ਅੰਡਰ-19 ਲੜਕੀਆਂ ਸਕੂਲ ਖੇਡਾਂ ਵਿੱਚ ਫਿਰੋਜਪੁਰ ਬਨਿਆ ਚੈੰਮਪਿਅਨ :-ਅਸੀਸਪ੍ਰੀਤ ਅਤੇ ਇਨਾਯਤ ਰਹੀਆਂ ਟੂਰਨਾਮੈਂਟ ਵਿੱਚ ਸਟਾਰ ਖਿਡਾਰਨਾਂ
ਅੰਡਰ-19 ਲੜਕੀਆਂ ਸਕੂਲ ਖੇਡਾਂ ਵਿੱਚ ਫਿਰੋਜਪੁਰ ਬਨਿਆ ਚੈੰਮਪਿਅਨ :-ਅਸੀਸਪ੍ਰੀਤ ਅਤੇ ਇਨਾਯਤ ਰਹੀਆਂ ਟੂਰਨਾਮੈਂਟ ਵਿੱਚ ਸਟਾਰ ਖਿਡਾਰਨਾਂ
ਫਿਰੋਜ਼ਪੁਰ 11 ਨਵੰਬਰ 2025 (ਸਿਟੀਜਨਜ਼ ਵੋਇਸ)
ਪੰਜਾਬ ਜਿਲ੍ਹਾ ਸਕੂਲ ਖੇਡਾਂ ਜਲੰਧਰ ਦੇ ਹੰਸ ਰਾਜ ਬੈਡਮਿੰਟਨ ਸਟੇਡੀਅਮ ਵਿਖੇ ਕਰਵਾਈਆਂ ਗਈਆਂ।ਇਹਨਾਂ ਖੇਡਾਂ ਵਿੱਚ ਪੰਜਾਬ ਦੇ ਹਰ ਇਕ ਜਿਲ੍ਹੇ ਦੀਆਂ ਵਿਦਿਆਰਥਣਾਂ ਨੇ ਭਾਗ ਲਿਆ। ਬੈਡਮਿੰਟਨ ਅੰਡਰ-19 ਖੇਡਾਂ ਵਿੱਚ ਜਿਲ੍ਹਾ ਫਿਰੋਜ਼ਪੁਰ ਦੀਆਂ ਖਿਡਾਰਨਾਂ ਨੇ ਗੋਲਡ ਮੈਡਲ ਜਿੱਤ ਕੇ ਪੰਜਾਬ ਸਕੂਲ ਖੇਡਾਂ ਵਿੱਚ ਪਹਿਲਾ ਦਰਜਾ ਹਾਸਲ ਕਰਕੇ ਜਿਲ੍ਹਾ ਫਿਰੋਜ਼ਪੁਰ ਦਾ ਨਾਮ ਉੱਚਾ ਕੀਤਾ।
ਪੰਜਾਬ ਦੇ ਜਿਲ਼੍ਹਾ ਜਲੰਧਰ ਵਿੱਚ ਮਿਤੀ 06-11-2025 ਤੋਂ ਮਿਤੀ 9-11-2025 ਤੱਕ ਹੰਸ ਰਾਜ ਬੈਡਮਿੰਟਨ ਹਾਲ ਵਿੱਚ ਪੰਜਾਬ ਸਕੂਲ ਅੰਤਰ ਜਿਲ਼੍ਹਾ ਖੇਡਾਂ -69ਵੀਆਂ ਖੇਡਾਂ ਦੇ ਮੁਕਾਬਲੇ ਕਰਵਾਏ ਗਏ ।ਇਹਨਾਂ ਖੇਡਾਂ ਵਿੱਚ 23 ਜਿਲ੍ਹਿਆਂ ਦੀਆਂ ਵਿਦਿਆਰਥਣਾਂ ਨੇ ਭਾਗ ਲਿਆ ਜਿਲ੍ਹਾ ਫਿਰੋਜ਼ਪੁਰ ਦੀਆਂ ਪੰਜ ਖਿਡਾਰਨਾਂ ਨੇ ਇਹਨਾਂ ਖੇਡਾਂ ਵਿੱਚ ਭਾਗ ਲਿਆ ਜਿਨ੍ਹਾਂ ਵਿੱਚ ਇਨਾਯਤ , ਅਸੀਸਪ੍ਰੀਤ ਕੋਰ, ਭਾਵਿਕਾ, ਭਾਵਯਾ ਸ਼ਰਮਾ ਅਤੇ ਰਿਧਮ ਨੇ ਭਾਗ ਲਿਆ।