ਪੁਲਿਸ ਟੀਮ ‘ਤੇ ਹਮਲਾ, ASI ਗੋਲੀ ਲੱਗਣ ਨਾਲ ਜ਼ਖ਼ਮੀ
ਪੁਲਿਸ ਟੀਮ ‘ਤੇ ਹਮਲਾ, ASI ਗੋਲੀ ਲੱਗਣ ਨਾਲ ਜ਼ਖ਼ਮੀ
ਫਿਰੋਜ਼ਪੁਰ, 11 ਨਵੰਬਰ 2025 (ਸਿਟੀਜਨਜ਼ ਵੋਇਸ)
ਪਿੰਡ ਨਾਜੂ ਸ਼ਾਹ ਮਿਸ਼ਰੀ ਵਾਲਾ ਵਿੱਚ ਜਮਾਨਤ ‘ਤੇ ਆਏ ਇੱਕ ਵਿਅਕਤੀ ਦੇ ਘਰ ਪੁੱਜੀ ਪੁਲਿਸ ਟੀਮ ‘ਤੇ ਹਮਲਾ ਹੋ ਗਿਆ। ਇਸ ਦੌਰਾਨ ਇੱਕ ASI ਨੂੰ ਗੋਲੀ ਲੱਗਣ ਨਾਲ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋਣ ਦੀ ਖ਼ਬਰ ਸਾਮਣੇ ਆਈ ਹੈ।
ਜਾਣਕਾਰੀ ਮੁਤਾਬਕ, ਮਿਤੀ 10-11-2025 ਦੁਪਹਿਰ 1:30 ਵਜੇ ਦੇ ਕਰੀਬ SI/SHO ਸਮੇਤ ਪੁਲਿਸ ਦੀ ਟੀਮ ਪਵਿੱਤਰ ਸਿੰਘ ਉਰਫ਼ ਬੱਬੂ ਪੁੱਤਰ ਗੁਰਦਿੱਤ ਸਿੰਘ ਵਾਸੀ ਨਾਜੂ ਸ਼ਾਹ ਮਿਸ਼ਰੀ ਵਾਲਾ ਦੇ ਘਰ ਦੇ ਬਾਹਰ ਪੁੱਜੀ। ਉਸ ਸਮੇਂ ਪਵਿੱਤਰ ਸਿੰਘ ਅਤੇ ਉਸਦਾ ਭਰਾ ਬੇਅੰਤ ਸਿੰਘ ਘਰ ਦੇ ਬਾਹਰ ਮੌਜੂਦ ਸਨ। ਪੁੱਛਗਿੱਛ ਦੌਰਾਨ ਦੋਵੇਂ ਭਰਾ ਪੁਲਿਸ ਦੇ ਗਲ ਪੈਣ ਲੱਗ ਪਏ ਅਤੇ ਬਦ ਕਲਾਮੀ ਕਰਨ ਲੱਗੇ ਤਾ ਇੰਨੇ ਵਿੱਚ ਹੀ ਇਹਨਾ ਦਾ ਪਿਤਾ ਗੁਰਦਿੱਤ ਸਿੰਘ ਪੁੱਤਰ ਰਬੇਲ ਸਿੰਘ ਵੀ ਮੌਕੇ ‘ਤੇ ਆ ਗਿਆ, ਜਿਸ ਦੇ ਨਾਲ ਜਸਵੀਰ ਸਿੰਘ ਉਰਫ਼ ਬੌਨੀ ਪੁੱਤਰ ਗੁਰਬਖ਼ਸ਼ ਸਿੰਘ ਅਤੇ 3-4 ਹੋਰ ਨਾਮਲੂਮ ਵਿਅਕਤੀ ਵੀ ਸ਼ਾਮਲ ਸਨ। ਇਹ ਸਾਰੇ ਪੁਲਿਸ ਕਰਮਚਾਰੀਆਂ ਨਾਲ ਝਗੜੇ ‘ਚ ਉਤਰ ਆਏ ਅਤੇ ASI ਬਲਵੰਤ ਸਿੰਘ ਨਾਲ ਗੁੱਥਮਗੁੱਥੀ ਹੋ ਗਏ ।
ਇਸ ਹੰਗਾਮੇ ਦੌਰਾਨ ASI ਦਾ ਰਿਵਾਲਵਰ ਗਲੀ ਵਿੱਚ ਡਿੱਗ ਪਿਆ, ਜਿਸਨੂੰ ਜਸਵੀਰ ਸਿੰਘ ਉਰਫ਼ ਬੌਨੀ ਨੇ ਚੁੱਕ ਲਿਆ ਅਤੇ ਮਾਰਨ ਦੀ ਨੀਅਤ ਨਾਲ ASI ਬਲਵੰਤ ਸਿੰਘ ਉੱਤੇ ਸਿੱਧਾ ਫਾਇਰ ਕਰ ਦਿੱਤਾ। ਗੋਲੀ ASI ਦੇ ਜਬਾੜੇ ‘ਚ ਲੱਗੀ, ਜਿਸ ਨਾਲ ਉਹ ਗੰਭੀਰ ਜ਼ਖ਼ਮੀ ਹੋ ਗਿਆ।
ਥਾਣਾ ਕੁਲਗੜੀ ਦੀ ਪੁਲਿਸ ਨੇ ਉਕਤ ਆਰੋਪੀਆਂ ਖਿਲਾਫ ਅਲਗ ਅਲਗ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
