ਫਿਰੋਜ਼ਪੁਰ ‘ਚ ਮੁੜ ਚੱਲੀਆਂ ਗੋਲੀਆਂ — ਇੱਕ ਵਿਅਕਤੀ ਜ਼ਖ਼ਮੀ!
ਫਿਰੋਜ਼ਪੁਰ ‘ਚ ਮੁੜ ਚੱਲੀਆਂ ਗੋਲੀਆਂ — ਇੱਕ ਵਿਅਕਤੀ ਜ਼ਖ਼ਮੀ!
ਫਿਰੋਜ਼ਪੁਰ, 4 ਨਵੰਬਰ 2025 ਅਨੁਜ ਕੱਕੜ ਟੀਨੂੰ
ਜ਼ਿਲ੍ਹੇ ‘ਚ ਫਿਰ ਇੱਕ ਗੋਲੀਬਾਰੀ ਦੀ ਘਟਨਾ ਸਾਹਮਣੇ ਆਈ ਹੈ। ਤਲਵੰਡੀ ਦੇ ਰਹਿਣ ਵਾਲੇ ਕਲਵੀਰ ਸਿੰਘ ਪੁੱਤਰ ਰਾਜਾ ਸਿੰਘ ਨੇ ਦੱਸਿਆ ਕਿ ਉਹ ਆਪਣੇ ਕੁਝ ਸਾਥੀਆਂ ਨਾਲ ਤਾਰੀਕ ਤੋਂ ਵਾਪਸ ਆ ਰਿਹਾ ਸੀ। ਜਿਵੇਂ ਹੀ ਉਹ ਕੱਚਾ ਜ਼ੀਰਾ ਰੋਡ ਕੋਲ ਪਹੁੰਚੇ, ਕਲਵੀਰ ਸਿੰਘ ਗੱਡੀ ਤੋਂ ਪੇਸ਼ਾਬ ਕਰਨ ਲਈ ਉਤਰੇ — ਇਸ ਦੌਰਾਨ ਦੋ ਨਕਾਬਪੋਸ਼ ਵਿਅਕਤੀ ਮੋਟਰਸਾਈਕਲ ‘ਤੇ ਆ ਕੇ ਰੁਕੇ ਅਤੇ ਅਚਾਨਕ ਉਸਦੇ ਪੈਰ ‘ਤੇ ਗੋਲੀ ਮਾਰ ਦਿੱਤੀ।
ਗੋਲੀ ਲੱਗਣ ਨਾਲ ਕਲਵੀਰ ਸਿੰਘ ਹੇਠਾਂ ਡਿੱਗ ਗਿਆ, ਜਦਕਿ ਹਮਲਾਵਰ ਮੌਕੇ ਤੋਂ ਮੋਟਰਸਾਈਕਲ ‘ਤੇ ਫਰਾਰ ਹੋ ਗਏ। ਉਸਨੂੰ ਤੁਰੰਤ ਫਿਰੋਜ਼ਪੁਰ ਦੇ ਇਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸਦੀ ਹਾਲਤ ਸਥਿਰ ਦੱਸੀ ਹੈ।
ਪਹੁੰਚੇ DSP ਸੁਖਵਿੰਦਰ ਸਿੰਘ ਨੇ ਕਿਹਾ ਕਿ ਦਾਖਿਲ ਵਿਅਕਤੀ ਦਾ ਕਿਸੇ ਨਾਲ ਕੋਈ ਲਾਗ ਡਾਟ ਨਹੀਂ ਹੈ ਪਰ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਸਹੀ ਕਾਰਨਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ ।
