ ਅੱਜ ਸ਼ਾਮ ਦੁਕਾਨਦਾਰ ਤੇ ਗਾਹਕਾਂ ਵਿੱਚ ਹੋਏ ਝਗੜੇ ਦੌਰਾਨ ਕਿਰਪਾਨਾਂ ਚਲੀਆਂ ਤੇ ਫਿਰ ਗੋਲੀਬਾਰੀ ਦੀ ਘਟਨਾ ਸਾਹਮਣੇ ਆਈ ਹੈ।
ਗੋਲੀਬਾਰੀ ਵਿੱਚ ਦੁਕਾਨਦਾਰ ਗੰਭੀਰ ਜ਼ਖ਼ਮੀ ਹੋ ਗਿਆ, ਜਦਕਿ ਉਸ ਦੀ ਮਦਦ ਲਈ ਆਏ ਦੂਜੇ ਦੁਕਾਨਦਾਰ ਨੂੰ ਵੀ ਸੱਟਾਂ ਲੱਗੀਆਂ ਹਨ। ਦੋਵੇਂ ਜ਼ਖ਼ਮੀਆਂ ਨੂੰ ਤੁਰੰਤ ਹਸਪਤਾਲ ਵਿੱਚ ਦਾਖਲ ਕਰਾਇਆ ਗਿਆ ਹੈ।
ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਿਸ ਮੌਕੇ ’ਤੇ ਪਹੁੰਚ ਗਈ ਹੈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਹਾਲਾਂਕਿ ਅਜੇ ਤੱਕ ਝਗੜੇ ਜਾਂ ਗੋਲੀ ਚੱਲਣ ਦੇ ਅਸਲ ਕਾਰਣਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ।
ਗੋਲੀਬਾਰੀ ਦੀ ਖ਼ਬਰ ਨਾਲ ਪੂਰੇ ਬਾਜ਼ਾਰ ’ਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ, ਜਿਸ ਕਾਰਨ ਦੁਕਾਨਦਾਰਾਂ ਨੇ ਰੋਸ ਵਜੋਂ ਸਾਰਾ ਬਾਜ਼ਾਰ ਬੰਦ ਕਰ ਦਿੱਤਾ ਹੈ।
Recent Posts