ਇਸ ਟੂਰਨਾਂਮੈਂਟ ਦੋਰਾਨ ਫਿਰੋਜ਼ਪੁਰ ਦੀਆਂ ਵਿਦਿਆਰਥਣਾਂ ਨੇ ਸਾਰੀਆਂ ਟੀਮਾਂ ਨੂੰ ਹਰਾ ਕੇ ਪੰਜਾਬ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਅਤੇ ਗੋਲਡ ਮੈਡਲ ਹਾਸਲ ਕੀਤਾ।ਜਿਲ੍ਹਾ ਫਿਰੋਜ਼ਪੁਰ ਵਿਖੇ ਬੈਡਮਿੰਟਨ ਲੜਕੀਆਂ ਅੰਡਰ-19 ਦੁਆਰਾ ਪਹਿਲੀ ਵਾਰ ਗੋਲਡ ਮੈਡਲ ਜਿੱਤ ਕੇ ਜਿਲ੍ਹੇ ਦਾ ਨਾਮ ਰੋਸ਼ਨ ਕੀਤਾ ਹੈ। ਇਸ ਤੋਂ ਪਹਿਲਾਂ ਫਿਰੋਜ਼ਪੁਰ ਦਾ ਸਕੂਲ ਖੇਡਾਂ ਵਿੱਚ ਅੰਡਰ-14 ਅਤੇ 17 ਸਕੂਲ ਖੇਡਾਂ ਵਿੱਚ ਗੋਲਡ ਮੈਡਲ ਨੈਸ਼ਨਲ ਖਿਡਾਰਣ ਸਵਰੀਤ ਕੌਰ ਲਿਆਂਦਾ ਗਿਆ ਸੀ ।ਇਹਨਾਂ ਵਿੱਚੋਂ ਟੀਮ ਦੀਆਂ ਪ੍ਰਮੁੱਖ ਖਿਡਾਰਨਾਂ ਆਉਣ ਵਾਲੇ ਸਮੇਂ ਵਿੱਚ ਹੋਣ ਵਾਲੀ ਨੈਸ਼ਨਲ ਵਿੱਚ ਪੰਜਾਬ ਦੀ ਨੁਮਾਂਇੰਦਗੀ ਕਰਨਗੀਆਂ।ਇਸ ਮੋਕੇ ਜਿਲ੍ਹਾ ਸਿੱਖਿਆ ਅਫਸਰ(ਸੈ.ਸਿ) ਜਲ਼ੰਧਨ ਜੀ ਅਤੇ ਪ੍ਰਿੰਸੀਪਲ ਸ਼੍ਰੀ ਰਾਜੀਵ ਹਾਂਡਾ ਨੇ ਵਿਸ਼ੇਸ਼ ਤੋਰ ਤੇ ਪਹੁੰਚ ਕੇ ਜੇਤੂਆਂ ਨੂੰ ਇਨਾਮ ਦਿੱਤੇ ਅਤੇ ਉਹਨਾਂ ਦੀ ਹੋਂਸਲਾ ਅਫਜਾਈ ਕੀਤੀ।ਸਟਾਰ ਖਿਡਾਰਣ ਇਨਾਇਤ ਦਾ ਫਿਰੋਜਪੁਰ ਅਕੈਡਮੀ ਪਹੁੰਚਣ ਤੇ ਉਹਨਾਂ ਦੇ ਕੋਚ ਸ: ਜਸਵਿੰਦਰ ਸਿੰਘ ਜੀ ਨੇ ਉਹਨਾਂ ਦਾ ਭਰਵਾਂ ਸਵਾਗਤ ਕੀਤਾ ।
