ਫਿਰੋਜ਼ਪੁਰ ਪੁਲਿਸ ਨੂੰ ਵੱਡੀ ਸਫਲਤਾ, 2 ਕਿਲੋ 42 ਗ੍ਰਾਮ ਹੈਰੋਇਨ ਬਰਾਮਦ,ਆਰੋਪੀ ਗਿਰਫ਼ਤਾਰ

ਫਿਰੋਜ਼ਪੁਰ ਪੁਲਿਸ ਨੂੰ ਵੱਡੀ ਸਫਲਤਾ, 2 ਕਿਲੋ 42 ਗ੍ਰਾਮ ਹੈਰੋਇਨ ਬਰਾਮਦ,ਆਰੋਪੀ ਗਿਰਫ਼ਤਾਰ

ਫਿਰੋਜ਼ਪੁਰ  14 ਨਵੰਬਰ 2025 (ਅਨੁਜ ਕੱਕੜ ਟੀਨੂੰ)

ਪੰਜਾਬ ਸਰਕਾਰ ਵੱਲੋਂ ਚਲਾਈ ਗਈ “ਯੁੱਧ ਨਸ਼ਾ ਵਿਰੁੱਧ” ਮੁਹਿੰਮ ਅਧੀਨ ਫਿਰੋਜ਼ਪੁਰ ਪੁਲਿਸ ਨੇ ਅੱਜ ਇੱਕ ਮਹੱਤਵਪੂਰਨ ਕਾਰਵਾਈ ਦੌਰਾਨ 2 ਕਿਲੋ 42 ਗ੍ਰਾਮ ਹੈਰੋਇਨ ਬਰਾਮਦ ਕਰਕੇ ਇੱਕ ਵਿਅਕਤੀ ਨੂੰ ਗਿਰਫਤਾਰ ਕੀਤਾ ਹੈ।
ਥਾਣਾ ਮਖੂ ਦੇ ਐਸਐਚਓ ਅਤੇ ਉਨ੍ਹਾਂ ਦੀ ਟੀਮ ਨੇ ਇੰਟੈਲੀਜੈਂਸ ਇਨਪੁਟ ਮਿਲਣ ਉੱਪਰੰਤ ਟੀ ਪੁਆਇੰਟ ਮੁਹੰਮਦ ਵਾਲਾ ਵਿਖੇ ਨਾਕਾਬੰਦੀ ਕੀਤੀ, ਜਿੱਥੋਂ ਦੋਸ਼ੀ ਨੂੰ ਕਾਬੂ ਕੀਤਾ ਗਿਆ। ਦੋਸ਼ੀ ਦੀ ਪਹਿਚਾਣ ਵਿਜੈ ਸਿੰਘ ਪੁੱਤਰ ਜੰਮੂ ਸਿੰਘ, ਵਾਸੀ ਜਲਾਲ ਵਾਲਾ, ਉਮਰ 21 ਸਾਲ ਵਜੋਂ ਹੋਈ ਹੈ।
ਐਸਐਸਪੀ ਫਿਰੋਜ਼ਪੁਰ ਨੇ ਦੱਸਿਆ ਕਿ ਪੁਛਗਿੱਛ ਦੌਰਾਨ ਵਿਜੈ ਸਿੰਘ ਨੇ ਕਬੂਲਿਆ ਕਿ ਉਸਨੇ ਇਹ ਹੈਰੋਇਨ ਦੀ ਖੇਪ ਅੰਮ੍ਰਿਤਸਰ ਨੇੜੇ ਛੇਹਰੇਟਾਂ ਰੋਡ ਤੋਂ ਆਪਣੇ ਕੁਝ ਸਾਥੀਆਂ ਤੋਂ ਲਈ ਸੀ, ਜੋ ਨਸ਼ੇ ਦੇ ਕਾਰੋਬਾਰ ਨਾਲ ਜੁੜੇ ਹੋਏ ਹਨ। ਉਹ ਇਸ ਖੇਪ ਨੂੰ ਅੱਗੇ ਵੇਚਣ ਵਾਲਾ ਸੀ।
ਪੁਲਿਸ ਨੇ ਦੋਸ਼ੀ ਖ਼ਿਲਾਫ NDPS ਐਕਟ ਅਧੀਨ ਥਾਣਾ ਮਖੂ ਵਿੱਚ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਉਸਦੇ ਸਾਥੀਆਂ ਦੀ ਭਾਲ ਜਾਰੀ ਹੈ। ਐਸਐਸਪੀ ਨੇ ਇਹ ਵੀ ਦੱਸਿਆ ਕਿ ਵਿਜੈ ਸਿੰਘ ਦਾ ਪਹਿਲਾਂ ਕੋਈ ਕਰਿਮਿਨਲ ਰਿਕਾਰਡ ਨਹੀਂ ਮਿਲਿਆ।
ਲੋਕਾਂ ਨੂੰ ਸੰਦੇਸ਼ ਦਿੰਦਿਆਂ ਐਸਐਸਪੀ ਨੇ ਕਿਹਾ ਕਿ ਮਾਪੇ ਆਪਣੇ ਬੱਚਿਆਂ ਨੂੰ ਨਸ਼ੇ ਦੇ ਨੁਕਸਾਨਾਂ ਬਾਰੇ ਜਾਗਰੂਕ ਰੱਖਣ। ਉਹਨਾਂ ਕਿਹਾ ਕਿ ਨਸ਼ੇ ਦੀ ਦਲਦਲ ਵਿੱਚ ਫਸਣਾ ਸੌਖਾ ਹੈ ਪਰ ਬਾਹਰ ਨਿਕਲਣਾ ਬਹੁਤ ਹੀ ਮੁਸ਼ਕਲ। ਇਹ ਰਾਹ ਸਿਰਫ ਹਨੇਰੇ ਵੱਲ ਹੀ ਲੈ ਜਾਂਦਾ ਹੈ।
ਪੁਲਿਸ ਨੇ ਅਪੀਲ ਕੀਤੀ ਕਿ ਨਸ਼ੇ ਦੇ ਸੌਦਾਗਰਾਂ ਤੋਂ ਬਚ ਕੇ ਰਹੋ ਅਤੇ ਕੋਈ ਵੀ ਸ਼ੱਕੀ ਗਤੀਵਿਧੀ ਵੇਖਣ ‘ਤੇ ਤੁਰੰਤ ਪੁਲਿਸ ਨੂੰ ਸੂਚਿਤ ਕਰੋ।